Mika 7:18 - AHYERƐLƐ KRONGRON

¹⁸ Nwa yeɛ ɔte Nyameɛ kyɛ wɔ, bɔ ɔfa amumuyɛɛ kyɛ, bɔ obu ye nye gua ye agyapadeɛ ngaa bɛ mmeraatolɛ so ɔ? Ɔmma ye yaafɛlɛ ndena berɛ afebɔɔ, ofikyɛ ye nye gye anwumvoinnwunɛ nwo.

Mika 7:18 Iomraidhean Croise

Gyenesise 4:7

Aso ɛyɔ bɔ ɔte paa a, engonya animnyam? Nakoso anyɔ bɔ ɔte paa ne ati, bɔne tetɛ wɔ w’anoa nu berɛ. Ɔpena kyɛ onya wɔ nwo ate, nakoso odi kyɛ edi ye so”

1 Ahemvo 8:23

Ɔhane kyɛ, “Ao, AWURADE Yisrael Nyameɛ, nyameɛso bɔ ɔwɔ anwuro, anaakyɛ aseɛ ye aso, nyameɛ biala nne berɛ bɔ ɔte kyɛ wɔ ɔ, bɔ odi apam so ná okyire ɔdɔ bɔ onni ngasi ne kyire ye ngoaa bɔ bɛye bɛ kunu fitaa bedi ye dwirɛ so ɔ.

2 Aberɛso Dwirɛ 30:9

Ofikyɛ sɛ ɛmɔsa bɛbadi AWURADE si a, bɛ bɔ bahye ɛmɔ aliɛma ne ɛmɔ mma mɔ nnure ne, bekonwu bɛ anwumvoin bɛkɔyakyi bɛ maa bekosa bɛkɔwa aseɛ ye aso. Ofikyɛ AWURADE ɛmɔ Nyameɛ ne, ɔdo mmenia na ɔse anwumvoin. Sɛ ɛmɔsa bɛba ye berɛ a, ongoli ɛmɔ ngasi.”

2 Aberɛso Dwirɛ 6:21

Sɛ w’akoaa ne wɔ maen Yisrael bɛfa bɛ nye bekyire sua ye bɛbɔ mbaeɛ a, tie bɛ sufrɛ wɔ nyameɛso, nekaa bɔ ɛte ne, ná fa bɛ bɔne kyɛ bɛ.

Nehemia 9:17

Bɛyɛle b’adwene kyɛ bengoli so, na anwanwadeɛ bɔ ɛyɔle mane bɛ ne, bangaye, na mmom bɛyɛle asoserɛ, yeɛ bɛyele sona maa ɔlale bɛ noa kyɛ besa bɛkɔ ngoaasolɛ nu wɔ Misraim. Nakoso ɛte Nyameɛ bɔ ɛfa bɔne kyɛ, ɛdo mmenia, yeɛ ɛse anwumvoin, w’ahone nhu ndɛ, wɔ ɔdɔ bɔ onni ngasi sone, na anye wɔ sa amvi bɛ bo.

Edwein 103:13

Kyɛbɔ seɛ si nwu ye mma anwumvoin ne, sɔ ala yeɛ AWURADE nwu bɛ bɔ besuro ye ɔ anwumvoin ɔ.

Edwein 130:4

Nakoso wɔ de bɔnefakyɛ wɔ wɔ nu, amaa ɔnate so yasuro wɔ.

Edwein 35:10

Me mmowue amukoraa kɔhã kyɛ, “Ao AWURADE, nwa yeɛ ɔte kyɛ wɔ ɔ? Wɔ bɔ ɛpepɛ de sona bɔ ɔyɛ anwumvo fi ebie bɔ ɔkora ye ɔ sa nu ɔ; wɔ bɔ ede sona bɔ ɔyɛ anwumvo ne ehianiɛ fi ebie bɔ osisi ye ɔ sa nu ɔ.”

Edwein 65:3

Sɛ m’amumuyɛɛ bungam fa me so a, wɔ yeɛ ekyikyi m’amumuyɛɛ efi me so ɔ.

Edwein 65:4

Bɛ bɔ ɛneanea nu ɛtwe bɛ bata wɔ nwo, kyɛ bɛɛtena w’abrannaa nu ne, benya saleɛ. W’awuro bɔ yeɛ ole w’asɔneyɛɛ sua krongron ne, nu nningyein paa ne, ɔma yɛ nwo tɔ yɛ.

Edwein 71:19

Ao Nyameɛ, wɔ tenenee kodwu anwuro anwuro. Ao Nyameɛ, wɔ yeɛ ayɛ nnwumaa mbiri mbiri ɔ; nwa yeɛ ɔte kyɛ wɔ ɔ?

Edwein 86:15

Nakoso, ao AWURADE, ɛte Nyameɛ bɔ ɛse anwumvoin ná ɛdo mmenia ɔ; w’ahone nhu ndɛ, na wɔ ɔdɔ bɔ onni ngasi ne wɔ nahorɛlilɛ ne, ɔsone.

Edwein 86:5

Ao AWURADE, ɛte paa, na ɛfa bɔne kyɛ; wɔ ɔdɔ bɔ onni ngasi ne ɔsone ma bɛ bɔ besu bɛfrɛ wɔ ɔ.

Edwein 89:6

Ofikyɛ nwa yeɛ ɔwɔ ewienu bɔ bɛkɔfa ye bɛkɔtoto AWURADE nwo ɔ? Nyameɛsofoɛ mɔ, nwa yeɛ ɔte kyɛ AWURADE ɔ?

Edwein 89:8

Ao AWURADE, Asafo Nyameɛ, nwa yeɛ ole anwoserɛ kyɛ wɔ ɔ, ao AWURADE? Wɔ nahorɛlilɛ apɛ wɔ nwo ayia.

Ɛksadɔso 15:11

O AWURADE, nyameɛ foforɛ nemɔ, bɛ nu nwa yeɛ ɔne wɔ bɛte pɛ ɔ? Nwa yeɛ ye krongronyɛlɛ totohyia te kyɛ wɔ ɔ, bɔ ye nwo yɛ suro wɔ ngonim nu, ná ɔyɛ anwanwadeɛ kyɛ wɔ ɔ?

Ɛksadɔso 34:9

Na ɔhane kyɛ, “O AWURADE, sɛ alo me a, nzaade AWURADE, mesrɛ wɔ, boka yɛ so ɛne yɛ hɔ. Ɔwɔ nu kyɛ mmenia hemɔ bɛ so yɛ se de, nakoso fa yɛ amumuyɛɛ ne yɛ bɔne kyɛ yɛ, ná fa yɛ wura wɔ kunu.”

Yesaya 1:18

AWURADE nwa nyoo: “Ɛmɔbra ma yɛsiesie yɛ afia. Ɔwɔ nu kyɛ ɛmɔ bɔne te kyɛ adaabene de, nakoso bɛkɔyɛ fufue kyɛ nwera, ɔwɔ nu kyɛ bɛboro kyɛ koogyan, nakoso bɛkɔyɛ kyɛ gyese.

Yesaya 33:24

Maen baa biala ngɔhã kyɛ, “Mafokyɛ.” Na bɛ bɔ bɛte maen ne anu ne, bɛkɔfa b’amumuyɛɛ bɛkɔhyɛ bɛ.

Yesaya 38:17

Amba, me yeeyɛlɛ ti yeɛ nwuni amaneɛ piri ɔ. Ɛnate wɔ ɔdɔ so aye me kra afi ewue kumaa nu, ofikyɛ agyi me bɔne amukoraa agua wɔ si dɔ.

Yesaya 40:18

Nwa nwo yeɛ ɛmɔkɔfa Nyameɛ bɛkɔto ɔ, anaakyɛ nzikyɛ sue yeɛ ɛmɔkɔfa bɛkɔtoto ye nwo ɔ?

Yesaya 40:25

Nwa nwo yeɛ ɛmɔkɔfa me bɛkɔtoto ɔ, anaa, nwa yeɛ ɔne me bɛsɛ ɔ? Krongronniɛ ne, ye noa dwirɛ ɛne.

Yesaya 43:25

“Me, me ole bɔ ɔnate me bɔbɔ me ti mekyikyi wɔ mmeraatolɛ ɔ, na mengɔkaye wɔ bɔne.

Yesaya 44:22

Makyikyi wɔ mmeraatolɛ ne mafi berɛ kyɛ munungum kabii, ɔne wɔ bɔne mafi berɛ kyɛ munungum. Sa bra me berɛ, ofikyɛ maapɔ wɔ male wɔ.

Yesaya 55:7

Ohia kyɛ bɔnefoɛ yakyi ye yɔleɛ, yeɛ sona bɔ ɔndengyɛ ne koso, maa ɔsesã ye adwene, maa osa bra AWURADE berɛ, na okonwu ye anwumvoin, maa ɔbra yɛ Nyameɛ berɛ, ofikyɛ ɔkɔfa bɔne ne kɔhyɛ kandinga paa.

Yesaya 57:10

Wɔ yɔleɛ tɛɛ pee ne amaa afɛ, nakoso anga kyɛ, ‘Ɔte mbaen’; na mmom ɛhɔle so nyane nu anwoserɛ, na wɔ nwo anyɛ wɔ bɛtɛɛ.

Yesaya 57:16

Mengɔbɔ kwaadu afebɔɔ, yeɛ m’ahone koso ngohu daa, anyɔ a, sona sunzum ne ye kra bɔ me yeɛ mabɔ ne, bɛkɔyɛ mmerɛ wɔ me nyunu.

Yesaya 62:5

Na kyɛbɔ aberandeɛ gya ababunu ne, sɔ ala yeɛ wɔ mma mmienzua mɔ bekogya wɔ ɔ; yeɛ kyɛbɔ atɔmvorɛ biaa odi ahurusi wɔ atɔmvorɛ braa nwo ne, sɔ ala yeɛ wɔ Nyameɛ koli ahurusi wɔ wɔ nwo ɔ.

Yesaya 64:9

O AWURADE, nnɛfɛ yaa piri, yeɛ nnɛkaye amumuyɛɛ afebɔɔ. Yɛsrɛ wɔ ala, kaye, yɛ mukoraa yɛte wɔ maen.

Yesaya 65:19

Ngoli Yerusalem nwo ahurusi, na me nye kɔhã me maen nwo; bɛngɔte esuɛ wɔ nu ko, ɔne awuyebɔlɛ wɔ nu ko.

Yeremia 3:12

Kɔ sorɔ dɔ, ná kɔbɔ sɔ dwirɛ ne dawure kyɛ, ‘AWURADE nwa nyoo: Sa bra, asoserɛniɛ Yisrael. Mengɔfɛ wɔ so yaa, ofikyɛ mese anwumvoin, yiti mengɔfɛ yaa afebɔɔ, AWURADE noa dwirɛ ɛne.

Yeremia 3:5

ɔkɔfɛ yaa afebɔɔ anaa, ye ahonehulɛ ne, ɔkɔtena berɛ kɔhɔ ayieleɛ?’ Tie, ahã sɔ de, nakoso ayɔ bɔne yɔleɛ kyɛbɔ ɛkɔhora ɔ.”

Yeremia 31:20

Aso Efraim, ɔte mma bɔ ɔla m’ahone nwo ɔ? Aso ɔte baa bɔ me nye gye ye nwo ɔ? Mmerɛ pee bɔ metwi ye nyunu ne, yeɛ mekɔ so mekaye ye ɔ. Yiti me kunu tete me ma ye, amba, ngonwu ye anwumvoin, AWURADE noa dwirɛ ɛne.

Yeremia 31:34

Na ebiala ngohyirehyire obiɛngo ko, yeɛ ebiala ngose oliɛma kyɛ, ‘Nwu AWURADE,’ ofikyɛ ofi bɛ nu kwahweabaa so bɔ ɔkwaadwu bɛ nu titire paa so, bɛ mukoraa bekonwu me, AWURADE noa dwirɛ ɛne. Ofikyɛ ngɔfa b’amumuyɛɛ ngɔhyɛ bɛ, na mengɔkaye bɛ bɔne ko.”

Yeremia 32:41

Amba, ngoli bɛ nwo ahurusi kyɛ ngɔyɛ bɛ paa ɔ, na ngɔfa m’ahone amukoraa ne me kra amukoraa ngolua bɛ maa bɛ bo kotimu wɔ aseɛ he aso.

Yeremia 33:8

B’amumuyɛɛ amukoraa bɔ ɔnate so bayɔ bɔne batia me ne, ngɔte bɛ nwo ngofi ye nwo. Na b’amumuyɛɛ amukoraa bɔ ɔnate so bayɔ bɔne, ná bayɔ mvomsoɛ batia me ne, ngɔfa ngɔhyɛ bɛ.

Yeremia 38:8

Yeɛ Ebede Meleke fili ahemvie berɛ fitele, na oosele ɛhene ne kyɛ,

Yeremia 50:20

Na sɔ ngyẽa ne anu, sɔ mmerɛ ne, bɛkɔpena Yisrael amumuyɛɛ, nakoso bengonya bie; yeɛ bɛkɔpena Yuda ye bɔne, nakoso bengonwu bie, ofikyɛ bɛ bɔ ngɔmaa bɛkɔha wa ne, ngɔfa bɛ bɔne ngɔhyɛ bɛ, AWURADE noa dwirɛ ɛne.

Yeremia 9:24

Na mmom ebiala bɔ ɔhoahoa ye nwo ne, odi kyɛ ɔhoahoa ye nwo kyɛ ole nimdeɛ, ná ɔse me kyɛ me ole AWURADE bɔ mefa ɔdɔ bɔ onni ngasi, ndɛenbualɛ turoloo ne nahorɛlilɛ yeɛ meyɛ me nningyein wɔ aseɛ ye aso ɔ. Na sɔ nningyein nemɔ yeɛ me nye gye bɛ nwo ɔ, AWURADE noa dwirɛ ɛne.”

Hesekiel 18:23

Aso me nye gye bɔnefoɛ ye wue nwo anaa? AWURADE Nyameɛ noa dwirɛ ɛne. Aso me nye ngye kyɛ ɔkɔhwe ye nwo kofi ye yɔleɛ nwo ná okonya ngoa ɔ?

Hesekiel 33:11

Se bɛ kyɛ: Kyɛ nde ase ye, me nye ngye bɔnefoɛ ye wue nwo, na mmom me nye gye kyɛ bɔnefoɛ kɔyakyi ye yɔleɛ, ná okonya ngoa ɔ. AWURADE Nyameɛ noa dwirɛ ɛne. Ɛ́mɔyakyi, ɛ́mɔyakyi ɛmɔ bɔne yɔleɛ ne! O Yisrael awuro ama, nzu ati yeɛ odi kyɛ ɛmɔwuwu ɔ?

Hesekiel 33:16

Ye bɔne bɔ wayɔ ne, mengɔkaye nu biala; wayɔ bɔ ɔte paa ne bɔ ɔtengyɛ ɔ, na amba, okonya ngoa.

Daniel 9:9

O AWURADE yɛ Nyameɛ, yayɛ wɔ nwo lɔen, nakoso wɔ yeɛ ɛse anwumvoin ná ɛfa bɔne kyɛ ɔ.

Hosea 14:2

Ɛ́mɔpena edwirɛ mɔ bɔ ɛmɔkɔhã ɔ, ná ɛ́mɔsa bɛbra AWURADE berɛ; ɛmɔhã behyire ye kyɛ, “Kyikyi amumuyɛɛ amukoraa; nwu yɛ anwumvoin de yɛ, na yɛkɔfa yɛ noa dwirɛ yɛkɔyɛ nandwie nyii yɛkɔbɔ afɔleɛ yɛkɔma wɔ.”

Hosea 14:5

Ngɔyɛ kyɛ bosue ngɔma Yisrael: ɔkɔfefɛ kyɛ sukooko, na okonya ndii kyɛ Lebanon.

Yoel 2:32

Na ɔkɔwa kyɛ ebiala bɔ ɔkɔfa ye nwo kɔto AWURADE dumaa so ne, okonya ye ti kodidi nu, ofikyɛ Sion bokaa so ne Yerusalem yeɛ bɛ bɔ banya bɛ ti badidi nu ne bɛkɔtena ɔ, kyɛbɔ AWURADE ahã ne ala, na bɛ bɔ AWURADE frɛ bɛ ne, bɛkɔboka bɛ bɔ banya bɛ ti badidi nu ne aso.”

Amose 1:11

AWURADE nwa nyoo, “Ɔnate Edom ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ ɔfale ngrandɛ guli oliɛma so. Wanyɛ ye anwumvo, ɔmane ye ahone hɔle so huli, na ɔmane ye yaafɛlɛ piri ne hɔle so afebɔɔ.

Amose 7:8

Na AWURADE bisale me kyɛ, “Amose, bɔ enwu ye e, nzikyɛ ɛne?” Na mmuale kyɛ, “Ɛtengyɛlɛ susulɛ nyamaa.” Yeɛ AWURADE sele kyɛ, “Tie, ngɔfa ɛtengyɛlɛ susulɛ nyamaa ngɔto me maen Yisrael b’afia, mengobu me nye mengogua bɛ bɔne so ko.”

Amose 8:2

Obisale me kyɛ, “Amose, bɔ enwu ye e, nzikyɛ ɛne?” Na mmuale kyɛ, “Borɔdoma bɔ waboro ɔ kɛndɛen ko.” Yeɛ AWURADE sele me kyɛ, “Me maen Yisrael, b’ayieleɛ ato bɛ. Mengobu me nye mengogua bɛ bɔne so ko.”

Yona 4:2

Na ɔbɔle mbaeɛ bisale AWURADE kyɛ, “Ao AWURADE, mesrɛ wɔ, mmerɛ bɔ né nwɔ me maen nu ne, aso nna edwirɛ he yeɛ ngane ɔ? Ye sɔ ti yeɛ nwatili kyɛ ahaa mekɔ Tasise ne, ofikyɛ mese kyɛ ɛte Nyameɛ bɔ ɛdo mmenia ná ɛse anwumvoin ɔ, w’ahone nhu ndɛ, wɔ ɔdɔ bɔ onni ngasi ne ɔte piri, na ɛsesã w’adwene wɔ musue bɔ ɛbaafa ba ɔ nwo.

Mika 2:12

Ao, Yakob, ngɔboa ɛmɔ amukoraa ɛmɔ noa amba, amba, ngɔboa Yisrael ngaa ne bɛ noa; ngɔhã bɛ ngɔbɔ nu kyɛ Bosra mmoaen, kyɛ mmoaen kure bɔ begua bɛ tuin nu ɔ, na bɛkɔyɛ dede pee, ɔnate kyɛ bɛte mmenia bɔ bɛsone ne ati.

Mika 4:7

Na ngɔma mmubuafoɛ nemɔ kɔyɛ mmenia bɔ baha ɔ, yeɛ bɛ bɔ bapɛ bɛ asue ne, ngɔmaa bɛkɔyɛ anwoserɛ maen; na AWURADE koli bɛ so hene wɔ Sion bokaa so kekesaala ye ne afebɔɔ.

Mika 5:3

Yiti ɔkɔyakyi bɛ nu kɔɔpem mmerɛ bɔ braa bɔ wafo aworɛ so ne kɔwo ɔ. Na afei oliɛma ngaa nemɔ, bekosa bɛkɔɔboka Yisrael mma nemɔ aso.

Mika 7:14

Wɔ pɔmaa ne, fa nea wɔ maen so, mmoaen kure bɔ bɛte w’agyapadeɛ, bɔ bɛ ngome bɛte ɛhɔayeɛ ne anu, wɔ Kamɛl so ne; maa bedidi wɔ Basan ne Gileade, kyɛ daa tete ne ala.

Sefania 3:17

AWURADE wɔ Nyameɛ ne ɔte wɔ nu, ɔte katakyie ne defoɛ, ɔkɔfa anigye koli wɔ nwo ahurusi, ɔkɔfa ye ɔdɔ ne kɔyɛ wɔ foforɛ, na ɔkɔfa anigye kɔto wɔ nwo dwein.

Numeri 23:21

Wannwu amumuyɛɛ biala wɔ Yakob nu; yeɛ wannwu amaneɛ dwirɛ biala wɔ Yisrael. AWURADE bɛ Nyameɛ gyi bɛ si, babɔ ye ohomoo wɔ bɛ nu kyɛ b’ɛhene ɛne.

Luka 15:32

Ɔsɛ kyɛ yɛgye yɛ nye ná yɛmaa ɔyɛ yɛ fɛ ɔ, ofikyɛ eliɛma ye, owuli, na watingye; ominini, na manwu ye.’ ”

Luka 24:47

ná bafa ye dumaa so babɔ adwenesakyera ne bɔnefakyɛ nwo dawure wɔ maen maen amukoraa nu, na bɛkɔhyɛ ye bo wɔ Yerusalem.’

Romanfoɛ 11:4

Na Nyameɛ buale ye sɛ? “Mafa mmenia apee nzoo masie bɔ bɛte me deɛ ɔ, bɔ bɛkkoto bɛssɔnene bosoen Baal le ɔ.”

Deuteronomi 33:26

“Yesurun Nyameɛ ne, nyameɛ biala nne berɛ bɔ ɔte kyɛ ye ɔ, ye yeɛ ɔnate ye tumi piri so fa munungum nu, ná ɔfa ewienu baboka wɔ ɔ.

Yakobo 2:13

Ofikyɛ anwumvoinnwunɛ nne ndɛenbualɛ nu mma bɔ wannwu anwumvoin ɔ; na anwumvoinnwunɛ hoahoa ye nwo di ndɛenbualɛ so ngonim.

Maenbulɛfoɛ 10:16

Yiti begyili Amaenmaensofoɛ nyameɛ mɔ bɔ bɛwɔ bɛ berɛ ne beguale, na bɛsole AWURADE. Na Yisrael amaneɛnwunɛ ne yɛle AWURADE ahomete.