Mika 7:4 - AHYERƐLƐ KRONGRON

⁴ Bɛ nu sona paa ne po ɔte kyɛ ɛfone, bɛ nu teneneeniɛ paa ne, ɔte mmowue anoa tworɔntworɔn; w’awɛmvoɛ mɔ kyẽa ne, ɔne w’asohwenɛ kyẽa ne ɔ́ba, bɛ basabasayɔlɛ mmerɛ ne wadwu.

Mika 7:4 Iomraidhean Croise

Yesaya 10:3

Nzu yeɛ ɛmɔkɔyɔ ye wɔ asohwenɛ kyẽa ne ɔne amaneɛnwunɛ bɔ okofi dedeede kɔwa ne anu ɔ? Nwa berɛ yeɛ ɛmɔkɔnwati bɛkɔɔpena mmokalɛ ɔ, nisua yeɛ ɛmɔkɔyakyi ɛmɔ anwonya ne ɔ?

Yesaya 22:5

Ofikyɛ ɔte Asafo AWURADE ye kyẽa, bɔ ɔte amaneɛnwunɛ, ahunundetelɛ ne anyesotanɛ, wɔ Nyekyire Bɔnza ne anu, kyẽa bɔ bedwiri fasue mɔ begua, bɔ bɛbɔ awuye besu bɛfrɛ mmokaa mɔ ɔ.

Yesaya 55:13

Nekaa bɔ ɛfone wɔ ne, ɛframmire kofifi berɛ kosi ye gya nu, sesea kofifi kosi agurɛ gya nu, na ɛhe kɔma AWURADE dumaa so, ɔkɔyɛ nzɛngyerɛnneɛ afebɔɔ bɔ ye bo ngɔpɛ ɔ.”

Yeremia 10:15

Mvasoɛ nne bɛ so, bɛte nnakannaka adwuma; na b’asohwenɛ mmerɛ ne dwu a, bɛkɔsɛkye bɛ.

Yeremia 11:23

na bɛ nu biala ngɔha. Ofikyɛ ngɔprapra musue ngogua Anatotefoɛ so, wɔ b’asohwenɛ afoɛ ne anu.

Yeremia 46:21

Ye koɛhonɛfoɛ bɔ wabɔ bɛ paa ne, bɛwɔ ye nu, bɛte kyɛ nandwie mɔ bɔ balɔ ɔ; ofikyɛ bɛ koso basa bɛ si, na babɔ nu banwati bahɔ. Bangora gyina, ofikyɛ b’amaneɛnwunɛ kyẽa ne b’asohwenɛ mmerɛ ne, wawa bɛ so.

Yeremia 8:12

Akyiwadeɛ nningyein bɔ bɛyɔle ne, aso ɔyɛle bɛ animguaseɛ? Daabi, wanyɛ bɛ nya koraa, bɛ nye ammɔ bɛ dwɛ po. Yiti bɛ koso bɛkɔtotɔ wɔ mmenia bɔ bɛtotɔ nemɔ anu. Mmerɛ bɔ ngɔhwe bɛ so ne, bekowuwu, AWURADE noa dwirɛ ɛne.

Hesekiel 2:6

Na wɔ, Sona awa, nnɛsuro bɛ, yeɛ nnɛsuro bɛ noa dwirɛ. Ɔwɔ nu kyɛ ɛfone ne agurɛ nu yeɛ ɛla ɔ, yeɛ anyanyangyeleɛ mɔ nu yeɛ ɛte ɔ de, nakoso nnɛsuro bɛ noa dwirɛ, yeɛ nnɛsuro bɛ nyunu, ɔwɔ nu kyɛ bɛte abusua bɔ bayɛ lɔen ɔ de.

Hesekiel 28:24

“Na Yisrael awuro ama de, maen maen amukoraa bɔ bapɛ bɛ nwo bayia, bɔ bebu bɛ animtia ne, bɛngɔkakyi bɛ so ɛfone anaa mmowue ngɔwowɔ bɛ ko. Na afei bekonwu kyɛ me ole AWURADE Nyameɛ.

Amose 8:2

Obisale me kyɛ, “Amose, bɔ enwu ye e, nzikyɛ ɛne?” Na mmuale kyɛ, “Borɔdoma bɔ waboro ɔ kɛndɛen ko.” Yeɛ AWURADE sele me kyɛ, “Me maen Yisrael, b’ayieleɛ ato bɛ. Mengobu me nye mengogua bɛ bɔne so ko.”

Nahum 1:10

Mmerɛ bɔ batoatoa nu kyɛ mmowue, ná babobo kyɛ akɔnomnzafoɛ nen, ɔkɔyera bɛ kyɛ ɛserɛ worowaa.

Luka 21:25

“Na nzɛngyerɛnneɛ kɔwa eyia ne ɛsraen ne nzramaa mɔ nu; na kyɛbɔ ɛpo ne asorɔkye bekosi bekobu bɛkɔfa so ne, ɔkɔfa aworabɔlɛ ne ahunundetelɛ kɔto maen maen mɔ so wɔ aseɛ so.

Hebrifoɛ 6:8

Nakoso sɛ ofifi mmowue ne ɛfone de a, ye de mvasoɛ biala nne ye so; ɔngyɛ né Nyameɛ apaye ye, na ye ayieleɛ ole kyɛ ɔfa see sɛkye ye.