Nahum 2:3 - AHYERƐLƐ KRONGRON

³ Ye anwoserɛfoɛ nemɔ b’akokyɛm nwo aboro kɔɔ, na ye koɛhonɛfoɛ nemɔ baherahera kɔbene. Teaseɛnam nemɔ, bɛte see yerɛmyerɛm wɔ ye kyẽa bɔ ɔboaboa ye nwo kɔ koɛ ne, na ɛframmire nemɔ bɛwoso paa.

Nahum 2:3 Iomraidhean Croise

YOB NWOMAA NE 39:23

Agyaen ndokue, pealɛɛ hyɛmhyɛm ne buralɛ tendenn tworɔntworɔn bɛwosowoso wɔ ye nwo.

Edwein 80:13

Ɛhɔayeɛ nu kɔkɔte tiatia so, na eburo ngaka amukoraa bɛtete bedi.

Yesaya 14:8

Bɔ wato wɔ ne, ɔyɛ ɛframmire mɔ fɛ, ɔne Lebanon sida mɔ koso fɛ, na bɛkã kyɛ, ‘Ofi mmerɛ bɔ bɛbrɛle wɔ ase ɔ, sona biala ɔmma kyɛ ɔbaabu yɛ gua.’

Hesekiel 23:24

Bɛkɔfa teaseɛnam mɔ, akodeɛ teaseɛnam mɔ, akodeɛ ne ɛlɔen bɛkɔwa wɔ so. Bɛkɔfa buralɛ ataadeɛ, akokyɛm ne buralɛ kyerɛ yeɛ bɛkɔhã wɔ bekomia ɔ. Ngɔfa ndɛenbualɛ ne ngowura bɛ sa, na bekogyina bɛ mmeraa so yeɛ bekobua wɔ ndɛen ɔ.

Hesekiel 26:7

“Ofikyɛ AWURADE Nyameɛ nwa nyoo: Tie, mebaafa Babilɔn hene Nebukadenesa bɔ ɔte ahemvo mɔ nu hene ne, ɔne mbɔngɔ, teaseɛnam mɔ, pɔngɔhanɛfoɛ ne koɛhonɛfoɛ ɛlɔen pee mefi sorɔ dɔ meba wɔ, Tiro so.

Nahum 3:2

Mbirefinɛ pralalala, yeɛ teaseɛnam gya kirikirikiri, mbɔngɔ bɔ behuru bɛpepe, teaseɛnam mɔ bɔ behuruhuru.

Sakaria 1:8

“Nyane nyekyire kɔngɔen, na yieee, né biaa bie te pɔngɔ kɔkorɛ so! Né ogyi sesea mmakaa nemɔ anu wɔ bɔnza ne anu, na né mbɔngɔ kɔkorɛ, kyerekyerɛɛ ne fufue begyigyi biaa ne si dɔ.

Sakaria 11:2

Wɔ, ɛframmire, bɔ awuye, ofikyɛ sida atutu atɔ ase, ofikyɛ animnyam mmakaa nemɔ basɛkye. Basan eluii mɔ, ɛ́mɔbɔ awuye, ofikyɛ babu ɛhɔayeɛ too ne bagua.

Sakaria 6:2

Teaseɛnam bɔ oli moa ne, mbɔngɔ bɔ bɛsosɔ ye ne bɛte kɔkorɛ; teaseɛnam bɔ ɔtɔ so nyɔ ne, mbɔngɔ bɔ bɛsosɔ ye ne bɛte bire;

Nyekyire 12:3

Na sɛngyerɛnneɛ bieku lale ye nwo ali wɔ nyameɛso: na yieee, sasrabɔnzam pirikua kɔkorɛ bie bɔ ye ti nzoo, ye mmɛen buru, bɔ ahennie abotire nzoo bobɔ ye ti nemɔ ɔ.

Nyekyire 6:4

Na pɔngɔ foforɛ kɔkorɛ gonn bie yele ye ti, na bɛmane bɔ ɔte ye so ne tumi kyɛ ɔye asomdwee fi aseɛ so, ná behũhũ bɛ nwo bɛ nwo, na bɛmane ye ngrandɛ pirikua bie.