Mika 7:17 - AHYERƐLƐ KRONGRON

¹⁷ Bɛkɔtafe nnɛterɛ kyɛ ewoo, kyɛ ngaka bɔ bɛtwe bɛ nwo ase ɔ. Bele anwopopolɛ bekofi b’anwoserɛ afealeɛ mɔ nu bekofite; bɛkɔfa esuronyi bɛkɔwa AWURADE yɛ Nyameɛ berɛ, na ɔnate wɔ ti bekosuro.

Mika 7:17 Iomraidhean Croise

2 Samuel 22:46

Ahunundetelɛ tɔle maen maen so ama so, na bɛfale anwopopolɛ befili b’anwoserɛ afealeɛ mɔ nu befite bɛwale.

2 Aberɛso Dwirɛ 17:10

Maen maen bɔ bapɛ Yuda nwo bayia ne, AWURADE nwo suronyi tɔle b’ahennie amukoraa so, na bamva koɛ bandoa Yehosafate ko.

Edwein 18:45

Ahunundetelɛ tɔle maen maen so ama so, na bɛfale anwopopolɛ befili b’anwoserɛ afealeɛ mɔ nu befite bɛwale.

Edwein 72:11

Maa ahemvo amukoraa bɛkoto wɔ ye nyunu, ná maen maen amukoraa bɛso ye.

Edwein 72:9

Ma bɛ bɔ bɛte ɛserɛ so ne bɛkoto wɔ ye nyunu, ná ma ye pɔfoɛ mɔ beli mvuture.

Edwein 9:20

Ao AWURADE, ma ɛserɛ tɔ bɛ so; ma maen maen benwu kyɛ bɛte adasa mmaa mbaen. Sela

Yesaya 25:3

Yiti maen maen anwoserɛfoɛ bɛkɔhyɛ wɔ animnyam, na maen maen atianuserɛfoɛ, bɛ kuro ne kosuro wɔ.

Yesaya 49:23

Ahemvo mɔ, bɛkɔyɛ wɔ baba mɔ bɔ bɛtete wɔ ɔ, yeɛ bɛ hemmaa mɔ kɔyɛ wɔ maame mɔ bɔ bɛma wɔ nyɔfone ɔ. Bɛkɔfa bɛ nyunu bekobutu ase bekobu ndwerɛ wɔ wɔ nyunu, ná batafe wɔ gya bo mvuture. Na afei ekonwu kyɛ me ole AWURADE, na bɛ bɔ bɛfa bɛ nye bɛto me so ne, bɛ nyunu ngogua ase.”

Yesaya 59:19

Yiti bekosuro AWURADE dumaa bekofi eyia atɔleɛ, yeɛ bekosuro ye animnyam bekofi eyia afiteleɛ, ofikyɛ ɔkɔwa kyɛ asue bɔ ɔsẽ wuruwuru bɔ AWURADE mvrama fa ye kɔ ɔ.

Yesaya 60:14

Na bɛ bɔ bɛhyɛle wɔ so ne, bɛ boso ama kɔwa bɛkɔɔkoto wɔ; yeɛ ebiala bɔ obuli wɔ animtia ne, okoobu ndwerɛ wɔ wɔ gya bo; bɛkɔfrɛ wɔ AWURADE Kuro, Yisrael Krongronniɛ ne, ye Sion.

Yesaya 64:2

Kyɛbɔ see sɔ ndire worowaa nu, ɔne kyɛbɔ see ma nzue hu ne, ma wɔ pɔfoɛ mɔ benwu wɔ dumaa, ná maen maen mɔ bɛ nwo ɔwosowoso bɛ wɔ wɔ nyunu!

Yesaya 65:25

Pataku ne boaen ba bekodidi neka horɛ, gyata koli ndire kyɛ nandwie ala, na nnɛterɛ yeɛ ɔkɔyɛ ewoo aleɛ ɔ. Ebiala ngohũ anaa ongopura ebiala wɔ me bokaa krongron ne amukoraa so, AWURADE noa dwirɛ ɛne.”

Yesaya 7:19

Bɛ mukoraa bɛkɔwa bɛkɔɔtenatena kongonyi nemɔ anu, nyɔbotaen ndokuro nemɔ anu, ndire mmowue mmowue ne nzenzaen amukoraa so.

Yeremia 16:16

“Tie, ngɔsoma maa bɛkɔɔfrɛ mmenia pee bɔ bɛkye nzue nu naen ɔ bɛkɔwa, AWURADE noa dwirɛ ɛne, na bɛkɔɔhye bɛ. Na afei ngɔsoma maa bɛkɔɔfrɛ bɔfoɛ mɔ pee bɛkɔwa, na bɛkɔhyehye mmenia ne wɔ bokaa biala so ne pambaa biala so ne nyɔbotaen nu ndokuro ngumaa nu.

Yeremia 33:9

Na kuro he dumaa kɔyɛ anika, ayɛyelɛ ne animnyam kɔma me wɔ aseɛ ye aso maen amukoraa bɛ nyunu, na bɛkɔte nningyein paa amukoraa bɔ meyɔ mema bɛ ne; bekosuro, ná bɛ nwo kodwiri bɛ, ɔnate nningyein paa amukoraa ne asomdwee amukoraa bɔ ngɔfa ngɔma bɛ ne ati.

Awuye 3:29

Odi kyɛ ɔfa ye noa butu nnɛterɛ nu, ebiaa né anyelasoɛ wɔ berɛ ma ye.

Sakaria 14:5

Ɛmɔkɔnwati bɛkɔhɔ me mmokaa nemɔ bɛ bɔnza ne anu, ofikyɛ mmokaa nemɔ bɔnza ne kɔtrɛ alaa koodwu Asal. Amba, ɛmɔkɔnwati, kyɛbɔ aseɛwosolɛ maa ɛmɔnwatili wɔ Yuda hene Yusia aberɛ so ne. Na afei AWURADE me Nyameɛ kɔwa, bɔ krongronfoɛ amukoraa bɛboka ye so ɔ.

Deuteronomi 32:24

Ɛhɔen kɔmaa bɛkɔfɔ, bɛ nwo kɔyerayera bɛ, na ewue anwonyerɛ kɔbɔ bɛ. Ngɔma ngaka aboyaa kɔɔhye bɛ koli, na ngɔma mvuture nu ewoo bɔ ye noa le borɔ kɔkeka bɛ.

Yosua 9:24

Na bebuale Yosua kyɛ, “Ebie ha hyirele wɔ ngoaa mɔ pefee kyɛ, AWURADE wɔ Nyameɛ hyɛle ye somvoɛ Mose kyɛ ɔ́fa aseɛ ne amukoraa ɔ́ma ɛmɔ, ná ohuhu so mmenia amukoraa ofi ɛmɔ nyunu. Na ɔnate ɛmɔ ti, né yɛsuro paa kyɛ yɛ ngoa kofi yɛ sa ɔ; yiti yeɛ ɔmaa yɛyɔle sɔ ne.

Nyekyire 3:9

Tie, ngɔfa bɛ bɔ befi Satan nyianu sua nu, bɔ bɛnwa bɛte Yudafoɛ, nakoso bɛtte sɔ ne, na mmom bɛpɛ ngondombo ne ngɔma wɔ. Tie, ngɔmaa bɛkɔɔkoto wɔ gya bo, ná banwu kyɛ mekuro wɔ dwirɛ.

1 Samuel 14:11

Yiti bɛ munyɔ bɛmane Filistifoɛ koɛhonɛfoɛ nemɔ nwuni bɛ. Na Filistifoɛ sele kyɛ, “Ɛ́mɔnea, Hebrifoɛ befi ngumaa bɔ baafeafea nu nemɔ anu béfitefite.”