Nahum 1:7 - AHYERƐLƐ KRONGRON

⁷ AWURADE te paa, ɔte amaneɛnwunɛ mmerɛ nu anwoserɛ afealeɛ, na ɔse bɛ bɔ bɛfa bɛ wora bewura ye nu ɔ.

Nahum 1:7 Iomraidhean Croise

1 Aberɛso Dwirɛ 16:34

Ao, ɛmɔla AWURADE ase, ofikyɛ ɔte paa, na ye ɔdɔ bɔ onni ngasi ne, ɔwɔ berɛ afebɔɔ.

1 Aberɛso Dwirɛ 5:20

Nyameɛ bokale Rubenfoɛ, Gadefoɛ yeɛ Manase abusua kure ne bue maa belili Hagritefoɛ ne bɛ bɔ bɛboka bɛ so ne amukoraa so ngonim, ofikyɛ besu bɛfrɛle Nyameɛ wɔ koɛ ne anu. Nyameɛ tiele bɛ mbaeɛ, ofikyɛ bɛfale bɛ nwo bɛtole ye so.

2 Aberɛso Dwirɛ 13:18

Yiti Yisraelfoɛ belili ngoguo sɔ mmerɛ ne, na Yudafoɛ lili ngonim, ofikyɛ Yudafoɛ fale bɛ nwo bɛtole AWURADE bɛ nana mɔ Nyameɛ ne aso.

2 Aberɛso Dwirɛ 32:11

Sɛ Hesekia kã kyɛ, ‘AWURADE yɛ Nyameɛ kɔpepɛ kole yɛ kofi Asiria hene sa nu’ a, aso nna ɛlakalɛ yeɛ ɔlakalaka ɛmɔ ɔfa ɛmɔ kowura ɛhɔen ne nzuhɔen nu ma ɛmɔwuwu ɔ?

2 Aberɛso Dwirɛ 32:21

Na AWURADE somane abɔfo ko maa oohuhuni koɛhonɛfoɛ atitire nemɔ, safohene nemɔ ne mbanyi amukoraa bɔ bɛwɔ Asiria hene asikyeleɛ ne anu ne. Yiti Senakeribo le animguaseɛ sa hɔle ye bɔbɔ ye maen nu. Oodwuli ye bosoen sua ne anu ne, ye bɔbɔ ye mma bele ngrandɛ behuni ye wɔ berɛ.

2 Aberɛso Dwirɛ 32:8

Ye de, kuro sona yeɛ ogyi ye si ɔ. Nakoso yɛ de, AWURADE yɛ Nyameɛ yeɛ ogyi yɛ si ɔ, bɔ ɔkɔboka yɛ maa yɛkɔho yɛ koɛ mɔ ɔ.” Edwirɛ bɔ Yuda hene Hesekia hane ne, ɔhyɛle maen ne nguraen.

Ɛsra 3:11

Bɛtole AWURADE nwo ayɛyelɛ ne asennaa dwein fɛfɛɛfɛ kyɛ, “Nyameɛ te paa, ofikyɛ ye ɔdɔ bɔ onni ngasi ne, ɔwɔ berɛ daa ma Yisrael.” Na maen ne amukoraa bɛbɔle ese besurole so bɛyele AWURADE ayɛ, ofikyɛ né bahyɛ ye bo bato AWURADE awuro fapem ne.

Edwein 1:6

ofikyɛ AWURADE se teneneefoɛ b’atee bɔ bɛnate so ɔ, nakoso bɔnefoɛ de, b’atee bɔ bɛnate so ne, ongoyie bɛ yé.

Edwein 100:5

Ofikyɛ AWURADE te paa, ye ɔdɔ bɔ onni ngasi ne wɔ berɛ afebɔɔ, na ye nahorɛlilɛ wɔ berɛ ma aworɛ ndoatoasoɛ amukoraa.

Edwein 20:1

Mesrɛ kyɛ AWURADE otie wɔ sufrɛ wɔ amaneɛnwunɛ mmerɛ nu! Yakob Nyameɛ ne, ye dumaa ɔ́bɔ wɔ nwo waen!

Edwein 25:8

AWURADE te paa, na ɔtengyɛ; yiti okyire bɔnefoɛ atee maa bɛfa so.

Edwein 27:5

Ofikyɛ ɔfa me sie ye afealeɛ ne anu wɔ amaneɛnwunɛ mmerɛ nu; ɔfa me fea ye tena sua afealeɛ ne anu, na ɔfa me gyina nyɔbotaen so.

Edwein 37:39

Teneneefoɛ de, bɛ ngoalelɛ fi AWURADE, na bɛkɔ amaneɛ nu a, ye yeɛ ɔte b’afealeɛ ɔ.

Edwein 37:40

AWURADE boka bɛ, na ɔpepɛ de bɛ; ɔpepɛ de bɛ fi bɔnefoɛ sa nu, na ode bɛ ngoa, ofikyɛ bɛnwati bɛkɔfea ye nu.

Edwein 46:2

Yiti sɛ aseɛ kakyi butu, ná mmokaa tutu kogua ɛpo buma nu,

Edwein 50:15

Sũ frɛ me wɔ w’amaneɛnwunɛ mmerɛ nu, na ngɔpepɛ ngole wɔ, amaa ɔnate so ahyɛ me animnyam.”

Edwein 59:16

Nakoso me de, ngɔto w’anwoserɛ nwo dwein; na ngyerɛmɔ ngɔto wɔ ɔdɔ bɔ onni ngasi ne anwo dwein. Ofikyɛ wɔ yeɛ ɛte m’anwoserɛ afealeɛ ne m’amaneɛnwunɛ kyẽa nu afealeɛ ɔ.

Edwein 71:3

Yɛ me nyɔbotaen bɔ menwati mebafea wɔ nu daa ɔ. Ayɛ nhyehyɛleɛ kyɛ ɛkɔpepɛ ekole me ngoa, ofikyɛ wɔ yeɛ ɛte me nyɔbotaen ne m’anwoserɛ afealeɛ ɔ.

Edwein 86:7

M’anwokyere mmerɛ nu, mesu mefrɛ wɔ, ofikyɛ ebua me.

Edwein 9:10

Na bɛ bɔ bɛse wɔ dumaa ne, bɛfa bɛ wora bewura wɔ nu, ofikyɛ wɔ, ao AWURADE, bɛ bɔ bɛpena wɔ si atee ne, anye wɔ sa amvi bɛ bo.

Edwein 91:15

Sɛ osũ frɛ me a, ngotie ye sufrɛ. Ngogyina ye si wɔ ye amaneɛnwunɛ nu; ngɔpepɛ ngole ye, ná mahyɛ ye animnyam.

Anyandera 18:10

AWURADE dumaa ne te abandenden pindinn, nu yeɛ teneneeniɛ nwati kɔbɔ ye nwo waen maa onya ye ti didi nu ɔ.

Yesaya 25:4

Ofikyɛ ɛte bɛ bɔ bɛyɛ anwumvo ɔ b’anwoserɛ afealeɛ, ehiafoɛ b’anwoserɛ afealeɛ wɔ b’anwokyere nu, afealeɛ wɔ mvrama piri nu, ɔne nekaa fɔnwoo wɔ eyia gyireingyirein nu, ofikyɛ atianuserɛfoɛ b’anyandimlilɛ ne, ɔte kyɛ mvrama bɔ otu kofĩ fasue ɔ,

Yesaya 32:2

Bɛ nu biala kɔyɛ kyɛ afealeɛ bɔ mvrama tu a sona fea nu ɔ, nekaa bɔ mvrama piri tu a sona bɔ ye nwo waen ɔ, kyɛ aseɛ wosee so asue bɔ ɔtengyɛ ɔ, kyɛ aseɛ pralaa so nyɔbotaen piri bo fɔnwoo ne.

Yesaya 50:10

Ɛmɔ nu nwa yeɛ osuro AWURADE, ná ɔyɛ ye somvoɛ dwirɛ nwo sotie ɔ? Sona bɔ ɔnate awosii nu, bɔ onnya kanea ne, maa ɔfa ye wora wura AWURADE dumaa nu, ná ɔfa ye nwo to ye Nyameɛ so.

Yeremia 16:19

Ao AWURADE, m’anwoserɛ ne m’anwoserɛ afealeɛ, me nwo adwaabɔlɛ nekaa wɔ amaneɛnwunɛ kyẽa nu, wɔ berɛ yeɛ amaen maen bekofi aseɛ noa kɔkã ye noa bɛkɔwa bɛkɔɔhã kyɛ, “Amba, ngondombo yeɛ ɔte anwonyadeɛ bɔ yɛ nana mɔ benyane ye ɔ: ɔne nningyein mbaen mbaen bɔ mvasoɛ nne so ɔ.

Yeremia 17:17

Nnɛyɛ wɔ nwo ebie bɔ onwunanwuna me ɔ; amaneɛnwunɛ kyẽa nu, wɔ yeɛ ɛte m’afealeɛ ɔ.

Yeremia 24:5

“AWURADE Yisrael Nyameɛ nwa nyoo: Bɛ bɔ bahye bɛ nnure bafi Yuda, bɔ maye bɛ mafi ɛwa mahɔ Kaldeafoɛ aseɛ so ne, ngobu bɛ kyɛ bɛte paa kyɛ borɔdoma paa hemɔ.

Yeremia 33:11

ahurusililɛ nwo nga, anigye nwo nga, atɔmvorɛ biaa nwo nga, yeɛ atɔmvorɛ braa nwo nga; yeɛ bɛ bɔ bɛto dwein bɛfa ayɛyelɛ afɔleɛ bɛba AWURADE awuro berɛ ɔ, bɛ nga kyɛ, Ɛ́mɔye Asafo AWURADE ayɛ, ofikyɛ AWURADE te paa, na ye ɔdɔ bɔ onni ngasi ne, ɔwɔ berɛ afebɔɔ!’ Ofikyɛ bɛ bɔ bahye bɛ nnure bafi aseɛ ye aso bahɔ ne, ngosa ngɔfa bɛ ngɔwa, kyɛ daa ne ala, AWURADE noa dwirɛ ɛne.

Awuye 3:25

AWURADE te paa ma bɛ bɔ bɛ nye la ye ate ɔ, ɔte paa ma ɛkra bɔ ɔpena ye si atee ɔ.

Daniel 3:28

Yeɛ Nebukadenesa sele kyɛ, “Sadrake, Mesake ne Abedinego Nyameɛ bɔ wasoma ye abɔfo maa waapepɛ wale ye somvoɛ mɔ bɔ bɛfale bɛ wora bewurale ye nu ne, animnyam hã ye. Bɛ yeɛ behwi bɛfale me, Nana, me mmeraa so ɔ, na bɛfale bɛ ngoa bɛtole serewa, bɔ banzo anaa banzɔne nyameɛ biala ɔ, sana bɛ bɔbɔ bɛ Nyameɛ.

Daniel 6:23

Yeɛ ɔyɛle ɛhene ne fɛ paa, na ɔhyɛle kyɛ bɛye Daniel befi tuin ne anu. Yiti bɛyele Daniel befili tuin ne anu, na bannwu kyɛ ye nwo nekaa biala wapuropuro ɔ, ofikyɛ ɔfale ye wora wurale ye Nyameɛ nu.

Yoel 3:16

AWURADE bobɔ nu fi Sion, na ɔma ye komvi so fi Yerusalem; anwuro ne aseɛ bɛwoso, nakoso AWURADE te ye maen anyelasoɛ, ɔne ye mma Yisrael b’anwoserɛ afealeɛ.

Sefania 3:12

Anwumvoin mmenia ne awiɛmvoɛ mmenia yeɛ ngɔmaa bɛkɔha wɔ wɔ nu ɔ, na AWURADE dumaa yeɛ bɛkɔfa bɛ wora bekowura nu ɔ.

Mateo 27:43

Ɔfale ye nwo tole Nyameɛ so; sɛ okuro ye dwirɛ a, maa ɔpepɛ ole ye e; ofikyɛ ɔhane kyɛ, ‘Me ole Nyameɛ Awa ne!’ ”

Mateo 7:23

Na ɛhe yeɛ ngɔpakye nu ngose bɛ kyɛ, ‘Menze ɛmɔ koraa, ɛ́mɔfi me so bɛhɔ, ɛmɔ bɔ ɛmɔyɔ bɔ ɔndengyɛ ɔ!’

Yohane 10:14

Me ole mmoaenneafoɛ paa ne; mese me deɛ, na me deɛ koso se me,

Yohane 10:27

Me mmoaen nemɔ bɛte me komvi, mese bɛ, na bedi me si.

Romanfoɛ 11:22

Yiti ɔsɛ kyɛ enwu Nyameɛ ye anwumvoinnwunɛ ne ɔne ye anyeborolɛ ne. Ɔma ye nye boro bɛ bɔ bali makyebu ne aso; na wɔ de, Nyameɛ da ye paayɛlɛ ali kyire wɔ, nakoso sana ɛtena ye paayɛlɛ ne anu, na wamma ye sɔ de a, ɔkɔpɛ wɔ kɔto.

Galatiafoɛ 4:9

Nakoso kekesaala ye bɔ ɛmɔanwu Nyameɛ ye, anaa Nyameɛ anwu ɛmɔ ye de, nzu ati yeɛ ɛmɔsa bɛ si bieku bɛkɔ sunzum mɔ bɔ bɛyɛ mmerɛ na bɛ nwo anwumvoin berɛ, na ɛmɔpena kyɛ ɛmɔkɔyɛ bɛ ngoaa bieku ɔ?

2 Timoteo 2:19

Nakoso Nyameɛ fapem ne, ogyi berɛ pindinn, bɔ nzɔanoɛ he sɔ ye noa ɔ: “Awurade se bɛ bɔ bɛte ye deɛ”, yeɛ “Ma ebiala bɔ ɔbɔ Awurade dumaa ne ɔhwe ye nwo fi amumuyɛɛ nwo.”