Nahum 2:4 - AHYERƐLƐ KRONGRON

⁴ Teaseɛnam nemɔ betu amirika kikikiki wɔ dwaa nemɔ aso, bedi akɔneaba wɔ mandamu nemɔ anu, bɛ nwo te kyɛ ɛtɛen, betu amirika kyɛ agralaa.

Nahum 2:4 Iomraidhean Croise

Anyandera 31:21

Sɛ asukɔtwea tɔ a, ye kunu ndete ye wɔ ye awuro ama nwo, ofikyɛ ye awuro ama mukoraa bɛhera kundu nyɔboɛ serɛ nyemenenyemene.

Yesaya 37:24

Ɛnate wɔ somvoɛ mɔ so agoro AWURADE nwo, na ahã kyɛ, Mafa me teaseɛnam pee nemɔ mafo mahɔ mmokaa nemɔ bɛ ti afia, mahɔ Lebanon ɛhɔayeɛ ne anu dɔ paa. Ye sida ndendenn paa nemɔ, ɔne ye ɛframmire nyemenenyemene nemɔ, mabubu bɛ magua. Mahɔ bokaa ne ti afia dɔ paa, ɔne ye ɛhɔayeɛ too ne anu.

Yesaya 66:15

“Ɛ́mɔtie, AWURADE kɔfa see ne ye teaseɛnam mɔ bɔ bɛte kyɛ mvrama piri yeɛ ɔkɔwa ɔ,, kyɛ ɔbaafa ye ahonehulɛ ne otua so kerɛ ɛyaafɛlɛ so, ná ɔfa see wuronyiwuronyi ɔtea bɛ.

Yeremia 4:13

Nea! Ɔfo ba kyɛ munungum, ye teaseɛnam mɔ te kyɛ mvrama bɔ ɔpɛ ye nwo ɔ; ye mbɔngɔ mɔ nwo yɛ nyera tra kɔleɛ mɔ; edwirɛ ato yɛ oo, ofikyɛ yɛ maen ne abɔ oo!

Yeremia 46:9

Mbɔngɔ, ɛ́mɔdwɔso! Ao teaseɛnam mɔ, ɛ́mɔkekã ɛmɔ anwo! Koɛhonɛfoɛ, ɛmɔhɔ ɛmɔ nyunu: Yitiopiafoɛ ne Libiafoɛ bɔ ɛmɔtira akokyɛm ɔ, Lidiafoɛ bɔ ɛmɔse agyaen to paa ɔ.

Hesekiel 23:24

Bɛkɔfa teaseɛnam mɔ, akodeɛ teaseɛnam mɔ, akodeɛ ne ɛlɔen bɛkɔwa wɔ so. Bɛkɔfa buralɛ ataadeɛ, akokyɛm ne buralɛ kyerɛ yeɛ bɛkɔhã wɔ bekomia ɔ. Ngɔfa ndɛenbualɛ ne ngowura bɛ sa, na bekogyina bɛ mmeraa so yeɛ bekobua wɔ ndɛen ɔ.

Hesekiel 26:10

Ye mbɔngɔ nemɔ somaa ne ati, bɛ si mvuture kɔkata wɔ so. Na pɔngɔhanɛfoɛ nemɔ, akodeɛ teaseɛnam mɔ ne teaseɛnam nemɔ, bɛ dede bɔ bɛkɔyɔ ne, ɔkɔwoso wɔ fasue nemɔ, wɔ mmerɛ bɔ ɔfa wɔ pambim nemɔ anu ɔba, kyɛbɔ mmenia wura kuro bɔ bɔen la ye fasue nu nen.

Hesekiel 26:7

“Ofikyɛ AWURADE Nyameɛ nwa nyoo: Tie, mebaafa Babilɔn hene Nebukadenesa bɔ ɔte ahemvo mɔ nu hene ne, ɔne mbɔngɔ, teaseɛnam mɔ, pɔngɔhanɛfoɛ ne koɛhonɛfoɛ ɛlɔen pee mefi sorɔ dɔ meba wɔ, Tiro so.

Daniel 11:40

“Na ayieleɛ mmerɛ ne dwu a, ngwaen dɔ hene ne kɔfa koɛ kɔɔteta ye. Nakoso sorɔ dɔ hene ne kɔfa teaseɛnam mɔ ne pɔngɔhanɛfoɛ ne ɛlɛen pee kɔhɔ ye so kyɛ mvrama bɔ ɔpɛ ye nwo ɔ, na ɔkɔfa koɛ kɔteta maen maen pee kohwi kɔfa bɛ so kyɛ asue bɔ wayi ɔ.