Nahum 1:5 - AHYERƐLƐ KRONGRON

⁵ Mmokaa nemɔ woso wɔ ye nyunu, na pambaa nemɔ behuro, aseɛ yera wɔ ye nyunu, amba, wiase ne bɔ ɔwɔ nu amukoraa.

Nahum 1:5 Iomraidhean Croise

2 Samuel 22:8

Yeɛ aseɛ pusuli, na ɔwosole; nyameɛso nyinasoɛ ye bo kekane, na ɔwosole, ɔnate kyɛ Nyameɛ ahone huli.

YOB NWOMAA NE 26:11

Anwuro dɔ nyinasoɛ mɔ wosowoso, na sɛ otwi bɛ nyunu a, bɛ nwo dwiri bɛ.

YOB NWOMAA NE 9:5

Ye bɔ otutu mmokaa bo gua bɔ ɔmmɔ bɛ kɔkɔ ɔ, ye bɔ ɔfɛ yaa dwiri bɛ gua ɔ,

Edwein 104:32

Ɔto ye nye nea aseɛ a, aseɛ woso, ná ɔte ye sa kã mmokaa a, betu nwosina ɔ!

Edwein 114:4

Mmokaa nemɔ huruhuruli kyɛ mmoaen nyii, pambaa nemɔ huruhuruli kyɛ mmoaen mmaa.

Edwein 114:6

Ao mmokaa mɔ, nzikyɛ yeɛ ɔmaa ɛmɔhuruhuruli kyɛ mmoaen nyii ye? Ao pambaa mɔ, nzikyɛ yeɛ ɔma ɛmɔhuruhuruli kyɛ mmoaen mmaa ye?

Edwein 18:7

Yeɛ aseɛ pusuli, na ɔwosole; mmokaa mɔ nyinasoɛ ye bo kekane, na ɔwosole, ɔnate kyɛ ye ahone huli.

Edwein 18:8

Nwosina fili ye bonyi anu pu wale; see wuronyiwuronyi fili ye noa nu wale, na see bɔ wasɔ gonn fili ye nwo tutu guale.

Edwein 46:6

Amaen maen mɔ bɛteatea nu, ahennie mɔ batete bapanzam; ɔbobɔ nu kurudududu, na aseɛ woso.

Edwein 68:8

aseɛ wosole, na nyameɛso tɔle esue guale ase wɔ Nyameɛ, Yisrael Nyameɛ nyunu, na Sinai wosole wɔ Nyameɛ nyunu.

Edwein 98:7

Ɛpo ne nu nningyein amukoraa, ɛ́mɔyɛ dede; ewiase ne bɔ ɔwɔ nu amukoraa, ɛ́mɔyɛ dede!

Ɛksadɔso 19:18

Nwosina katale Sinai bokaa ne aso amukoraati, ofikyɛ AWURADE natele see nu dwu wale so. So nwosina ne tu hɔle anwuro kyɛ foonoo nu nwosina, na bokaa ne amukoraa wosole kikikikikiki.

Yesaya 24:1

Tie, AWURADE kɔsɛkye aseɛ maa ɔkɔla berɛ mbaen, okobutu aseɛ nye ase, ná wabɔ so ama wasande.

Yesaya 24:20

Aseɛ nate fofalifofali kyɛ akɔnomnzaniɛ, ɔwosowoso kyɛ namue, ye mmeraatolɛ nwo asohwenɛ kandinga la ye so, na okodwiri kogua bɔ ongodwɔso ko ɔ.

Yesaya 5:25

Yiti AWURADE fɛle ye maen so yaa piri paa, odwɔso tiale bɛ huhuni bɛ, mmokaa mɔ wosole, na bɛ fuin mɔ to petene kyɛ fofoɛ bɔ ogua dwaaso ɔ. Na ɛhemɔ amukoraa nu po ne, wanyakyi bɛ so yaafɛlɛ, na ɔtɛ dwɔso tia bɛ.

Yeremia 10:10

Nakoso AWURADE yeɛ ɔte nahorɛ Nyameɛ ne ɔ; ye yeɛ ɔte Nyameɛ teasefoɛ ne Ɛhene afebɔɔ ne ɔ. Sɛ ye ahone hu a, aseɛ woso, na amaen maen mɔ bɛngora ye yaafɛlɛ noa gyina.

Yeremia 4:24

Ndole me nye nneane mmokaa nemɔ aso, na yieee, né bɛwosowoso; na né pambaa nemɔ bɛpo biribiri.

Hesekiel 38:20

maa ɔnate so ɛpo nu naen, ewienu nnomaa, eburo ngaka, kaka biala bɔ ɔtwe ye nwo ase wɔ aseɛ so, yeɛ aseɛ so mmenia mukoraa bɛ nwo kɔwoso bɛ wɔ me nyunu. Mmokaa mukoraa bekodwiri bekogua, nyɔbotaen ndendenn mɔ kobubu kogua, yeɛ fasue biala kobu kogua ase.

Yoel 2:10

Aseɛ woso wɔ bɛ nyunu, anwuro kekã; eyia ne ɛsraen yɛ tunn, na nzramaa yakyi talɛ.

Amose 9:5

AWURADE, Asafo Nyameɛ, ye yeɛ ɔfa ye sa kã aseɛ maa ohuro, maa aseɛ ne aso ama mukoraa bedi aworabɔlɛ, ná aseɛ ne amukoraa huhu kyɛ asue Naele, ná ɔtwe kyɛ Misraim asue Naele ɔ.

Mika 1:4

Mmokaa nemɔ kohuro wɔ ye gya bo, na bɔnza nemɔ nu kodwudwa kyɛ amena bɔ ɔla see nye ɔ, kyɛ nzue bɔ bahwie bagua nekaa bɔ ɔtorotoro ɔ.

Habakuku 3:10

Mmokaa mɔ nwuni wɔ, na bɛ nwo wosowosole bɛ. Asue bɔ ɔsẽ wuruwuru ɔ pɛle nu hɔle, buma mane ye komvi so teateane nu, na ɔmane ye sa so hɔle anwuro.

Sakaria 4:7

Ao bokaa piri, wɔ ole nwa? Ɛkɔkakyi aseɛ frɛtɛɛ wɔ Serubabɛl nyunu. Na ɔkɔfa nyɔboɛ titire ne kɔwa wɔ mmerɛ bɔ bɛbɔ ese kyɛ, ‘Nyameɛ lo ye oo, Nyameɛ lo ye oo!’ ”

Malaki 4:1

Tie, kyẽa ne ɔ́ba bɔ ɔkɔyera kyɛ foonoo ɔ; na amba, ahandaenfoɛ amukoraa, bɛ ne bɔnefoɛ biala bɛkɔyɛ ngyɛngyɛma. Na kyẽa bɔ ɔbaawa ne, ɔkɔyera bɛ, bɔ ɔngɔyakyi bɛ ndii anaa bɛ mmaen ɔ, AWURADE noa dwirɛ ɛne.

Mateo 27:51

Na yieee, ɛtena bɔ ɔpɛ asɔneyɛɛ sua ne anu ne, nu suale nyɔ fili anwuro oodwuli ase; na aseɛ wosole, na nyɔbotaen mɔ nu dwudwale;

Mateo 28:2

Na yieee, aseɛ wosole serɛserɛ; ofikyɛ Awurade abɔfo fili nyameɛso dwuli ase oomununi nyɔboɛ ne fili asieleɛ ne noa, na ɔtenane so.

Nyekyire 20:11

Afei nwuni ahennie bia fufue pirikua bie ɔne bɔ ɔte so ne, bɔ aseɛ ne nyameɛso nwati fili ye nyunu ne; na bannya nekaa bamma bɛ.

Nyekyire 6:14

Na ewienu tu minini te kyɛ nwomaa bɔ babobɔ ɔ, na mmokaa ne supɔ mukoraa tutu fili bɛ boso.

Maenbulɛfoɛ 5:5

Mmokaa wosole serɛserɛ wɔ AWURADE Sinai Nyameɛ ne nyunu, bɛwosole wɔ AWURADE Yisrael Nyameɛ nyunu.