Nahum 2:9 - AHYERƐLƐ KRONGRON

⁹ “Ɛ́mɔfẽ ɛdwetɛ ne, ɛ́mɔfẽ sikaa kɔkorɛ ne. Anwonyadeɛ ne, ye bo ngotu, yeɛ nningyein nyɔboɛ serɛ biala wɔ nu!”

Nahum 2:9 Iomraidhean Croise

2 Aberɛso Dwirɛ 36:10

Bɛhyɛ afoɛ bo bieku ne, Nana Nebukadenesa somane maa bɛɛfale Yehoakyin bɛwale Babilɔn. Bɛsesale AWURADE awuro berɛ nningyein bɔ ye nyɔboɛ yɛ se ɔ bɛbokale so bɛhɔle, na Nebukadenesa fale Yehoakyin aliɛma Sedekia lili Yuda ne Yerusalem so hene.

Yesaya 33:1

Sɛkyefoɛ, wɔ yaakɔ, wɔ bɔ wɔ de, bɛssɛkyele wɔ ɔ; wɔ, nnakannakaniɛ, bɔ wɔ de ebiala ɔllakalakale wɔ ɔ! Sɛ enya yie ye sɛkyelɛ a, wɔ koso bɛkɔsɛkye wɔ, yeɛ sɛ eyie wɔ nnakannaka ne a, wɔ koso bɛkɔlakalaka wɔ.

Yesaya 33:4

Na mmenia bɛfẽ ɛmɔ nningyein bɛyɛ koɛ nu nzesadeɛ kyɛbɔ ɛsaa di ndire ɔ; na kyɛbɔ mmɛbɛ mbiri behuru bɛpepe ne, sɔ ala yeɛ mmenia behuru bɛpepe so ɔ.

Yeremia 25:34

“Ɛmɔ, mmoaenneafoɛ, ɛ́mɔbɔ awuye ná ɛ́mɔsu; mmoaen kure nemɔ so atitire mɔ, ɛ́mɔmunumunu ɛmɔ nwo wɔ nzoen nu, ofikyɛ ɛmɔ hunɛ ne ɛmɔ ayabɔlɛ ngyẽa ne wadwu, na ɛmɔkowuwu kyɛ mmoaen nyii bɔ balɔ ɔ.

Yeremia 46:5

Nzu ati yeɛ manwu bɛ kyɛ ahunundetelɛ atɔ bɛ so bɔ basa bɛ si ye? Babo bɛ koɛhonɛfoɛ nemɔ, maa banwati bahɔ ndɛndɛ; bannea bɛ si, ofikyɛ ɛserɛ akyekye bɛ, AWURADE noa dwirɛ ɛne.

Yeremia 51:56

ofikyɛ sɛkyefoɛ ne awa ye so, wawa Babilɔn so; bahyehye ye koɛhonɛfoɛ nemɔ, babubu b’agyaen nemɔ anu, ofikyɛ AWURADE Nyameɛ bɔ otua kerɛ ne, okotua kerɛ amba.

Hesekiel 26:12

Bɛkɔfa w’anwonyadeɛ bɛkɔyɛ koɛ nu nzesadeɛ, ná bafẽ wɔ dwaa nningyein bafa. Bekobubu wɔ fasue nemɔ bekogua, ná basɛkye wɔ sua nyemenenyemene nemɔ. Na bekofindi wɔ nyɔboɛ mɔ ne wɔ mmakaa ne wɔ nnɛterɛ bekogua nzue ne anu.

Daniel 11:8

Okosa kɔsesa bɛ mmosoen, b’amoen mɔ bɔ bahuro nikyee bafa bayɔ ɔ, b’ɛdwetɛ ne sikaa kɔkorɛ mbembenanneɛ kɔhɔ Misraim. Na afei afoɛ pee kɔpɛ nu bɔ ɔngɔfa koɛ ngɔtoa sorɔ dɔ hene ne ɔ.

Nahum 3:17

W’atitire mɔ bɛte kyɛ mmɛbɛ, wɔ safohene mɔ bɛte kyɛ torɔka bɔ ɛyerɛ ba a, bɛtenatena ɛwaen so ɔ. Nakoso sɛ eyia pukye a, betu bɛkɔ, na ebiala nze nekaa bɔ bɛwɔ ɔ.

Nyekyire 18:12

esikaa kɔkorɛ, ɛdwetɛ, nyɔboɛ bɔ ye nyɔboɛ yɛ se paa ɔ, afire paa, nwera paa, kende, serekye ne ago, mmakaa fonafona amukoraa, nningyein bɔ bafa ɛsoen gye bali adwii bayɔ amukoraa, nningyein bɔ bafa ndaboa paa, kɔɔbere, buralɛ ne nyɔbosanyene bayɔ amukoraa;

Nyekyire 18:16

“Yaakɔ oo, yaakɔ oo! Kuro piri bɔ né ɔhera nwera paa, kende ne ago, ná ɔfa sikaa kɔkorɛ, mbembenanneɛ ne afire paa siesie ye nwo ɔ!