Nahum 3:10 - AHYERƐLƐ KRONGRON

¹⁰ Nakoso bɛhyele ye nnure bɛhɔle, na ɔhɔle ngoaasolɛ nu; ye ngwadaa mɔ koso, bɛtele bɛ ti bɛbɔle mane bɛ nu tetele nzɔkanzɔka wɔ borɔnoɛ biala ngwandaa; beguale serewa bɛfa bɛhyɛle ye animnyamfoɛ nemɔ bɛfale, na beguale ye atitirefoɛ nemɔ amukoraa ngɔnzɔngɔnzɔ.

Nahum 3:10 Iomraidhean Croise

2 Ahemvo 8:12

Na Hasael bisale kyɛ, “Me mene, nzu ati yeɛ esu ye?” Na Elisa buale kyɛ, “Ofikyɛ mese bɔne bɔ ɛkɔfa koli Yisraelfoɛ ɔ. Bɛ nguro bɔ babɔ ye nwo waen nemɔ, ɛkɔto bɛ nu see, ɛkɔfa ngrandɛ kohũhũ bɛ mmerandeɛ mɔ, ɛkɔte bɛ mma mmaa mmaa mɔ ti kɔbɔ nikyee nu kohũ bɛ, ná bɛ pemvoɛ mɔ koso, ɛkɔpakyepakye bɛ kunu.”

YOB NWOMAA NE 6:27

Ayisiaaniɛ po, ɛmɔgua ye nwo serewa, yeɛ ɛmɔ adamvo koso, ɛmɔdi ye noa bɛtɔne ye.

Edwein 137:8

Ao Babilɔn awa brasua bɔ bɛbaasɛkye wɔ pasapasa ɔ, bɔ okotua wɔ so kerɛ wɔ bɔ afa ayɛ yɛ ne anwo ne, okonya saleɛ!

Edwein 137:9

Bɔ ɔkɔhye wɔ mma mmaa mmaa kɔte bɛ ti kɔbɔ nyɔbotaen so ne, okonya saleɛ!

Edwein 149:8

ná bafa buralɛ bakyekye b’ahemvo mɔ, ná bafa ngɔnzɔngɔnzɔ bagua b’atitire mɔ,

Yesaya 13:16

Bɛkɔtete bɛ mma mmaa mmaa mɔ nu pasapasa bɔ bɛ nye tua ɔ. Bɛkɔfẽ b’awuro nningyein, na bɛkɔhyɛ bɛ ye mɔ bɛkɔto bɛ mmɔnaa.

Yesaya 13:6

Ɛ́mɔbɔ awuye, ofikyɛ AWURADE kyẽa ne apingye; kyẽa ne kɔwa, bɔ Tuminiɛ ne kɔfa kohũhũ mmenia ɔ!

Yesaya 19:4

Na ngɔfa Misraimfoɛ ngowura meneɛ atianuserɛniɛ bie sa, ɛhene bɔ ye nwo yɛ suro ɔ yeɛ okoli bɛ so ɔ, AWURADE, Asafo AWURADE noa dwirɛ ɛne.

Yesaya 20:4

sɔ ala yeɛ Asiria hene kɔhye Misraimfoɛ nnure, ná wasa wahye Yitiopiafoɛ nnure wahɔ ɔ. Ɔkɔhye mmerandeɛ ne mbanyi, bɛ nwo kɔlela so, bɛ gya kogua ase, bɛ bo kɔlela so, na Misraim nyunu kogua ase.

Awuye 2:19

Dwɔso, tea nu kɔngɔen: abunnamu ahyɛaseɛ, hwie wɔ sufrɛ ne kyɛ nzue fa to AWURADE nyunu. Ma wɔ sa so kyire ye, ɔnate wɔ mma mmaa mmaa mɔ bɛ ngoa ti; bɛ yeɛ ɛhɔen apɛ bɛ wɔ borɔnoɛ biala ngwandaa ɔ.

Awuye 4:1

Nea, kyɛbɔ esikaa kɔkorɛ wasi wapini ɔ! Kyɛbɔ esikaa kɔkorɛ paa wasi wakakyi ɔ! Bato nekaa krongron berɛ nyɔboɛ nemɔ bapanzam wɔ borɔnoɛ biala ngwandaa.

Hesekiel 29:7

Mmerɛ bɔ bɛsosɔle wɔ nu ne, ebuli, na esinasinane bɛ bati amukoraa. Na bekisale wɔ ne koso, ebuli, na ɛmane bɛ dwongu amukoraa wosole.

Hosea 13:16

Samaria kɔsoa ye foɛlilɛ, ofikyɛ wayɛ ye Nyameɛ nwo lɔen. Bɛkɔtotɔ ngrandɛ noa, bɛkɔtete bɛ mma nnɔma mɔ ti bɛkɔbobɔ berɛ, na bɛkɔpakyepakye bɛ pemvoɛ mɔ kunu.

Yoel 3:3

Bagua serewa bahyɛ me maen, bafa abɛɛmaa bale gyanderaniɛ, yeɛ batɔne abaayaa bale nzaa bano.

Amose 1:13

AWURADE nwa nyoo, “Ɔnate Amonfoɛ b’amumuyɛɛ nza, eh, ɔne nna ne ati, mengɔhwe bɛ so hwenɛ ne mengosa; ofikyɛ mmerɛ bɔ bɛko bɛtrɛtrɛ bɛ wɛen nu ne, bɛpakyepakyele Gileade pemvoɛ mɔ kunu.

Obadia 1:11

Sɔ kyẽa ne, egyinane nekaa bie yele wɔ nye, sɔ kyẽa bɔ ɛwɔfoɛ mɔ sesale ye anwonyadeɛ bɛhɔle ne, bɔ amanvrafoɛ bewurale ye pambim mɔ nu, ná beguale serewa bɛhyɛle Yerusalem bɛfale ne, wɔ koso eli tole bɛ so.