Mika 7:14 - AHYERƐLƐ KRONGRON

¹⁴ Wɔ pɔmaa ne, fa nea wɔ maen so, mmoaen kure bɔ bɛte w’agyapadeɛ, bɔ bɛ ngome bɛte ɛhɔayeɛ ne anu, wɔ Kamɛl so ne; maa bedidi wɔ Basan ne Gileade, kyɛ daa tete ne ala.

Mika 7:14 Iomraidhean Croise

Edwein 100:3

Ɛ́mɔnwu ye kyɛ AWURADE yeɛ ɔte Nyameɛ ɔ, ye yeɛ ɔbɔle yɛ ɔ, na yɛte ye deɛ; yɛte ye maen ne ye mmoaen bɔ ɔma bɛ aleɛ ɔ.

Edwein 143:5

Mekaye daa tete ne, medwenedwene wɔ nnwumaa amukoraa nwo. Mekayekaye wɔ sa noa nnwumaa.

Edwein 28:9

Ao, pepɛ de wɔ maen, ná yira w’agyapadeɛ; yɛ bɛ so neafoɛ, na nea bɛ so afebɔɔ.

Edwein 95:7

Ofikyɛ ɔte yɛ Nyameɛ, na yɛte ye mmenia bɔ ɔma bɛ aleɛ ɔ, ɔne ye sa nu mmoaen. Ao, sɛ ahaa ɛnɛ ɛmɔkotie ye noa dwirɛ a!

Ɛksadɔso 33:16

Ofikyɛ, ɔkɔyɛ sɛɛ né banwu ye kyɛ alo me ne wɔ mmenia nemɔ? Aso nna ɛhɔlɛ bɔ ɛne yɛ kɔhɔ ne ɔ? Na ɛhe kɔma me ne wɔ mmenia nemɔ yɛkɔyɛ sonongo wɔ aseɛ ye aso mmenia mukoraati nu.”

Edwein Nu Dwein 4:1

Ah, me kurofoɛ, wɔ nwo yɛ nyemene, ah, wɔ nwo yɛ nyemene! Wɔ nye mmaa bɔ owura wɔ ngatanyunu nu ne, ɔte kyɛ abubure nye! Wɔ ti nwiaa te kyɛ mbɔngye kure bɔ bɛtorotoro Gileade bokaa ɔ.

Yesaya 27:13

Sɔ kyẽa ne, bekohu totorobɛndo pirikua ne, na bɛ bɔ beminini bɛhɔle Asiria aseɛ so, bɛ ne bɛ bɔ bɛsesale bɛ bɛhɔle Misraim aseɛ so ne, bɛkɔwa bɛkɔɔsɔne AWURADE wɔ bokaa krongron ne aso, wɔ Yerusalem.

Yesaya 35:2

Ɔkɔbɔ nyerɛen pee, na ɔkɔfa anika kɔto dwein koli ahurusi. Bɛkɔfa Lebanon animnyam ne bɛkɔma ye, Kamɛl ne Saron nyemene ne, bɛ yeɛ bekonwu AWURADE animnyam ne, yɛ Nyameɛ tumi ne ɔ.

Yesaya 37:24

Ɛnate wɔ somvoɛ mɔ so agoro AWURADE nwo, na ahã kyɛ, Mafa me teaseɛnam pee nemɔ mafo mahɔ mmokaa nemɔ bɛ ti afia, mahɔ Lebanon ɛhɔayeɛ ne anu dɔ paa. Ye sida ndendenn paa nemɔ, ɔne ye ɛframmire nyemenenyemene nemɔ, mabubu bɛ magua. Mahɔ bokaa ne ti afia dɔ paa, ɔne ye ɛhɔayeɛ too ne anu.

Yesaya 40:11

Ɔkɔma ye mmoaen nemɔ aleɛ kyɛ mmoaenneafoɛ, ɔkɔfa ye sa kɔboaboa ye mmoaen mmaa nemɔ noa, ɔkɔfa bɛ kɔbɔ ye hue so, na okoli mmoaen mmrataen nemɔ anyunu ngaka ngaka.

Yesaya 49:10

Ɛhɔen anaa nzuhɔen ngohũ bɛ, mvrama hyerɛhyerɛ ne eyia ngɔbɔ bɛ, ofikyɛ, bɔ onwu bɛ anwumvoin ne, ɔkɔyɛ bɛ taataa, na mbombonzue nwo yeɛ okoli bɛ nyunu kɔfa bɛ kɔhɔ ɔ.

Yesaya 65:10

Saron kɔyɛ mmoaen kure mɔ bɛ nekaa bɔ bedidi ɔ, yeɛ Akɔre bɔnza kɔyɛ nekaa bɔ nandwie mɔ bɛkɔla bekole bɛ nwome ɔ, na sɔ nekaa nemɔ, bɛkɔyɛ me maen bɔ bapena me si atee ne bɛ deɛ.

Yeremia 49:31

“Ɛ́mɔdwɔso, ɛ́mɔfa koɛ bɛɛtoa maen bɔ ye nwo atɔ ye, bɔ ɔte asomdwee nu, bɔ olle pambim mɔ anaa buralɛ bɔ ɔbeabea pambim mɔ si, maen bɔ ye ngome yeɛ ɔte berɛ ne, AWURADE noa dwirɛ ɛne.

Awuye 1:7

Na Yerusalem ye anwokyere ne aworabɔlɛ mmerɛ nu, ɔkayele ye nningyein nyemene amukoraa, bɔ mmerɛ bie né ole ye ne. Mmerɛ bɔ ye mmenia beelili pɔfoɛ ne sa nu, bɔ wannya ebiala maa wammoka ye ne, bɛ bɔ bekyi ye nemɔ benwuni ye, na bɛgorole ye nwo, ɔnate ye asefinɛ ne ati.

Awuye 5:21

Ao AWURADE, ma yɛ nye osa kakyi ɔbra wɔ berɛ, na yɛkosa yɛkɔwa. Maa yɛsa yɛpe yɛ daa nu.

Hesekiel 36:11

Ngɔma mmenia ne ngaka bɛkɔta pee wɔ ɛmɔ so; bɛkɔwowo bɛkɔsone pee. Ngɔmaa mmenia kɔtenatena ɛmɔ so kyɛ daa ne ala, na ngɔlo ɛmɔ ngɔtra bɔ nyɛle ɛmɔ daa ne, na afei ɛmɔkonwu kyɛ me ole AWURADE.

Lewitikɔso 27:32

Nandwie kure ne mmoaen kure nemɔ buru nu ngyɛmuɛ ko ne, sɛ mmoaenneafoɛ ne bukye bɛ na bɛbaase bɛfa ye pɔmaa ne abo a, bɛ nu biala bɔ ɔtɔ so buru ne, bɛkɔyɛ krongron bɛkɔma AWURADE.

Amose 9:11

“Sɔ kyẽa ne, Dawide ɛtena sua bɔ watɔ ase ne, ngɔpagya ngosie berɛ, na ngɔpomba ye nekaa bɔ wasunzua nemɔ; ngɔpagya bɔ wabubu wagua ase ne ngogyina berɛ, ná masa masi ye kyɛbɔ né ɔte daa tete ne ala;

Obadia 1:19

Ngwaen dɔ ama kɔfa Yisɔ bokaa ne bɛkɔyɛ bɛ deɛ, na aseɛ pralaa ne aso ama kɔfa Filistifoɛ aseɛ bɛkɔyɛ bɛ deɛ; bɛkɔfa Efraim aseɛ ne Samaria aseɛ bɛkɔyɛ bɛ deɛ, na Benyamin kɔfa Gileade kɔyɛ ye deɛ.

Mika 5:4

Na ɔkɔfa AWURADE anwoserɛ kogyina berɛ kɔma ye mmoaen kure aleɛ, wɔ AWURADE ye Nyameɛ animnyam ahennie dumaa nu. Bɛ bo kotimu, ofikyɛ afei ɔkɔyɛ titire koodwu aseɛ so nekaa biala.

Sefania 3:13

Na mmenia bɔ bɛkɔha wɔ Yisrael ne, bɛngɔyɔ amumuyɛɛ biala, bɛngɔhã ngondombo dwirɛ biala, yeɛ nnakannaka dwirɛ biala ngofi bɛ noa; ofikyɛ bɛ de, bekoodidi ná balela berɛ, bɔ ebiala ngonwunanwuna bɛ ɔ.”

Sakaria 10:10

Ngosa ngɔye bɛ ngofi Misraim aseɛ so ngɔwa, yeɛ ngɔboaboa bɛ noa ngofi Asiria; na ngɔfa bɛ ngɔwa Gileade ne Lebanon aseɛ so, na berɛ aseɛ po, ɔkɔyɛ kãa kɔma bɛ.

Sakaria 11:7

Na ngɔyɛ akumyɛɛ mmoaen kure ne aso neafoɛ, nganga, bɛ bɔ bɛyɛ anwumvo wɔ mmoaen kure ne anu ne. Mvale pɔmaa nyɔ. Ndole ko dumaa: Ɛlolɛ, yeɛ ko ne wora ndole ye dumaa: Koyɛlɛ, na nneane mmoaen kure ne aso.

Malaki 3:4

Na afei, Yuda ne Yerusalem b’afɔleɛ kɔsɔ AWURADE nye kyɛ daa tete mmerɛ afoɛ mɔ bɔ bapɛ nu bahɔ deɛ ne ala.

Numeri 23:9

Ngyi nyɔbotaen nemɔ ti afia yeɛ menwu bɛ ɔ: Ngyi mmokaa nemɔ aso yeɛ me nye tua bɛ ɔ. Ɛhemɔ te mmenia bɔ bɛ ngome bɛte ɔ, na bɛnga bɛ nwo bɛmvora maen maen ngaa nemɔ!

Numeri 32:1

Né Ruben boso ama mɔ ne Gade boso ama mɔ bele nyɛmmoa pee paa. Mmerɛ bɔ Gadefoɛ ne Rubenfoɛ nwuni kyɛ Yasere aseɛ ɔne Gileade aseɛ te paa ma ngaka sielɛ ne,

Numeri 32:4

AWURADE lili sɔ aseɛ nemɔ aso ngonim wɔ Yisraelfoɛ nyunu. Ɔte aseɛ paa ma nyɛmmoa, na wɔ ngoaa koso yɛle nyɛmmoa.”

Mateo 2:6

‘Wɔ, Betlehem bɔ ɛwɔ Yuda aseɛ so ɔ, wɔ dibea wɔ Yuda atitirefoɛ nu ɔtte ba; ɔnate kyɛ wɔ nu yeɛ maenbulɛniɛ bɔ ɔbaanea me maen Yisrael so ne okofi kɔwa ɔ.’ ”

Yohane 17:16

Nna wiase yeɛ befi ɔ, kyɛbɔ me koso mmvi wiase ne.

Deuteronomi 33:28

Yiti Yisrael te asomdwee nu, nikye fee nha Yakob atenaleɛ, bɔ ɔwɔ aburoo ne nzaa aseɛ so ne, nekaa bɔ anwuro tɔ bosue gua ase ɔ.