Mika 7:13 - AHYERƐLƐ KRONGRON

¹³ Nakoso aseɛ ne kɔkakyi kurofoen, ɔnate so ama nemɔ ati, ɔnate bɛ yɔleɛ ti.

Mika 7:13 Iomraidhean Croise

YOB NWOMAA NE 4:8

Bɔ mese ole kyɛ, bɛ bɔ betutu amumuyɛɛ bɛtɛ, ná bedua amaneɛ ne, bɔ batɛ ne bɔ balua ne ala yeɛ bɛtete ɔ.

Anyandera 1:31

Yiti, bɛ yɔleɛ nwo akatuaa yeɛ bɛ sa kɔhã ye ɔ, na bɛ porɛ bɔ bɛbɔ ne, ɔkɔbɔ bɛ bɔbɔ bɛ ti so.

Anyandera 31:31

Adwuma bɔ wayɔ ne, ɛ́mɔbɔ ye aba so, bɔ wayɔ ne, ɛ́mɔma onya ye nwo animnyam wɔ badwa nu.

Anyandera 5:22

Bɔnefoɛ ye bɔbɔ ye amumuyɛɛ yeɛ osua ye ngaen kye ye ɔ, na ye bɔne nyamaa yeɛ ɔkyekye ye ɔ.

Yesaya 17:9

Sɔ kyẽa ne, ye nguro bɔ bɛ nwo yɛ se nemɔ, bɛkɔyɛ kyɛ Hiwifoɛ ne Amorifoɛ nguro bɔ ɔnate Yisraelfoɛ ti bɛnwati bɛyakyili bɛ berɛ ne. Bɛkɔkakyi kurofoen.

Yeremia 17:10

Me AWURADE, me yeɛ mepɛnzɛpɛnzɛ adwene nu, ná meso ahone menea ɔ, kyɛ metua ebiala so kerɛ kyɛbɔ ye atee si te ɔ, ɔne kyɛbɔ ye yɔleɛ si te ɔ.

Yeremia 21:14

Nakoso ngɔhwe ɛmɔ so kyɛbɔ ɛmɔ yɔleɛ te ɔ, AWURADE noa dwirɛ ɛne. Ngɔto ye ɛhɔayeɛ ne anu see, na ɔkɔyera nikyee biala bɔ wapɛ ye nwo wayia ɔ.”

Yeremia 25:11

Aseɛ ne amukoraa kɔkakyi kurofoen ne anwodwiri nikye, na maen maen hemɔ, bɛkɔso Babilɔn hene afoɛ aburasoo.

Yeremia 32:19

Wɔ bɔ wɔ nworɛ te totohyia, ná wɔ nnwumaa yɛ nwanwa ɔ; wɔ nye tua adasa b’atee amukoraa, kyɛ ɛkɔma ebiala ye atee bɔ ɔnate so ɔ ɔne ye yɔleɛ nwo akatuaa;

Hesekiel 12:19

ná se aseɛ ne aso ama kyɛ, ‘Yerusalemfoɛ bɔ bɛwɔ Yisrael aseɛ so ne, bɔ AWURADE Nyameɛ kã fa bɛ nwo ɛhe: Bɛkɔfa ahunundetelɛ bekoli b’aleɛ, ná bafa aworabɔlɛ bano bɛ nzue, ofikyɛ bɔ ɔwɔ b’aseɛ ne aso amukoraa kofi so, ɔnate so ama amukoraa b’amumuyɛɛ ne ati.

Hesekiel 33:28

Ngɔkakyi aseɛ ne kurofoen, na ɔkɔla berɛ mbaen, na ye anwomasoɛ anwoserɛ ne, ye bo kɔpɛ; yeɛ Yisrael mmokaa nemɔ kɔla berɛ mbaen bɔ ebiala ngɔfa so ɔ.

Mika 3:12

Yiti ɔnate ɛmɔ ti, bekofundam Sion kyɛ eboo; Yerusalem kɔkakyi esire sire, na bokaa bɔ awuro ne gyi so ne, ɔkɔkakyi ɛhɔayeɛ nu asɔneyɛɛ.

Mika 3:4

Afei bekosu bɛkɔfrɛ AWURADE, nakoso ɔngɔtɛ bɛ so. Sɔ mmerɛ ne, ɔkɔye ye nye kɔfea bɛ, ofikyɛ bɛ yɔleɛ te bɔne.

Mika 5:3

Yiti ɔkɔyakyi bɛ nu kɔɔpem mmerɛ bɔ braa bɔ wafo aworɛ so ne kɔwo ɔ. Na afei oliɛma ngaa nemɔ, bekosa bɛkɔɔboka Yisrael mma nemɔ aso.

Mika 6:13

Yiti ngɔbɔ wɔ maa ɛkɔbɔ anwonyerɛ, wɔ bɔne ti ngɔmaa ɛkɔyɛ pasapasa.