Mika 7:16 - AHYERƐLƐ KRONGRON

¹⁶ Maen maen mɔ konwu ye, na bɛ nyunu kogua ase, b’anwoserɛ amukoraa si ne. Bɛkɔfa bɛ sa bɛkɔto bɛ noa, na bɛ so koti.

Mika 7:16 Iomraidhean Croise

YOB NWOMAA NE 21:5

Ɛ́mɔnea tebea bɔ nwɔ nu ɔ, na ɔkɔyɛ ɛmɔ aworabɔ maa ɛmɔkɔfa ɛmɔ sa bɛkɔsɔ ɛmɔ noa.

YOB NWOMAA NE 40:4

“Nahorɛ nu, nnde huu! Ɔkɔyɛ sɛɛ né manya mmuayɛɛ mama wɔ? Mafa me sa mato me noa.

Edwein 126:2

Ɛserelɛ yili yɛ noa nu to, na anigye dwein yili yɛ temverema so. Na bɛkekane ye wɔ maen maen mɔ nu kyɛ, AWURADE ayɔ nningyein mbiri mbiri wama bɛ.

Anyandera 30:32

Sɛ ayɛ kwaseaa amoma wɔ nwo so, anaakyɛ abɔ porɛ tɛɛ a, ye de fa wɔ sa to wɔ noa.

Yesaya 26:11

O AWURADE, apagya wɔ sa so, nakoso bennwu ye. Maa benwu kyɛbɔ esi kuro wɔ maen dwirɛ ɔ, ná bɛ nyunu ogua ase. See bɔ asiesie ama wɔ pɔfoɛ mɔ ne, maa ɔyera bɛ.

Yesaya 52:15

sɔ ala yeɛ ɔkɔma maen maen mɔ bɛ nwo kodwiri bɛ ɔ; ɔnate ye ti ahemvo mɔ kɔtotɔ mmobo; ɔnate kyɛ, bɔ bɛhhã behhyirele bɛ ne, bekonwu ye; yeɛ bɔ bɛttele ne, bɛkɔte ye bo.

Yesaya 66:18

“Ofikyɛ mese bɛ yɔleɛ ne b’adwene: meba mebaboaboa maen mukoraa ne edwudwolɛ amukoraa noa, na bɛkɔwa bekoonwu m’animnyam ne.

Hesekiel 38:23

Yiti ngɔla me piri ne me krongronyɛlɛ ali. Na ngɔye me nwo ali ngɔma maen maen pee bekonwu me, na afei bekonwu kyɛ me ole AWURADE.

Mika 3:7

Bɛ bɔ bɛse ase ne, bɛ nyunu kogua ase, na ngonyaayelɛfoɛ kɔfɛre; amba, bɛ mukoraa bekomua bɛ noa, ofikyɛ mmuayɛɛ biala mvi Nyameɛ berɛ ɔmma.

Mika 5:8

Na Yakob boso ama ngaa ne, bɛkɔtena amaenmaensofoɛ nu wɔ maen maen pee bɛ nu, kyɛ gyata bɔ ɔwɔ ɛhɔayeɛ nu ngaka mɔ nu ɔ, kyɛ gyata ba bɔ ɔwɔ mmoaen kure mɔ nu ɔ, bɔ sɛ ɔbaasẽ kɔ a, otiatia bɛ so, ná ɔtete bɛ nu pasapasa bɔ ebiala nne berɛ bɔ ɔkɔpepɛ kole bɛ ɔ.

Hagae 2:22

Ngogu ahennie mɔ bɛ bia mɔ bɔkɔɔ; ngɔsɛkye maen maen mɔ b’ahennie anwoserɛ; ngɔhã teaseɛnam mɔ ne teaseɛnamhanɛfoɛ mɔ ngogua; mbɔngɔ ne pɔngɔhanɛfoɛ nemɔ kofifi ase, na ebiala kɔtɔ wɔ obiɛngo ngrandɛ noa.

Sakaria 12:9

Na sɔ kyẽa ne, ngɔfa ngosie me nye so kyɛ ngɔbɔ maen maen amukoraa bɔ bafa koɛ baateta Yerusalem ɔ.

Romanfoɛ 3:19

Afei yɛse kyɛ nikyee biala bɔ mmeraa ne kã ne, ɔkã kyire bɛ bɔ bɛwɔ mmeraa ne abo ɔ. Na ɔnate sɔ ne ati, ebiala ngɔhora ngɔhã ngɔtete ye nwo, na Nyameɛ kobua wiase amukoraa ndɛen.

Nyekyire 11:18

Maen maen mɔ fɛle yaa, na w’ahonehulɛ ne adwɔso, na mmerɛ adwu kyɛ ebua awufoɛ ndɛen, ná ɛma wɔ ngoaa, ngɔmhyɛlɛfoɛ ne anwoteefoɛ ne bɛ bɔ besuro wɔ dumaa, kwahweabaa mɔ ne atitirefoɛ akatuaa ɔ, ɔne kyɛ ɛkɔsɛkye bɛ bɔ bɛsɛkye aseɛ ɔ.”