Nahum 2:12 - AHYERƐLƐ KRONGRON

¹² Gyata nyii tetele naen nu bɔ ɔkɔso ye mma mɔ di ɔ; na obumane naen kɔme ohuni ye mane ye gyata mmeleɛ nemɔ; ɔfale naen bɔ wahũ ye ne yili ye nekaa bɔ ɔla nemɔ, na ɔfale naen bɔ watete ye nu ne yili ye tuin nemɔ anu.

Nahum 2:12 Iomraidhean Croise

2 Samuel 17:8

Na Husae toale so sele kyɛ, “Ɛse kyɛ wɔ baba ne ye mmenia nemɔ bɛte koɛhonɛfoɛ, na bɛ nye aboro kyɛ kwabrafo bɔ ebie ahye ye mma wɔ eburo ɔ. Asa koso, wɔ baba se koɛ ko paa, na ɔne koɛhonɛfoɛ nemɔ bɛngɔla neka horɛ kɔngɔen.

Edwein 17:12

Bɛte kyɛ gyata bɔ ɔpena kaka bie kye ye ɔ; bɛte kyɛ gyata akrɔngrɔma bɔ wafea ɔtetɛ ɔ.

Yeremia 51:34

“Babilɔn hene Nebukadenesa wapura me, wapɛkyɛ me; wayɛ me tondura too, wame me kyɛ sasrabɔnzam yeɛ wame me ɔ; wafa me kunu nningyein fɛɛ wayi ye ko, na wafe me wato ase.

Nahum 2:11

Gyata mɔ b’atenaleɛ ne, ɔwɔ nisua? Nisua yeɛ gyata akrɔngrɔma nemɔ bedidi ɔ, nekaa bɔ gyata nyii ne gyata beleɛ bɛnate, nekaa bɔ ye mma mɔ bɛwɔ bɔ ebiala ɔnha b’adwene ɔ?

Nahum 2:13

Tie, meko metia wɔ, na ngɔyera ye teaseɛnam nemɔ wɔ nwosina ne anu. Ngrandɛ kohũhũ wɔ gyata mmaa nemɔ, ngɔma wɔ noa aleɛ komini kofi aseɛ ye aso, na bɛngɔte wɔ bɔfoɛ mɔ bɛ komvi ko, Asafo AWURADE noa dwirɛ ɛne.

Numeri 23:24

Tie, Yisrael te maen bɔ odwɔso kyɛ gyata beleɛ, na ɔpagya ye nwo kyɛ gyata nyii! Ommutu berɛ, sana wali naen bɔ wahye ye ɔ, sana wano kaka bɔ wahũ ye ɔ, ye mogya.”