Nahum 3:3 - AHYERƐLƐ KRONGRON

³ Pɔngɔhanɛfoɛ bɛko bɛkɔ bɛ nyunu, bɛ ngrandɛ te yerɛmyerɛm, yeɛ bɛ pealɛɛ te hyɛmhyɛm, bɛ bɔ batotɔ ɔ bɛte pee, efuin mɔ bahonhɔn bɛ bahɔ anwuro, efuin mɔ somaa bɔ bɛka a bennwu ye noa ɔ, na bɛfofo efuin mɔ so besoti.

Nahum 3:3 Iomraidhean Croise

Gyenesise 3:24

Ɔfoane kuro sona ne fili berɛ, na ɔfale kɛrubim, ɔne ngrandɛ bɔ ogye wuronyiwuronyi, na osa pɛ ye nwo osiele Eden turo ne nyunu wɔ eyia afiteleɛ, kyɛ ɔbɔ atee bɔ ɔkɔ ngoa bakaa ne nwo waen.

2 Ahemvo 19:35

Sɔ kɔngɔen ne ala, AWURADE abɔfo hɔle Asiria asikyeleɛ ne anu oohuhuni koɛhonɛfoɛ apee ɛyaa ko aburawɔtwɛ ne nnu. Aleɛ hyene ne, né efuin ngome yeɛ begua berɛ ɔ.

Yesaya 34:3

Bekofindi bɛ mmenia bɔ bekohu bɛ ne bekogua, bɛ fuin nemɔ kɔbo mvamva, bɛ mogya kɔtengyɛ wɔ mmokaa nemɔ aso.

Yesaya 37:36

Na AWURADE abɔfo hɔle Asiria asikyeleɛ ne anu oohuhuni koɛhonɛfoɛ apee ɛyaa ko aburawɔtwɛ ne nnu. Na bedwɔsole ngyerɛmɔ tutututu ne, yieee, né efuin ngome yeɛ begua berɛ ɔ.

Yesaya 66:16

Ofikyɛ AWURADE kɔfa see ne ye ngrandɛ yeɛ okobua anwoɔnaen mukoraa ndɛen ɔ, na bɛ bɔ AWURADE kohũ bɛ ne, bɛkɔsone pee.

Hesekiel 39:4

Ɛkɔtɔ wɔ Yisrael mmokaa so, ɛne wɔ lɔen amukoraa ne maen maen bɔ bɛboka wɔ so ne yeɛ ɛmɔkɔtotɔ ɔ. Na ngɔfa wɔ ngɔma nnomaa ahoroɔ bɔ bɛkye ngaka bedi, ɔne ngaka aboyaa maa bekoli.

Lewitikɔso 26:37

Ɔwɔ nu kyɛ ebiala mvoa bɛ de, nakoso bekofifi ase bɛkɔfofo bɛ nwo so kyɛ mmenia bɔ bɛnwati befi ngrandɛ noa ɔ. Na ɛmɔngonya anwoserɛ bengogyina ɛmɔ pɔfoɛ mɔ nyunu.

Nahum 2:4

Teaseɛnam nemɔ betu amirika kikikiki wɔ dwaa nemɔ aso, bedi akɔneaba wɔ mandamu nemɔ anu, bɛ nwo te kyɛ ɛtɛen, betu amirika kyɛ agralaa.

Habakuku 3:11

Eyia ne ɛsraen begyinagyinane seinn wɔ b’atenaleɛ, mmerɛ bɔ w’agyaen nemɔ bɛ nwo tete yerɛmyerɛm bɛkɔ, bɔ wɔ pealɛɛ nwo hyɛmhyɛm ne ɔ́ta hyireinn ɔ.