Nahum 3:6 - AHYERƐLƐ KRONGRON

⁶ Ngogyi akyiwadeɛ fitii ngogua wɔ so, ngobu wɔ animtia, ngɔmaa ɛkɔkakyi nikyee bɔ mmenia tu bɛ nye begua ye so ɔ.

Nahum 3:6 Iomraidhean Croise

YOB NWOMAA NE 30:19

Wafindi me wato asaa nu, na makakyi kyɛ mvuture ne nzoen.

YOB NWOMAA NE 30:8

Bɛte mmenia mbaen bie bɔ bɛnze nworɛ ɔ, na batu bɛ bafi aseɛ ne aso.

YOB NWOMAA NE 9:31

ekofindi me kɔto kumaa pikapika nu, na me nwo kɔyɛ me bɔbɔ me ndaadeɛ po tɛ.

Yeremia 51:37

Na Babilɔn kɔkakyi esire, ɛserɛ so ngyea atenaleɛ, anwodwiri nikye ne ngorohoɛ nikye bɔ sona fee ɔtte berɛ ɔ.

Awuye 3:16

Wamaa mafa me gye mapesa nyɔboseka; wafa nzoen wagua me nwo amukoraa.

Hesekiel 16:37

yiti tie, bɛ bɔ ekuro bɛ bɔ wɔ nye gye bɛ nwo ne, mebaaboaboa bɛ mukoraa bɛ noa, bɛ bɔ ekuro bɛ dwirɛ ɔne bɛ bɔ ekyi bɛ amukoraa. Ngɔboaboa bɛ noa ngofi nekaa biala maa bekodwɔso bekotia wɔ, na ngɔpa wɔ nwo ngohyire bɛ maa bekonwu wɔ nwo amukoraa.

Nahum 1:14

AWURADE ahyɛ wɔ nwo mmeraa kyɛ, “Wɔ dumaa komini kofi aseɛ ye aso: Na mmosoen bɔ base ne mmosoen bɔ bahuro nikyee bafa bayɔ ne, ngɔpra bɛ bo ngofi wɔ nyameɛ mɔ b’awuro. Ngofu w’asieleɛ, ofikyɛ wɔ nwo ayɛ fitii.”

Habakuku 2:16

Animguaseɛ yeɛ wabia wɔ ɔ, nna animnyam ɔ; wɔ koso, no nzaa bo ma wɔ bienzua bɔ bambɛ ne ɔla so. AWURADE sa famaa nu kwangoa kɔkakyi kɔwa wɔ so, na animguaseɛ kɔkata w’animnyam ne aso.

Sefania 2:15

Anwomasoɛ kuro bɔ né ye so anu atɔ ye ne, ye ɛne oo, ye bɔ osele ye nwo kyɛ, “Me ɛne, ebiala nne berɛ ko bɔ ɔte kyɛ me ɔ” ne. Nea kyɛbɔ wasi wakakyi kurofoen ɔ, kyɛbɔ wakakyi ngaka dabea ɔ! Ebiala bɔ ɔkɔpɛ nu berɛ ne, ɔkɔwoso ye ti kosobi ye noa.

Malaki 2:2

Sɛ ɛmɔanyɛ sotie, yeɛ sɛ ɛmɔamva banzie ɛmɔ ahone nu kyɛ ɛmɔkɔfa animnyam bɛkɔma me dumaa a, ngɔprapra musue ngogua ɛmɔ so, na ngɔnoma ɛmɔ saleɛ ne, Asafo AWURADE noa dwirɛ ɛne; yoo, manoma bɛ dada, ofikyɛ ɛmɔmva benzie ɛmɔ ahone nu.

Malaki 2:3

Tie, ngohwi ɛmɔ bosofoɛ bɛ nyunu, na ngɔfa bondua ngɔpete ɛmɔ nyunu, ɛmɔ aluolue ngaka bondua ne, na bekogyi ɛmɔ ne bondua ne bekogua.

Malaki 2:9

Yiti, me koso, maprapra animguaseɛ magua ɛmɔ so, yeɛ mabrɛ ɛmɔ ase wɔ maen maen amukoraa bɛ nyunu, kyɛbɔ ɛmɔmva m’atee so, ná mmom ɛmɔbua ndɛengyea ne ala.”

1 Korintofoɛ 4:13

Bɛsɛkye yɛ dumaa a, yɛne bɛ nyaka. Yayɛ kyɛ ewiase fiɛ, na yayɛ nningyein mukoraa boso wura maa waadwu ɛnɛ.

1 Korintofoɛ 4:9

Ofikyɛ ɔyɛ me kyɛ Nyameɛ wafa yɛ asomafoɛ wasie berɛ kyɛ mmenia bɔ babua bɛ kumfɔ ɔ, ɔnate kyɛ yayɛ ahyerɛ yama ewiase ne abɔfo mɔ ne adasa mmaa.

Hebrifoɛ 10:33

Né ɔtɔ mmerɛ bie a, begua ɛmɔ nyunu ase na bɛhyɛ ɛmɔ anyeborolɛ wɔ badwa nu; né ɔtɔ mmerɛ bie koso a, ɛmɔfa bɛ bɔ benwu amaneɛ bɛyɛ bɛ mmango.

Yuda 1:7

Na sɔ ala yeɛ Sodom ne Gomora ne nguro bɔ bapɛ bɛ nwo bayia, bɔ bɛyɛle kyɛ ɛhemɔ, bɔ bɛlɔle asukɔ wɔ adwamanbɔlɛ nu, ná bɛbɔle nnaa nu musue ne, bafa bɛ bayɛ see afebɔɔ nwo nhwɛsoɛ bato berɛ ɔ.