Nahum 3:17 - AHYERƐLƐ KRONGRON

¹⁷ W’atitire mɔ bɛte kyɛ mmɛbɛ, wɔ safohene mɔ bɛte kyɛ torɔka bɔ ɛyerɛ ba a, bɛtenatena ɛwaen so ɔ. Nakoso sɛ eyia pukye a, betu bɛkɔ, na ebiala nze nekaa bɔ bɛwɔ ɔ.

Nahum 3:17 Iomraidhean Croise

Yeremia 51:27

Ɛ́mɔfa frangaa bɛpena aseɛ ne aso, ɛ́mɔhu totorobɛndo wɔ maen maen mɔ nu; ɛ́mɔboaboa maen maen mɔ noa maa bɛɛfa koɛ bɛtoa ye, ɛ́mɔfrɛfrɛ ahennie hemɔ maa bɛɛfa koɛ bɛtoa ye: Ararate, Mini ne Asekenase; ɛ́mɔye safohene maa ɔfa koɛ ɔtoa ye, ɛ́mɔma mbɔngɔ bɛbra maa bɛyɛ mitimiti kyɛ mmɛbɛ.

Hesekiel 31:12

Na ɛwɔfoɛ mɔ, bɔ bɛte maen maen mɔ nufoɛ atianuserɛfoɛ paa ne, bebuli ye bɛtole, na bɛyakyili ye berɛ. Ye mmaen guale mmokaa so ne bɔnza mukoraa nu. Yeɛ ye mmaen frɔmfrɔm ne bubu guale aseɛ so asue mukoraa noa; na aseɛ so maen mukoraa befili ye bo fɔnwoo ne anu, na bɛhɔ bɛyakyili ye berɛ.

Nahum 2:9

“Ɛ́mɔfẽ ɛdwetɛ ne, ɛ́mɔfẽ sikaa kɔkorɛ ne. Anwonyadeɛ ne, ye bo ngotu, yeɛ nningyein nyɔboɛ serɛ biala wɔ nu!”

Nyekyire 9:7

Na mmɛbɛ mbiri nemɔ, bɛ sue te kyɛ mbɔngɔ bɔ basiesie bɛ bama koɛ ɔ; nikyee bie wɔ bɛ ti so bɔ ɔte kyɛ sikaa kɔkorɛ abotire ɔ, na bɛ nyunu soma sona nyunu;