Mika 7:19 - AHYERƐLƐ KRONGRON

¹⁹ Okosa konwu yɛ anwumvoin, okoli y’amumuyɛɛ so ngonim; na ekofindi bɛ bɔne amukoraa kogua ɛpo buma ne anu.

Mika 7:19 Iomraidhean Croise

2 Samuel 24:14

Yeɛ Dawide buale Gade kyɛ, “Yieee, edwirɛ piri paa yeɛ wato me e! Kyɛ kuro sona kɔhwe me so de, ye de ma AWURADE mmom ɔhwe yɛ so, ofikyɛ ye de, ye anwumvoinnwunɛ te piri.”

Edwein 103:12

Kyɛbɔ eyia afiteleɛ ne eyia atɔleɛ b’afia si wale ne, sɔ ala yeɛ wamaa yɛne yɛ mmeraatolɛ y’afia atete ɔ.

Edwein 130:8

Ye yeɛ ɔkɔpepɛ kole Yisrael kofi ye amumuyɛɛ amukoraa nu ɔ.

Edwein 85:3

Ɛhwene wɔ yaa piri ne amukoraa sale, ɛmane w’ahone tɔle nzue nu.

Yesaya 33:24

Maen baa biala ngɔhã kyɛ, “Mafokyɛ.” Na bɛ bɔ bɛte maen ne anu ne, bɛkɔfa b’amumuyɛɛ bɛkɔhyɛ bɛ.

Yesaya 38:17

Amba, me yeeyɛlɛ ti yeɛ nwuni amaneɛ piri ɔ. Ɛnate wɔ ɔdɔ so aye me kra afi ewue kumaa nu, ofikyɛ agyi me bɔne amukoraa agua wɔ si dɔ.

Yesaya 43:25

“Me, me ole bɔ ɔnate me bɔbɔ me ti mekyikyi wɔ mmeraatolɛ ɔ, na mengɔkaye wɔ bɔne.

Yeremia 31:20

Aso Efraim, ɔte mma bɔ ɔla m’ahone nwo ɔ? Aso ɔte baa bɔ me nye gye ye nwo ɔ? Mmerɛ pee bɔ metwi ye nyunu ne, yeɛ mekɔ so mekaye ye ɔ. Yiti me kunu tete me ma ye, amba, ngonwu ye anwumvoin, AWURADE noa dwirɛ ɛne.

Yeremia 31:34

Na ebiala ngohyirehyire obiɛngo ko, yeɛ ebiala ngose oliɛma kyɛ, ‘Nwu AWURADE,’ ofikyɛ ofi bɛ nu kwahweabaa so bɔ ɔkwaadwu bɛ nu titire paa so, bɛ mukoraa bekonwu me, AWURADE noa dwirɛ ɛne. Ofikyɛ ngɔfa b’amumuyɛɛ ngɔhyɛ bɛ, na mengɔkaye bɛ bɔne ko.”

Yeremia 33:8

B’amumuyɛɛ amukoraa bɔ ɔnate so bayɔ bɔne batia me ne, ngɔte bɛ nwo ngofi ye nwo. Na b’amumuyɛɛ amukoraa bɔ ɔnate so bayɔ bɔne, ná bayɔ mvomsoɛ batia me ne, ngɔfa ngɔhyɛ bɛ.

Yeremia 50:20

Na sɔ ngyẽa ne anu, sɔ mmerɛ ne, bɛkɔpena Yisrael amumuyɛɛ, nakoso bengonya bie; yeɛ bɛkɔpena Yuda ye bɔne, nakoso bengonwu bie, ofikyɛ bɛ bɔ ngɔmaa bɛkɔha wa ne, ngɔfa bɛ bɔne ngɔhyɛ bɛ, AWURADE noa dwirɛ ɛne.

Awuye 3:22

AWURADE adaworoma yeɛ yɛ boso wannua ɔ, ofikyɛ ye anwumvoinnwunɛ ye bo ngɔpɛ le.

Awuye 3:32

Na sɛ ɔma ebie wora bɔ po a, okonwu ye anwumvoin kyɛbɔ ye anwumvoinnwunɛ ne, ye piri ɔte ne.

Hesekiel 18:22

Ye bɔne bɔ wayɔ amukoraa, mengobu ye nwo ngondaa mengogua ye so ko, na ɔnate tenenee bra bɔ wabɔ ne ati, okonya ngoa.

Hesekiel 39:29

Mengɔfa me nyunu mengɔfea Yisrael awuro ama ko, ofikyɛ mahwie me Sunzum magua bɛ so, AWURADE Nyameɛ noa dwirɛ ɛne.”

Daniel 9:24

“Bahyɛ afoɛ aburasoo sɔ alaa nzoo bafa wɔ maen ne wɔ kuro krongron ne anwo, kyɛ bɛ́ma mmeraatolɛ ne ɔbra ayieleɛ, ná bétu bɔne bo, kyɛ bɛ́yɛ amumuyɛɛ nwo mbata, ná bɛ́ma tenenee afebɔɔ ɔbra ɔ, ná bɛ́ma nyekyire ne ne ngɔmhyɛlɛ ne ɔbra nu, ná bɛ́popa nekaa krongron paa ne ngoo.

Hosea 14:2

Ɛ́mɔpena edwirɛ mɔ bɔ ɛmɔkɔhã ɔ, ná ɛ́mɔsa bɛbra AWURADE berɛ; ɛmɔhã behyire ye kyɛ, “Kyikyi amumuyɛɛ amukoraa; nwu yɛ anwumvoin de yɛ, na yɛkɔfa yɛ noa dwirɛ yɛkɔyɛ nandwie nyii yɛkɔbɔ afɔleɛ yɛkɔma wɔ.”

Hosea 14:4

Ngɔsa bɛ nahorɛ bɔ benni ne anwonyerɛ, ngofia me kunu ngohuro bɛ dwirɛ, ofikyɛ me yaafɛlɛ ne, maye mafi bɛ so.

Sakaria 3:4

Na abɔfo ne sele bɛ bɔ begyigyi ye nyunu berɛ ne kyɛ, “Ɛ́mɔpuropuro ye nwo ndaadeɛ fiɛ ne!” Na afei osele Yosua kyɛ, “Tie, maprapra w’amumuyɛɛ ne mafi wɔ so, na ngɔfa ndaadeɛ nyemenenyemene ngowura wɔ.”

Romanfoɛ 6:14

Nnɛmɔma bɔne di ɛmɔ so hene, ofikyɛ nna mmeraa bo yeɛ ɛmɔwura ɔ, na mmom ɛmɔwura Nyameɛ adom bo.

Romanfoɛ 8:13

Ofikyɛ sɛ ɛmɔbɔ ɛmɔ bra kyɛbɔ anwoɔnaen ne kuro a, ɛmɔkowu. Nakoso sɛ ɛmɔfa Sunzum ne beku anwoɔnaen nnwumaa de a, ɛmɔkonya ngoa.

Deuteronomi 30:3

ye de AWURADE wɔ Nyameɛ kɔye wɔ kofi nnurehyelɛ nu, okonwu wɔ anwumvoin, na maen maen bɔ AWURADE wɔ Nyameɛ wamaa abɔ aya wɔ so ne, okosa kɔboaboa wɔ noa kofi ye mukoraati so.

Deuteronomi 30:6

“AWURADE wɔ Nyameɛ kɔmaa ɛne wɔ bosofoɛ bekotie ye dwirɛ, amaa ɔnate so afa w’ahone mukoraati ne wɔ kra mukoraati ahuro AWURADE wɔ Nyameɛ dwirɛ, ná anya ngoa.

Deuteronomi 32:36

Amba, AWURADE kobua ye mmenia be, okonwu ye ngoaa anwumvoin, mmerɛ bɔ okonwu kyɛ b’anwoserɛ ayie, bɔ ebiala nne berɛ bɔ waha, bɔ ɔte akoaa anaa dehyeɛ ɔ.

Tito 2:14

Ye yeɛ ɔfale ye ngoa tole berɛ mane yɛ ɔ, kyɛbɔ okole yɛ kofi amumuyɛɛ amukoraa nu, ná wate yɛ nwo wafa yɛ wayɛ ye bɔbɔ ye mmenia sonongo bɔ bɛbɔ nnwumaa paa nwo mmɔden ɔ.

Hebrifoɛ 8:12

Ngonwu b’amumuyɛɛ nwo anwumvoin, na mengɔkaye bɛ bɔne ne bɛ mvomsoɛ ko.”

1 Yohane 3:8

Ebiala bɔ ɔyɔ bɔne te abɔnzam sona, ofikyɛ ofi ahyɛaseɛ ne yeɛ abɔnzam yɔ bɔne ɔ. Na ɔnate ɛhe ati yeɛ Nyameɛ Awa ne ɔɔlale ye nwo ali kyɛ ɔbaasɛkye abɔnzam nnwumaa.