Nehemia 1:1 - AHYERƐLƐ KRONGRON

¹ Hakalia awa Nehemia, ye noa dwirɛ ɛhe. Afoɛ bɔ ɔtɔ so aburanyɔ ne, bosome bɔ bɛfrɛ ye Kislewi ne anu, ɛlɛho bie, né nwɔ Susa ahemvie.

Nehemia 1:1 Iomraidhean Croise

Ɛsra 10:9

Na ɛlɛsa ne sone ne, né bɛ bɔ bɛwɔ Yuda ne Benyamin amukoraa baaboa bɛ noa wɔ Yerusalem. Né ɔte kyẽa bɔ ɔtɔ so aburanyɔ wɔ bosome bɔ ɔtɔ so ngona ne anu. Mmenia ne amukoraa bɛtenatenane dwaa ne aso wɔ Nyameɛ awuro ne anyunu berɛ. Na ɔnate sɔ dwirɛ ne ɔne esue piri bɔ né ɔtɔ ne ati, bɛ nwo wosowosole bɛ.

Ɛsra 7:7

Nana Atasɛsɛse lili hene ne, ye afoɛ bɔ ɔtɔ so nzoo ne anu, Yisraelfoɛ nemɔ bie, bɛ ne asɔfo, Lewifoɛ, edweintolɛfoɛ, anoa awɛmvoɛ ne asɔneyɛɛ sua nu somvoɛ mɔ bɛ koso besa bɛwale Yerusalem.

Nehemia 10:1

Nwomaa ne, mmenia hemɔ yeɛ bɛfale bɛ nzɔanoɛ bɛsɔle ye noa ɔ: Hakalia awa Nehemia bɔ ɔte amrado ne, ɔne Sedekia;

Nehemia 2:1

Nana Atasɛsɛse lili bia ne, ye afoɛ bɔ ɔtɔ so aburanyɔ ne anu, bosome bɔ bɛfrɛ ye Nisan ne anu, ɛlɛho bie, né nzaa gyi Nana nyunu, na nzuli ye. Sɔ mmerɛ ne, né Nana Atasɛsɛse onnwuni kyɛ me wora abɔ wɔ ye nyunu le.

Nehemia 5:14

Afei koso, ofi mmerɛ bɔ bɛfale me bɛyɛle Yuda aseɛ so amrado nen, ofi Nana Atasɛsɛse ahennie afoɛ bɔ ɔtɔ so aburanyɔ bɔ ɔkwaadwu ye afoɛ aburasa ne nyɔ ne aso ne, sɔ afoɛ buru ne nyɔ ne, me oo, nniɛma nemɔ oo, yɛ nu biala wanne aleɛ ndɔ bɔ odi kyɛ mmenia bɛfa bɛma amrado ne.

Ɛseta 1:2

Sɔ mmerɛ ne, Nana Ahasuro bia bɔ olili ne, né Susa ahemvie yeɛ ɔte ɔ.

Ɛseta 3:15

Kyɛbɔ Nana Ahasuro hyɛle mmeraa nen, ɛbɔfoɛ nemɔ hane bɛ nwo bɛhɔle ndɛndɛ; yeɛ mmeraa nemɔ koso bɛbɔle ye nwo dawure wɔ Susa ahenguro. Afei Nana Ahasuro ne Haman bɛtenane ase bɛnone nzaa, wɔ aberɛ bɔ né Susa kuro ne anu ama bɛ nwo adwiri bɛ ɔ.

Daniel 8:2

Na nyekyire ne anu, nwuni kyɛ né nwɔ Susa ahemvie bɔ ɔwɔ Elam mbɔtam. Na nwuni ye wɔ nyekyire ne anu kyɛ nwɔ asue Yulae noa.

Sakaria 7:1

Nana Dario ahennie afoɛ bɔ ɔtɔ so nna ne anu, AWURADE lale ye dwirɛ ali hyirele Sakaria wɔ bosome ngona bɔ bɛfrɛ ye Kislewi ne anu, ye ɛlɛnna ne aso.