Nahum 3:18 - AHYERƐLƐ KRONGRON

¹⁸ Ao Asiria hene, wɔ neafoɛ nemɔ balela, w’atitire nemɔ bɛtɔ ngosie, wɔ mmenia nemɔ babɔ aya wɔ mmokaa nemɔ aso bɔ ebiala ɔmmoaboa bɛ noa ɔ.

Nahum 3:18 Iomraidhean Croise

1 Ahemvo 22:17

Yeɛ Mikaya sele kyɛ, “Nwuni kyɛ Yisrael amukoraa babɔ aya wɔ mmokaa nemɔ aso kyɛ mmoaen bɔ belle neafoɛ ɔ; na AWURADE hane kyɛ, ‘Mmenia hemɔ, belle meneɛ. Ma ebiala ɔhɔ ye awuro asomdwee nu.’ ”

Ɛksadɔso 15:16

Ahunundetelɛ ne ɛserɛ atɔ bɛ so; ɔnate wɔ tumi asaa ne ati, bayɛ dinn kyɛ nyɔboɛ, kɔpem kyɛ, O AWURADE, wɔ mmenia kɔpɛ nu kɔhɔ ɔ, kɔpem kyɛ mmenia bɔ ale bɛ ne kɔpɛ nu kɔhɔ ɔ.

Yesaya 13:14

Sona biala kɔhɔ ye nwo ama berɛ, bɛ mukoraa bɛkɔnwati bɛkɔhɔ bɛ maen nu, na bɛkɔyɛ kyɛ ɛwanzane bɔ bɛfoa ye ɔ, anaa mmoaen bɔ babɔ aya ɔ.

Yesaya 47:1

Dwu bra baatena asefuo nu, O, Babilɔn awa brasua ababunu, tena aseɛnwo berɛ bɔ engonya ahennie bia ngɔtena so ɔ, O Kaldeafoɛ bɛ wa brasua, ofikyɛ bɛngɔfrɛ wɔ brasua nomenome ne sokoo ko.

Yeremia 50:18

Yiti, Asafo AWURADE, Yisrael Nyameɛ nwa nyoo: Ɛ́mɔtie, ngɔhwe Babilɔn hene ne ye maen so, kyɛbɔ ndwene Asiria hene so nen.

Yeremia 51:39

Sɛ benya akɔnnɔ ná bɛsɔ a, ngɔto bɛ poen, na ngɔmaa bɛkɔbo, kɔpem kyɛ bɛ nye kɔgye ɔ, bɛkɔla nnaa afebɔɔ, na bengotingye, AWURADE noa dwirɛ ɛne.

Yeremia 51:57

Na ngɔma ye atitire mɔ, ye nworɛfoɛ, ye safohene mɔ, ye maen mbanyi mɔ ne ye koɛhonɛfoɛ mɔ bɛkɔbobo, bɛkɔla nnaa afebɔɔ, na bengotingye. Ɛhene bɔ ye dumaa ole Asafo AWURADE ne, ye noa dwirɛ ɛne.

Nyekyire 6:15

Na aseɛ so ahemvo, atitirefoɛ, esikafoɛ, safohene mɔ, anwoserɛfoɛ, yeɛ ngoaa ne nnehyeɛ amukoraa bɛfeafeale ngumaa mɔ nu ne mmokaa so nyɔbotaen mɔ nu.