Nahum 1:9 - AHYERƐLƐ KRONGRON

⁹ Nzikyɛ porɛ yeɛ ɛmɔbɔ bɛfa AWURADE nwo ye? Okonua ɛmɔ boso bɔkɔɔ, ye de, onua nikye boso bɔkɔɔ bɔ onnua ye ye pɛen nyɔ so ɔ.

Nahum 1:9 Iomraidhean Croise

2 Samuel 20:10

Nakoso Amasa annwu kyɛ Yoabo tira ngrandɛ ɔ. Yoabo fa wɔle Amasa kunu mane ye nyaa tu guale, na owuli. Wanwɔ ye pɛen nyɔ. Afei Yoabo ne oliɛma Abisae bɛpole Bikri awa Hyeba so.

Edwein 21:11

Sɛ bɛbɔ wɔ nwo porɛ, yeɛ sɛ bɛfa wɔ nwo adwene tɛɛ a, ɔngɔyɛ yé.

Edwein 33:10

AWURADE ma maen maen mɔ b’agyinatulɛ ɔyɛ mbaen, na maen maen mɔ bɛ nhyehyɛleɛ yɛ basaa.

Anyandera 21:30

Nworɛ anaa nimdeɛ anaa foɛtulɛ biala nne berɛ bɔ ɔkɔhora kogyina AWURADE nyunu ɔ.

Yesaya 28:22

Yiti nnɛma ɛmɔdi ngorohoɛ ko, anyɔ a, bekomia ɛmɔ panwu ne anu; ofikyɛ mate ehuhunɛ pasaa nwo dwirɛ mafi Asafo AWURADE Nyameɛ berɛ, kyɛ, ɔkɔmaa ɔkɔto aseɛ amukoraa.

Yeremia 51:64

ná kã kyɛ, ‘Sɔ ala yeɛ Babilɔn kɔmono, bɔ ongodwɔso ko ngofi musue bɔ ngɔprapra ngogua ye so ne anu ɔ.’ ” Na b’ayieleɛ koyie bɛ. Yeremia noa dwirɛ n’ayieleɛ ɛne.

Hesekiel 21:5

na anwoɔnaen amukoraa konwu kyɛ me, AWURADE, me yeɛ mahwe me sɛpɔ mafi ye bɔha nu ɔ; na mengɔfa ngowura ye bɔha ne anu ko.

Hesekiel 7:5

“AWURADE Nyameɛ nwa nyoo: Musue! Nea, musue yeɛ ɔ́ba ne!

Hosea 7:15

Ɔwɔ nu kyɛ me yeɛ mama bɛ ndeteyɛɛ, yeɛ mamaa banya anwoserɛ ɔ, nakoso bɛbɔ me nwo porɛ.

Nahum 1:11

Ebie bɔ ɔdwene AWURADE nwo tɛɛ, bɔ ɔte foɛtulɛniɛ bɔnefoɛ ɔ, wɔ nu yeɛ wafi wawa ɔ.

2 Korintofoɛ 10:5

Yɛfa yɛdi ngonim wɔ aporowaasulɛ nu ne nikyee biala bɔ ɔma ye nwo so tia Nyameɛ nwo nimdeɛ so, na yɛkakyi sona biala adwene maa ɔyɛ sotie ma Kristo.

1 Samuel 26:8

Na Abisae sele Dawide kyɛ, “Nyameɛ afa wɔ pɔfoɛ wawura wɔ sa ɛnɛ, yiti maa mva pealɛɛ ne nwɔ ye komapɛ twe ma ɔha aseɛnwo berɛ; mengɔwɔ ye nyɔ koraa.”

1 Samuel 3:12

Sɔ kyẽa ne, edwirɛ biala bɔ mahã kyɛ ɔkɔto Eli abusua nen, ngɔmaa okosi fite ye bo koodwu ye ayieleɛ.