Nahum 1:10 - AHYERƐLƐ KRONGRON

¹⁰ Mmerɛ bɔ batoatoa nu kyɛ mmowue, ná babobo kyɛ akɔnomnzafoɛ nen, ɔkɔyera bɛ kyɛ ɛserɛ worowaa.

Nahum 1:10 Iomraidhean Croise

2 Samuel 13:28

Né Absalom ali moa waha wahyire ye somvoɛ nemɔ kitii kyɛ, “Ɛ́mɔfa bɛ nye bɛ́sra Amnɔn, na sɛ ɛmɔnwu kyɛ nzaa ne abo ye, ná mekã mekyire ɛmɔ kyɛ, ‘Ɛ́mɔhu Amnɔn!’ a, ɛ́mɔhu ye. Nnɛma ɛmɔsuro. Me yeɛ mahyɛ ɛmɔ kyɛ ɛ́mɔyɔ sɔ ɔ. Ɛ́mɔsi ɛmɔ ahone bɛyɛ mmienzua.”

Edwein 118:12

Bɛpɛle me nwo beyiale kyɛ ɛwommaa, nakoso benuane kyɛ mmowue see, ofikyɛ AWURADE dumaa nu ti, ngane bɛ nguale!

Edwein 68:2

Kyɛbɔ mvrama bɔ nwosina kɔ ne, sɔ ala yeɛ foa bɛ maa bɛhɔ ɔ; ao Nyameɛ, kyɛbɔ sakyeɛ huro wɔ see nu ne, sɔ ala yeɛ maa bɔnefoɛ bewuwu wɔ wɔ nyunu ɔ.

Ɛksadɔso 15:7

Ɛnate wɔ tumi piri ne aso ɛkã bɛ bɔ bɛko betia wɔ ɔ gua; Ɛsoma wɔ yaa piri ne, na ɔyera bɛ kyɛ ngyɛngyɛma.

Ɛksadɔso 5:12

Yiti mmenia ne tele bɛ nwo guale Misraim aseɛ so amukoraa bɛɛboaboale atokoɔ mmakaa wuruwaa noa bɛfa bɛkakyili ɛserɛ.

Yesaya 27:4

M’ahone atɔ nzue nu. Sɛ menwu agurɛ ne mmowue a, ahaa ngɔfa koɛ ngɔtoa bɛ, ahaa ngɔyera bɛ ngɔbɔ nu.

Yesaya 47:14

Tie, bɛte kyɛ ɛserɛ worowaa, see kɔyera bɛ, bɛngɔhora ngole bɛ nwo ngofi see wuronyiwuronyi ne sa nu, na ɛhe de, nna see bɔ otu sona nwo ɛyerɛ ɛne, yeɛ nna see bɔ bɛtena ye nwo bɛto hɔ ɛne!

Yesaya 5:24

Yiti kyɛbɔ see osi yera ngyɛngyɛma motoo, ɔne kyɛbɔ see wuronyiwuronyi osi yera ndire worowaa ne, sɔ ala yeɛ sɔ mmenia nemɔ bɛ ndii kɔporɔ ɔ, na mvrama kɔporo bɛ nyerɛen kogua kyɛ mvuture, ofikyɛ bapo Asafo AWURADE mmeraa ne, na babu Yisrael Krongronniɛ ne dwirɛ animtia.

Yesaya 56:12

“Bɛkã kyɛ, ‘Ɛmɔbra, mekwaafa nzaa meba, ɛ́mɔma yɛ́no nzaa serɛ yɛ́bo, na ɛhema koso ɔkɔyɛ kyɛ ɛnɛ ala, na ɔkɔtra so po!’ ”

Yesaya 9:18

Nahorɛ nu, amumuyɛɛ ogye kyɛ see, ɔyera agurɛ ne mmowue, ɔyera ɛhɔayeɛ too, na bɛyɛ nwosina ningɔnn bɛkɔ anwuro.

Yeremia 51:39

Sɛ benya akɔnnɔ ná bɛsɔ a, ngɔto bɛ poen, na ngɔmaa bɛkɔbo, kɔpem kyɛ bɛ nye kɔgye ɔ, bɛkɔla nnaa afebɔɔ, na bengotingye, AWURADE noa dwirɛ ɛne.

Yeremia 51:57

Na ngɔma ye atitire mɔ, ye nworɛfoɛ, ye safohene mɔ, ye maen mbanyi mɔ ne ye koɛhonɛfoɛ mɔ bɛkɔbobo, bɛkɔla nnaa afebɔɔ, na bengotingye. Ɛhene bɔ ye dumaa ole Asafo AWURADE ne, ye noa dwirɛ ɛne.

Mika 7:4

Bɛ nu sona paa ne po ɔte kyɛ ɛfone, bɛ nu teneneeniɛ paa ne, ɔte mmowue anoa tworɔntworɔn; w’awɛmvoɛ mɔ kyẽa ne, ɔne w’asohwenɛ kyẽa ne ɔ́ba, bɛ basabasayɔlɛ mmerɛ ne wadwu.

Nahum 3:11

Wɔ koso, ɛkɔno nzaa kɔbo, na ɛkɔɔfea, na ɔnate pɔfoɛ ne ati ɛkɔpena afealeɛ.

Malaki 4:1

Tie, kyẽa ne ɔ́ba bɔ ɔkɔyera kyɛ foonoo ɔ; na amba, ahandaenfoɛ amukoraa, bɛ ne bɔnefoɛ biala bɛkɔyɛ ngyɛngyɛma. Na kyẽa bɔ ɔbaawa ne, ɔkɔyera bɛ, bɔ ɔngɔyakyi bɛ ndii anaa bɛ mmaen ɔ, AWURADE noa dwirɛ ɛne.

1 Samuel 25:36

Na Abigail sa hɔle awuro wɔ Nabal berɛ ne, né Nabal ato poen wɔ ye awuro berɛ kyɛ ahemvo poentolɛ. Né ɔgye ye nye, ofikyɛ né wabo sram; yiti Abigail anga hwee wangyire ye kɔpem kyɛ aleɛ hyene ɔ.