Nahum 3:5 - AHYERƐLƐ KRONGRON

⁵ Tie, meko metia wɔ, Asafo AWURADE noa dwirɛ ɛne. Ngopuro w’ataadeɛ ngɔfa wɔ nyunu, ngɔma maen maen mɔ bekonwu w’adagya, na ahennie mɔ bekonwu w’animguaseɛ.

Nahum 3:5 Iomraidhean Croise

Yeremia 13:22

Na sɛ ɛkã ye wɔ wɔ ti anu kyɛ, ‘Nzu ati yeɛ ɛhemɔ atoto me e?’ a, ɔnate w’amumuyɛɛ piri ne ati yeɛ wɔ nwo apa ma wɔ nziaseɛ nwo ala berɛ ɔ, ná baye wɔ gya bagua ase ye.

Yeremia 13:26

Me bɔbɔ ngɔpagya wɔ nziaseɛ ne ngɔfa ngomundu wɔ nyunu, na bekonwu wɔ animguaseɛ ne.

Yeremia 50:31

Wɔ, anwomasoɛniɛ, tie, meko metia wɔ, ofikyɛ wɔ kyẽa ne adwu, mmerɛ bɔ ngɔhwe wɔ so ne ɛne, AWURADE noa dwirɛ ɛne.

Hesekiel 16:37

yiti tie, bɛ bɔ ekuro bɛ bɔ wɔ nye gye bɛ nwo ne, mebaaboaboa bɛ mukoraa bɛ noa, bɛ bɔ ekuro bɛ dwirɛ ɔne bɛ bɔ ekyi bɛ amukoraa. Ngɔboaboa bɛ noa ngofi nekaa biala maa bekodwɔso bekotia wɔ, na ngɔpa wɔ nwo ngohyire bɛ maa bekonwu wɔ nwo amukoraa.

Hesekiel 21:3

ná se Yisrael aseɛ ne kyɛ, AWURADE nwa nyoo: Tie, meko metia wɔ, ngɔhwe me sɛpɔ ne ngofi ye bɔha nu, na teneneefoɛ oo, bɔnefoɛ oo, ngonua bɛ boso ngofi wɔ nu.

Hesekiel 23:25

Ngɔhwe wɔ nwo nungunɛ maa bɛ ne wɔ koli ye anyeborolɛ so. Bɛkɔpepɛ wɔ bonyi ne wɔ so, na wɔ nu mmenia bɔ baha ne, bɛkɔtotɔ ngrandɛ noa. Bɛkɔhyehye wɔ mma mmienzua ne wɔ mma mmrasua bɛkɔhɔ, na wɔ nu mmenia bɔ baha ne, bɛkɔfa see bɛkɔyera bɛ.

Hesekiel 23:29

Bɛkɔfa ɛpɔen so yeɛ bɛ ne wɔ koli ɔ, bɔ afɛ anya ye ne, bɛkɔfa ye mukoraa bɛkɔhɔ, bɛkɔyakyi wɔ berɛ kwaterekwa bɔ wɔ nwo la so ɔ, na wɔ gyandera adagya ne nwo kɔla so, wɔ nyanzoen ne wɔ gyandera ne.

Hesekiel 26:3

bɔ AWURADE Nyameɛ kã hɔ ɛhe: Tie, wɔ Tiro, meko metia wɔ, na ngɔma maen maen pee bɛkɔfa koɛ bɛkɔɔtoa wɔ, kyɛbɔ ɛpo ɔbɔ ye asorɔkye ba ne.

Mika 1:11

Ɛmɔ, Safirefoɛ, ɛ́mɔpɛ nu bɛhɔ bɔ ɛmɔ nwo so ná animguaseɛ ahã ɛmɔ ɔ; Saananfoɛ de, bamvite bamma; Bete Esel bɔ awuye, na ɔkɔye ye sa kofi ɛmɔ bo.

Nahum 2:13

Tie, meko metia wɔ, na ngɔyera ye teaseɛnam nemɔ wɔ nwosina ne anu. Ngrandɛ kohũhũ wɔ gyata mmaa nemɔ, ngɔma wɔ noa aleɛ komini kofi aseɛ ye aso, na bɛngɔte wɔ bɔfoɛ mɔ bɛ komvi ko, Asafo AWURADE noa dwirɛ ɛne.

Habakuku 2:16

Animguaseɛ yeɛ wabia wɔ ɔ, nna animnyam ɔ; wɔ koso, no nzaa bo ma wɔ bienzua bɔ bambɛ ne ɔla so. AWURADE sa famaa nu kwangoa kɔkakyi kɔwa wɔ so, na animguaseɛ kɔkata w’animnyam ne aso.