Mika 7:6 - AHYERƐLƐ KRONGRON

⁶ Ofikyɛ baa bienzua bu seɛ animtia, yeɛ baa brasua dwɔso tia oni; sia brasua dwɔso tia ye sia brasua, sona ye pɔfoɛ mɔ ole ye bɔbɔ deinn ye awuro ama.

Mika 7:6 Iomraidhean Croise

Gyenesise 49:4

Ɛwosowoso kyɛ nzue, yiti wɔ panyililɛ ne kɔbɔ wɔ, ofikyɛ ɛne ɛse aye bɛlale; ɛɛlale me bɛen so, eguale ye nwo fiɛ.

2 Samuel 16:11

Na Dawide sele Abisae ne somvoɛ ne amu kyɛ, “Sɛ me kunu ba po ɔpena me ku me a; nzaade bɔ Benyaminniɛ he ɔ́yɔ ye, ɔnyɛ nwanwa! Ɛ́mɔyakyi ye ma ɔboro amoen ne. Ebiaa AWURADE yeɛ waha wahyire ye kyɛ ɔyɔ sɔ ɔ.

Edwein 41:9

Mmiɛngo bɔ mede ye medi paa, bɔ yeɛ me ne ye yɛto asaa yɛdidi ne, ye yeɛ waye me wama ɔ.

Anyandera 30:11

Mmenia biemɔ wɔ berɛ a, bɛnoma bɛ baba, yeɛ bɛnga kyɛ bɛ maame onya saleɛ.

Anyandera 30:17

Anyeɛ bɔ ɔgoro ye baba anwo, ɔne bɔ ɔpo kyɛ okotie ye maame dwirɛ ne, bɔnza nu anene mɔ kotutu sɔ anyeɛ ne, na kɔleɛ mma mɔ kosuso koli.

Yesaya 3:5

Mmenia kɔhyɛ bɛ mmango so, bɛkɔhyɛ bɛ biɛngo so, ebiala kɔhyɛ obiɛngo so. Mmerandeɛ ne ndaluwa bɛ nye ngɔsɔ mbanyi, yeɛ kwahweabaa koso ye nye ngɔsɔ animnyamniɛ.

Yesaya 9:19

Asafo AWURADE ɛyaafɛlɛ piri ne, wama aseɛ ne ayera, na mmenia ne ayɛ kyɛ eyein bɔ bɛfa bɛsɔ see ɔ, na ebiala wannwu obiɛngo anwumvoin.

Yeremia 12:6

Ofikyɛ wɔ nwo ama ne wɔ bɔbɔ w’abusuafoɛ, bɛ po baye wɔ bama; amba, bɛ́bɔ wɔ tutue bedi wɔ si. Ɔwɔ nu kyɛ bɛkã edwirɛ fɛɛ bekyire wɔ de, nakoso nnede bɛ di.”

Yeremia 20:10

Mate kyɛ mmeni pee bɛ́yɛ nwuhunwuhu kyɛ, “Anwunanwuna apɛ yɛ nwo ayia, Ɛmɔhã dwirɛ betia ye! Ɛ́mɔma yɛhã dwirɛ yɛtia ye!” Mmenia amukoraa bɔ me ne bɛ yɛnnyane edwirɛ biala ne, bɛpena m’asefinɛ, na bɛnwa: “Ebiaa ɔkɔmaa yɛkɔlakalaka ye, yɛkoli ye so ngonim, ná yatɔ ye so wereɛ.”

Yeremia 9:4

Odi kyɛ ebiala ɔnea ye nwo yé wɔ obiɛngo anwo, na nnɛfa wɔ wora wura eliɛma nu, ofikyɛ aliɛmaa biala ɔpepɛ sona gya ndii nu, na abiɛngoɛ biala ɔnate di nzekure.

Hesekiel 22:7

Bebu seɛ ne niɛ animtia wɔ wɔ nu; bɛhyɛ ɛwɔfoɛ so wɔ wɔ nu; yeɛ besisi nyisiaa ne kunafoɛ mmrasua koso wɔ wɔ nu.

Obadia 1:7

Bɛ bɔ bɛ ne wɔ ayɛ apam ne amukoraa, baye wɔ bama, bafoa wɔ baadwu ɛwɛen ne aso; bɛ bɔ bɛ ne wɔ tu nu ne, bali wɔ so ngonim; wɔ mmango bɔ bedi wɔ aleɛ ne, basua wɔ ngaen, nakoso annya ye nwo adwene biala.

Mateo 10:21

“Aliɛmaa kɔye aliɛmaa kɔma maa bekohu ye, seɛ kɔye baa kɔma, na mmaa kodwɔso kotia awofoɛ maa bekohu bɛ.

Mateo 26:23

Na obuale kyɛ, “Bɔ ɔne me to asaa didi wɔ talie ko anu ne, ye ala yeɛ ɔkɔye me kɔma ɔ.

Luka 12:53

Bɛ nu kɔtete, seɛ kɔho kotia baa bienzua, yeɛ baa bienzua kɔho kotia seɛ; niɛ kɔho kotia baa brasua, yeɛ baa brasua kɔho kotia niɛ; hyireni kɔho kotia sia brasua, né sia brasua aho atia ohyireni.”

Luka 21:16

Ɛmɔ awofoɛ ne aliɛmaa mɔ ne abusuafoɛ ne damvo mɔ koso bɛkɔye ɛmɔ bɛkɔma, na bɛkɔmaa bekohu ɛmɔ nu biemɔ.

Yohane 13:18

“Nna ɛmɔ amukoraa bɛ nwo dwirɛ yeɛ mekã ɔ, na me de, mese bɛ bɔ maneanea nu maye bɛ ɔ. Na ɛhe yeɛ ɔkɔma Ahyerɛlɛ ne kɔwa nu kyɛ, ‘Sona bɔ ɔne me to asaa didi ne, ye yeɛ waye me wama ɔ.’