Nahum 1:2 - AHYERƐLƐ KRONGRON

² Nyameɛ ɔtwe nungunɛ, na ɔte AWURADE bɔ ɔtɔ wereɛ ɔ. AWURADE tɔ wereɛ, na ye yaafɛlɛ te piri; AWURADE tɔ bɛ bɔ bekyi ye ɔ so wereɛ, na ye ahonehulɛ wɔ berɛ ma ye pɔfoɛ mɔ.

Nahum 1:2 Iomraidhean Croise

YOB NWOMAA NE 20:23

Odidi ma ye ko yi pambee. Nyameɛ kɔfɛ ye so yaa piri paa, na okohwie ye yaafɛlɛ ne kogua ye so maa ɔkɔkakyi ye aleɛ.

Edwein 94:1

Ao AWURADE, wereɛtɔlɛ Nyameɛ, wereɛtɔlɛ Nyameɛ, kyire wɔ tumi!

Ɛksadɔso 20:5

Nnɛkoto bɛ, yeɛ nnɛso bɛ; ofikyɛ me, AWURADE wɔ Nyameɛ ne, nde nungunɛ Nyameɛ, na meprapra seɛ mɔ bɛ bɔne nwo asohwenɛ megua bɛ mma mɔ so, maa okodwu aworɛ ndoatoasoɛ nza ne nna bɔ bɛpɔ me so.

Ɛksadɔso 34:14

Nnɛsɔne bosoen biala, ofikyɛ AWURADE bɔ ye dumaa ole Nungunɛ nen, ɔte Nyameɛ bɔ ɔtwe nungunɛ ɔ.

Ɛksadɔso 34:7

bɔ ye dɔ bɔ onni ngasi wɔ berɛ ma mmenia apee apee, bɔ ɔfa amumuyɛɛ ne mmeraatolɛ ne bɔne kyɛ ɔ. Nakoso ɔmma sona bɔ odi fɔ ne ɔmva ye nwo tɔtorɔtɔɔ, na ɔprapra seɛ mɔ bɔne nwo asohwenɛ gua bɛ mma mɔ ne bɛ nnomaa mɔ so, maa okodwu aworɛ ndoatoasoɛ nza ne nna so.”

Yesaya 42:13

AWURADE kɔhɔ ye nyunu kyɛ katakyie, ɔkɔma ye ahone kohu kyɛ koɛhonɛniɛ, ɔkɔtea nu, ɔkɔbɔ ese, na okoli ye pɔfoɛ mɔ so ngonim.

Yesaya 51:17

Kanyane wɔ nwo, kanyane wɔ nwo! O Yerusalem, dwɔso! Wɔ bɔ ano AWURADE sa nu ɛyaafɛlɛ kulie ne noa, kulie bɔ ɔmaa bɛbo tendaenn ne, wɔ bɔ ano nu atu ye bo ne.

Yesaya 51:20

Wɔ mma mɔ bɛ nye so aburu bɛ, beguagua mmorɔnoɛ mukoraa ngwandaa kyɛ kɛtɛbɔɔ bɔ owura ngaen nu ɔ, AWURADE ahone ahu bɛ so paa, wɔ Nyameɛ ahwi bɛ nyunu paa.

Yesaya 66:15

“Ɛ́mɔtie, AWURADE kɔfa see ne ye teaseɛnam mɔ bɔ bɛte kyɛ mvrama piri yeɛ ɔkɔwa ɔ,, kyɛ ɔbaafa ye ahonehulɛ ne otua so kerɛ ɛyaafɛlɛ so, ná ɔfa see wuronyiwuronyi ɔtea bɛ.

Yeremia 25:15

AWURADE Yisrael Nyameɛ sele me kyɛ, “Ɛyaafɛlɛ nzaa kwangoa he bɔ otira me sa nu ye, de, ná ma maen amukoraa bɔ ngɔsoma wɔ bɛ berɛ ne bɛno.

Yeremia 28:8

Ngɔmhyɛlɛfoɛ bɔ belili me ne wɔ yɛ nyunu moa bɛhyɛle ngɔm fi daa tete ne, bɛhyɛle ngɔm kyɛ koɛ, ɛhɔen ne ewue anwonyerɛ kɔwa maen maen pee ne ahennie mbiri mbiri mɔ so.

Yeremia 3:5

ɔkɔfɛ yaa afebɔɔ anaa, ye ahonehulɛ ne, ɔkɔtena berɛ kɔhɔ ayieleɛ?’ Tie, ahã sɔ de, nakoso ayɔ bɔne yɔleɛ kyɛbɔ ɛkɔhora ɔ.”

Yeremia 36:7

Ebiaa bɛkɔfa bɛ sufrɛ bɛkɔto AWURADE nyunu, na bɛ nu biala kɔsakyera ye adwene kofi ye bɔne atee nwo, ofikyɛ AWURADE ɛyaafɛlɛ ne ahonehulɛ bɔ wahã kyɛ ɔkɔmaa ɔkɔwa maen he aso ne, ɔte piri.”

Yeremia 4:4

Ao Yudafoɛ ne Yerusalemfoɛ, odi kyɛ ɛmɔye ɛmɔ ahone nwo bɔne ndwirahoɛ ne wɔ AWURADE nyunu, kyɛbɔ bɛpɛ sona ye bienzua ɔ, Wanyɛ sɔ a, m’ahone kohu kyɛ see, na okogye alaa bɔ ebiala ngɔhora ye nua ɔ, ɔnate ɛmɔ bɔne yɔleɛ ne ati.

Yeremia 50:15

Ɛ́mɔtea nu bégua ye so bɛbra beyia. Wama ye sa so kyɛ ɔngɔhora koɛ ne aso toa, ye nyinasoɛ adwiri agua, babubu ye fasue nemɔ; ofikyɛ AWURADE wereɛtɔlɛ ne ɛne. Ɛ́mɔtɔ ye so wereɛ, bɔ wayɔ ne ala bie yeɛ ɛ́mɔfa beli ye ɔ.

Awuye 4:11

AWURADE ala ye ɛyaafɛlɛ ali wayie, wama ye ahone ahu kandinga paa. Yeɛ wasɔ see wɔ Sion, maa wayera ye fapem nemɔ.

Hesekiel 36:6

Yiti hyɛ Yisrael aseɛ nwo ngɔm, na se mmokaa ne pambaa mɔ ne asue mɔ ne bɔnza mɔ kyɛ, AWURADE Nyameɛ nwa nyoo: Ɛ́mɔtie, me nungunɛhwenɛ ne me yaafɛlɛ nu yeɛ medwudwo ɔ, ofikyɛ maen maen mɔ bagua ɛmɔ nyunu ase.

Hesekiel 38:18

Nakoso kyẽa bɔ Gɔgo kɔfa koɛ kɔɔtoa Yisrael maen ne, m’ahone kohu piri paa, AWURADE Nyameɛ noa dwirɛ ɛne.

Hesekiel 38:19

Na mekã ye wɔ me nungunɛhwenɛ ne m’ahonehulɛ wuruwuru ne anu kyɛ, sɔ kyẽa ne, aseɛ kɔwoso serɛserɛ wɔ Yisrael aseɛ so,

Hesekiel 39:25

“Yiti AWURADE Nyameɛ nwa nyoo: Ngosa ngɔfa Yakob ngofi nnurehyelɛ nu ngɔwa, na ngonwu Yisrael awuro ama mukoraa anwumvoin, na ngɔhwe me dumaa krongron ne nwo nungunɛ.

Hesekiel 5:13

“Sɔ yeɛ me yaafɛlɛ ne kɔyɔ bɛ nwo adwuma koyie ɔ, m’ahone kohu bɛ so maa m’ahone kɔtɔ nzue nu. Na sɛ m’ahone hu bɛ so a, yeɛ bekonwu ye kyɛ me, AWURADE, me nungunɛhwenɛ nu yeɛ mahã ɔ.

Hesekiel 6:12

Bɔ ɔwɔ dedeede ne, ewue anwonyerɛ yeɛ okohũ ye ɔ; bɔ opingye ne, ngrandɛ noa yeɛ ɔkɔtɔ ɔ; na bɔ waha bɔ mamaa wanya ye ti wadidi nu ne, ɛhɔen yeɛ ɔkɔmaa okowu ɔ. Sɔ yeɛ me yaafɛlɛ ne kɔyɔ bɛ nwo adwuma koyie ɔ.

Hesekiel 8:18

Ye sɔ ne ati, ngɔhwe bɛ so anyeborolɛ so. Mengɔkorɔkorɔ bɛ, yeɛ mengonwu bɛ anwumvoin. Na ɔwɔ nu kyɛ bɛkɔteatea nu bekosu bɛkɔfrɛ me de, nakoso mengɔtɛ bɛ so.”

Yoel 2:18

Afei AWURADE hwene ye aseɛ nwo nungunɛ, na onwuni ye maen anwumvoin.

Lewitikɔso 26:28

ye de nne ɛyaa piri ngodwɔso ngotia ɛmɔ, na ɔnate ɛmɔ bɔne ti, me bɔbɔ ngɔhwe ɛmɔ so pɛen nzoo.

Mika 5:15

Na maen maen mɔ bɔ banyɛ sotie bamma me ne, nne ɛyaa ne ahonehulɛ ngɔtɔ bɛ so wereɛ.

Mika 7:18

Nwa yeɛ ɔte Nyameɛ kyɛ wɔ, bɔ ɔfa amumuyɛɛ kyɛ, bɔ obu ye nye gua ye agyapadeɛ ngaa bɛ mmeraatolɛ so ɔ? Ɔmma ye yaafɛlɛ ndena berɛ afebɔɔ, ofikyɛ ye nye gye anwumvoinnwunɛ nwo.

Sakaria 1:14

Yiti abɔfo bɔ né ɔne me yɛdwudwo ne, osele me kyɛ, ‘Bɔ ye dawure kyɛ, Asafo AWURADE nwa nyoo: Metwe Yerusalem ne Sion nwo nungunɛ piri paa,

Sakaria 8:2

“Asafo AWURADE nwa nyoo: Metwe Sion nwo nungunɛ piri paa, ɛyaa piri paa yeɛ mefa metwe ye nwo nungunɛ ɔ.

Numeri 25:11

“Me yaa bɔ mvɛle ye wɔ Yisraelfoɛ so ne, Finehase bɔ ɔse ole ɔsɔfo Aarɔn awa Eleasa ne, wama m’ahone atɔ nzue nu. Ofikyɛ watu ye nwo wasie berɛ wagyina me gya nu wahwe bɛ nwo nungunɛ wama me. Ɔnate ye sɔ ti, mangũkũ Yisraelfoɛ mɔ wɔ me nungunɛhwenɛ nu.

Romanfoɛ 12:19

Aliɛmaa mɔ, nnɛma ɛmɔtotɔ ɛmɔ nwo wereɛ, na mmom ɛ́mɔyakyi bɛ́ma Nyameɛ ahonehulɛ ne. Ofikyɛ bahyerɛ kyɛ, “Wereɛtɔlɛ te me deɛ, na ngotua so kerɛ, Awurade noa dwirɛ ɛne.”

Romanfoɛ 13:4

Ofikyɛ wɔ yeeyɛlɛ ti bɛte Nyameɛ somvoɛ. Nakoso sɛ ɛyɔ bɔne de a, ye de ɔsɛ kyɛ esuro ɔ, ɔnate kyɛ bendira ɛhɔtɔ ne mbaen! Bɛte Nyameɛ somvoɛ bɔ bɛtɔ wereɛ bɛma bɛ yaafɛlɛ ba sona bɔ ɔyɔ bɔne so ɔ.

Deuteronomi 4:24

Ofikyɛ AWURADE wɔ Nyameɛ ne, ɔte see bɔ ɔyera motoo ɔ, Nyameɛ bɔ ɔtwe nungunɛ ɔ.

Deuteronomi 7:10

Nakoso bɛ bɔ bɛpɔ ye ne de, otua bɛ so kerɛ maa bɛ boso yera. Ɔngyɛ ye nwo koraa, na otua bɛ bɔ bɛpɔ ye ne so kerɛ maa bɛ boso yera.

Hebrifoɛ 10:30

Ofikyɛ, yɛse bɔ ɔhane kyɛ, “Wereɛtɔlɛ te me deɛ, na ngotua so kerɛ;” na ye ala yeɛ osa hane kyɛ, “Awurade kobua ye mmenia ndɛen.”

Yosua 24:19

Nakoso Yosua sele maen ne kyɛ, “Ɛmɔngɔhora ngɔso AWURADE, ofikyɛ ɔte Nyameɛ bɔ ɔte krongron ɔ. Ɔte nungunɛ Nyameɛ; na ɔngɔfa ɛmɔ mmeraatolɛ ne ɛmɔ bɔne ngɔhyɛ ɛmɔ.

2 Petro 2:9

né nzaade Awurade se atee bɔ ɔfa so ɔpepɛ de bɛ bɔ besuro ye ɔ fi nzɔhwɛ nu, ɔne kyɛbɔ ɔtwe bɛ bɔ bɛndengyɛ so ɔfa nwondɛ ndɛenbualɛ kyẽa ne ɔ,