Nahum 2:13 - AHYERƐLƐ KRONGRON

¹³ Tie, meko metia wɔ, na ngɔyera ye teaseɛnam nemɔ wɔ nwosina ne anu. Ngrandɛ kohũhũ wɔ gyata mmaa nemɔ, ngɔma wɔ noa aleɛ komini kofi aseɛ ye aso, na bɛngɔte wɔ bɔfoɛ mɔ bɛ komvi ko, Asafo AWURADE noa dwirɛ ɛne.

Nahum 2:13 Iomraidhean Croise

2 Ahemvo 18:17

Nakoso Asiria hene somane ye mbanyi bɔ bɛfrɛ bɛ Tatan, Rabosari ne Rabesake maa bɛ ne koɛhonɛfoɛ pee befili Lakise bɛhɔle Nana Hesekia berɛ wɔ Yerusalem. Beedwuli Yerusalem ne, bɛfo beegyinane dodobɛen bɔ nzue tengyɛ fa nu kogua sorɔ dɔ ɛkwaa bɔ ɔwɔ atapoɛ atee so ne anwo.

2 Ahemvo 18:19

Yeɛ Rabesake ne sele bɛ kyɛ, “Ɛmɔhã behyire Hesekia kyɛ, Asiria hene bɔ ɔte ɛhene bɔ odi mu paa ne, obisa wɔ kyɛ, Nzikyɛ yeɛ afa wɔ nwo ato so bɔ wamaa asi wɔ hue sɔ ne?

2 Ahemvo 19:23

Ɛnate wɔ bɔfoɛ mɔ so agoro AWURADE nwo, na ahã kyɛ, Mafa me teaseɛnam pee nemɔ, mafo mahɔ mmokaa nemɔ ti afia, mahɔ Lebanon ɛhɔayeɛ ne anu dɔ paa. Ye sida ndendenn nemɔ, ɔne ye ɛframmire nyemenenyemene nemɔ, mabubu bɛ magua. Mahɔ bokaa ne ti afia dɔ paa, ɔne so ɛhɔayeɛ too ne anu.

2 Ahemvo 19:9

Mmerɛ bɔ Asiria hene tele kyɛ Yitiopia hene Tihaka waboaboa ɛlɔen noa ɔbaafa koɛ toa ye ne, otuli ɛbɔfoɛ mɔ maa bɛhɔle Yuda hene Hesekia berɛ.

2 Aberɛso Dwirɛ 32:19

Bɛkekane edwirɛ betiale Yerusalem Nyameɛ ne, kyɛbɔ bɛkekã betiale aseɛ ye aso maen maen mɔ bɛ nyameɛ nemɔ, bɔ bɛte kuro sona sa noa adwuma ne ala.

Edwein 46:9

Ɔmaa koɛ bo ɔpɛ alaa kɔka aseɛ noa dɔ; obubu agyaen nu, na obubu pealɛɛ nu gɔsɔgɔsɔ, na ɔfa see yera teaseɛnam mɔ.

Yeremia 21:13

Tie, wɔ bɔ ɛte bɔnza ne anu, wɔ bɔ ɛte aseɛ frɛtɛɛ so nyɔbotaen ɔ, meko metia wɔ, ɛmɔ bɔ ɛmɔkekã kyɛ, ‘Nwa yeɛ okodwu kɔwa yɛ so ɔ, anaakyɛ nwa yeɛ okowura y’atenaleɛ mɔ nu ɔ?’ AWURADE noa dwirɛ ɛne.

Yeremia 46:14

“Ɛ́mɔbɔ ye dawure wɔ Misraim, ná ɛ́mɔfa bɛto dwaa wɔ Migidol; ɛ́mɔfa bɛto dwaa wɔ Memfise ne Tapenese. Ɛmɔhã kyɛ, ‘Gyina berɛ pindinn, ná boaboa wɔ nwo, ofikyɛ ngrandɛ ne kohũhũ kɔpɛ wɔ nwo kɔbra koyia.’

Yeremia 50:31

Wɔ, anwomasoɛniɛ, tie, meko metia wɔ, ofikyɛ wɔ kyẽa ne adwu, mmerɛ bɔ ngɔhwe wɔ so ne ɛne, AWURADE noa dwirɛ ɛne.

Yeremia 51:25

“Tie, wɔ, bokaa sɛkyefoɛ bɔ ɛsɛkye aseɛ ye amukoraa ɔ, meko metia wɔ, na ngɔtengyɛ me sa ngɔhwe wɔ so; ngomunu wɔ ngofi nyɔbotaen nemɔ aso ngɔto ase, na ngɔmaa ɛkɔyɛ bokaa bɔ wayera ɔ, AWURADE noa dwirɛ ɛne.

Hesekiel 13:8

Ye sɔ ne ati, AWURADE Nyameɛ nwa nyoo, “Ɔnate ɛmɔ dwirɛ mbaen mbaen kekanɛ ɔne ɛmɔ ngondombo nyekyire ne ati, ɛ́mɔtie, meko metia ɛmɔ, AWURADE Nyameɛ noa dwirɛ ɛne.

Hesekiel 21:3

ná se Yisrael aseɛ ne kyɛ, AWURADE nwa nyoo: Tie, meko metia wɔ, ngɔhwe me sɛpɔ ne ngofi ye bɔha nu, na teneneefoɛ oo, bɔnefoɛ oo, ngonua bɛ boso ngofi wɔ nu.

Hesekiel 26:3

bɔ AWURADE Nyameɛ kã hɔ ɛhe: Tie, wɔ Tiro, meko metia wɔ, na ngɔma maen maen pee bɛkɔfa koɛ bɛkɔɔtoa wɔ, kyɛbɔ ɛpo ɔbɔ ye asorɔkye ba ne.

Hesekiel 28:22

Kã kyɛ, ‘AWURADE Nyameɛ nwa nyoo, “O Sidon, tie, meko metia wɔ, na m’animnyam kɔla ali wɔ wɔ nu. Na sɛ metwe ye so, ná mema me krongronyɛlɛ da ali wɔ ye nu a, ye de bekonwu kyɛ me ole AWURADE.

Hesekiel 29:10

Yiti tie, meko metia wɔ, ɛne w’asue nemɔ amukoraa, na Misraim aseɛ ne, ngɔbɔ ye tɔɔ, ngɔkakyi ye kurofoen, ofi Migidol bɔ ɔkɔ Siene alaa bɔ ɔkwaadwu Yitiopia ɛwɛen so ɔ.

Hesekiel 29:3

Dwudwo, ná se kyɛ, AWURADE Nyameɛ nwa nyoo, “Tie, meko metia wɔ, Misraim hene Faro, wɔ, sasrabɔnzam piri bɔ ɛla w’asue mɔ nu, bɔ ɛnwa: ‘M’asue Naele te me bɔbɔ me deɛ, na me bɔbɔ yeɛ nyɔ mane me nwo ɔ.’

Hesekiel 35:3

Se ye kyɛ, AWURADE Nyameɛ nwa nyoo: Tie, Sɛre bokaa, meko metia wɔ, ngɔtengyɛ me sa ngɔhwe wɔ so, ngɔbɔ wɔ tɔɔ, na ngɔmaa ɛkɔla berɛ mbaen.

Hesekiel 38:3

Kã kyɛ, AWURADE Nyameɛ nwa nyoo: Tie, wɔ, Gɔgo, meko metia wɔ, wɔ bɔ edi Meseke ne Tubal so hene ne!

Hesekiel 39:1

Na wɔ, Sona awa, hyɛ ngɔm tia Gɔgo ná kã kyɛ, AWURADE Nyameɛ nwa nyoo: Tie, wɔ Gɔgo bɔ edi Meseke ne Tubal so hene ɔ, meko metia wɔ!

Hesekiel 5:8

yiti AWURADE Nyameɛ nwa nyoo: Tie, me ne wɔ yɛkoli, na ngɔhwe wɔ so bɔ maen maen mɔ bɛ nye tua ɔ

Nahum 2:12

Gyata nyii tetele naen nu bɔ ɔkɔso ye mma mɔ di ɔ; na obumane naen kɔme ohuni ye mane ye gyata mmeleɛ nemɔ; ɔfale naen bɔ wahũ ye ne yili ye nekaa bɔ ɔla nemɔ, na ɔfale naen bɔ watete ye nu ne yili ye tuin nemɔ anu.

Nahum 3:1

Awuelilɛ kuro, wɔ yaakɔ oo! Ngondombo ne awerɔm awue yeɛ wayi ye to ɔ, apaabɔlɛ bo ɔngɔpɛ wɔ ye nu.

Nahum 3:12

W’anwoserɛ afealeɛ amukoraa kɔyɛ kyɛ borɔdoma mmakaa bɔ borɔdoma mmaa bɔ wali moa wasu ɔ wɔ so ɔ. Sɛ bɛwoso ye a, ɔtete gua sona bɔ odi ne noa nu.

Nahum 3:15

Berɛ yeɛ see kɔyera wɔ ɔ, ngrandɛ ne konua wɔ boso, ɔkɔpesa wɔ kyɛ abɛbɛ piri, Wɔ de, ta pee kyɛ mmɛbɛ mbiri, ta pee kyɛ torɔka.

Nahum 3:5

Tie, meko metia wɔ, Asafo AWURADE noa dwirɛ ɛne. Ngopuro w’ataadeɛ ngɔfa wɔ nyunu, ngɔma maen maen mɔ bekonwu w’adagya, na ahennie mɔ bekonwu w’animguaseɛ.

Yosua 11:6

Na AWURADE sele Yosua kyɛ, “Nnɛsuro bɛ, ofikyɛ ɛhema bekye sɔa ala, ngohũhũ bɛ mukoraati ngɔma Yisrael. Na odi kyɛ ɛpepɛ bɛ mbɔngɔ mɔ gya ndii nu, ná ɛfa see yera bɛ teaseɛnam nemɔ.”

Yosua 11:9

Na kyɛbɔ AWURADE hyɛle Yosua kyɛ ɔyɔ ne, sɔ ala yeɛ ɔfa yɔle bɛ ɔ. Ɔpepɛle bɛ mbɔngɔ mɔ gya ndii nu, na ɔfale see yerale bɛ teaseɛnam nemɔ.