Mika 7:10 - AHYERƐLƐ KRONGRON

¹⁰ Afei, me pɔfoɛ ne konwu ye, na animguaseɛ kɔhã ye, ye bɔ obisa me kyɛ, “AWURADE wɔ Nyameɛ ne, ɔwɔ ni?” ne. Ngɔfa me nye ngɔnea ye, na afei bekotiatia ye so kyɛ dwaaso asaa.

Mika 7:10 Iomraidhean Croise

2 Samuel 22:43

Ndini bɛ muhumuhu kyɛ aseɛnwo mvuture, na ndiatiale bɛ so nwɔle bɛ kyɛ dwaaso nnɛterɛ.

Edwein 109:29

Ma me pɔfoɛ mɔ bɛfa nyanzoen bɛhera, ma bɛ bɔbɔ b’animguaseɛ owura bɛ kyɛ ataadeɛ.

Edwein 115:2

Nzu ati yeɛ odi kyɛ maen maen bɛkã kyɛ, “Bɛ Nyameɛ ne, ɔwɔ nisua?” ɔ.

Edwein 18:42

Ndini bɛ muhumuhu kyɛ mvuture bɔ mvrama hu ye kɔ ɔ, na mvindini bɛ nguale kyɛ dwaaso nnɛterɛ.

Edwein 35:26

Bɛ bɔ bedi ahurusi wɔ m’anwokyere mmerɛ nu ne, ma bɛ mukoraa bɛ nyunu ogua ase, ná bɛfɛre; bɛ bɔ bɛmoma bɛ bati so bekyire me ne, maa bɛfa animguaseɛ ne nyanzoen bɛhera.

Edwein 42:10

Me pɔfoɛ mɔ b’anyinga bɔ bɛkã me ne, ɔte kyɛ kena wɔ me wereɛ nu, na daa bebisa me kyɛ, “Wɔ Nyameɛ ne, ɔwɔ nisua?”

Edwein 42:3

Me nye moen yeɛ wakakyi m’aleɛ eyia ne kɔngɔen ɔ; daa biala mmenia bisa me kyɛ, “Wɔ Nyameɛ ne, ɔwɔ nisua?”

Edwein 58:10

Teneneeniɛ nwu kyɛ batɔ bɔnefoɛ so wereɛ a, ye nye gye; okonwunzi ye gya bo wɔ bɔnefoɛ mogya nu.

Edwein 79:10

Nzu ati yeɛ odi kyɛ maen maen mɔ bebisa kyɛ, “Bɛ Nyameɛ ne, ɔwɔ nisua” ɔ? Wɔ somvoɛ mɔ bɛ mogya so wereɛtɔlɛ ne, ma maen maen mɔ benwu ye bɔ yɛ koso yɛ nye tua ɔ.

Edwein 92:12

Teneneefoɛ befifi kama kyɛ ayee, na benyi kyɛ sida bɔ ɔwɔ Lebanon ɔ.

Yesaya 26:11

O AWURADE, apagya wɔ sa so, nakoso bennwu ye. Maa benwu kyɛbɔ esi kuro wɔ maen dwirɛ ɔ, ná bɛ nyunu ogua ase. See bɔ asiesie ama wɔ pɔfoɛ mɔ ne, maa ɔyera bɛ.

Yesaya 41:25

Makanyane ebie mafi sorɔ dɔ maa wawa, okofi eyia afiteleɛ dɔ ɔkɔye me dumaa ayɛ. Okoti ahemvo mɔ kyɛ oti nnɛterɛ ɔ, kyɛbɔ ngukuenwonɛniɛ dɔne ɛfaa ɔ.

Yeremia 49:15

Ofikyɛ tie, ngɔmaa ɛkɔyɛ kãa wɔ maen maen mɔ nu bɔ bebu wɔ animtia wɔ mmenia nu ɔ.

Yeremia 51:24

“Na ngotua Babilɔn ne Kaldeafoɛ amukoraa bɛ so kerɛ, ɔnate b’amumuyɛɛ amukoraa bɔ bayɔ ye wɔ Sion bɔ ɛmɔ nye tua ne ati, AWURADE noa dwirɛ ɛne.

Yeremia 51:51

‘Yɛ nyunu agua ase, ofikyɛ yate nzoaa pepɛlɛ, animguaseɛ abia yɛ, ofikyɛ ɛwɔfoɛ mɔ bawa AWURADE awuro berɛ nekaa krongron nemɔ anu.’

Hesekiel 7:18

Bɛkɔhera ɛsɛen tena, na ahunundetelɛ kɔtɔ bɛ so. Bɛ mukoraa bɛ nyunu kogua ase, na bɛ mukoraa bɛ ti so kɔpa.

Daniel 3:15

Afei de, sɛ ɛmɔaboaboa ɛmɔ nwo kyɛ sɛ ɛmɔte awɛen, dodobɛen, sangoo, bɛnda, atɛndɛbɛn, kyenneɛ ne sangoo ahoroɔ nga a, ɛmɔkobutu berɛ bɛkɔsɔne amoen bɔ magyina ne a, ye de ɛmɔ nwo sonn. Nakoso sɛ ɛmɔanzɔne ye de a, ye de bekofindi ɛmɔ bekogua see bɔ ogye wuronyiwuronyi wɔ foonoo nu ne anu; na nyameɛ beni yeɛ ɔkɔhora kɔpepɛ kole ɛmɔ kofi me sa nu ɔ?”

Yoel 2:17

Asɔfo nemɔ, bɔ bɛ yeɛ bɛte AWURADE somvoɛ mɔ ne, odi kyɛ besu wɔ abrannaa ne, ɔne afɔleɛ bokyea ne b’afia, ná bɛkã kyɛ, “Ao AWURADE, nwu wɔ maen anwumvoin, nnɛma w’agyapadeɛ yɛ nikyee bɔ bebu ye animtia, maen maen mɔ noa nu ngorohoɛ dwirɛ. Nzu ati yeɛ bɛkekã ye wɔ maen maen mɔ nu kyɛ, ‘Bɛ Nyameɛ ne, ɔwɔ nisua?’ ɔ.”

Obadia 1:10

Ɔnate atianuserɛ bɔ ɛbɔle eliɛma Yakob ne ati, animguaseɛ kobia wɔ, na wɔ boso konua afebɔɔ.

Obadia 1:12

Nakoso ahaa onni kyɛ wɔ nye gye wɔ eliɛma n’amaneɛnwunɛ kyẽa ne anwo, yeɛ ahaa onni kyɛ edi ahurusi wɔ Yuda mma bɔ né bekũkũ bɛ ne anwo. Afei ahaa onni kyɛ ɛkekã anwomasoɛ dwirɛ, wɔ b’aworabɔlɛ kyẽa ne anwo.

Mika 4:11

Na afei koso, maen maen pee baboa bɛ noa badwɔso batia wɔ. Bɛnwa, “Yɛpena kyɛ ye nwo gua fiɛ, ná yɛbɔ yɛ nye afɔleɛ wɔ Sion amaneɛnwunɛ ne anwo.”

Mika 7:8

Wɔ, me pɔfoɛ, nnɛdi me nwo ahurusi; sɛ mefi ase a, ngodwɔso, sɛ nde awosii nu a, AWURADE yeɛ ɔkɔyɛ me kanea ɔ.

Sefania 3:15

AWURADE aye ndɛenbualɛ ne wafi wɔ so, wapia wɔ pɔfoɛ mɔ wagua dɔ. AWURADE, Yisrael hene ne, ɔte wɔ nu, engosuro amaneɛ biala ko.

Sakaria 10:5

Na bɛkɔyɛ kyɛ katakyie mɔ bɔ betiatia bɛ pɔfoɛ mɔ so wɔ mmorɔnoɛ so nnɛterɛ nu wɔ koɛ nu ɔ. Bɛkɔho koɛ, ofikyɛ AWURADE gyi bɛ si, na pɔngɔhanɛfoɛ bɔ bɛtete pɔngɔ so ɔ bɛ nyunu kogua ase.

Malaki 1:5

Ɛmɔ nye konwu ye, na ɛmɔkose kyɛ, “AWURADE ye piri ne, ɔtrɛ kɔ Yisrael wɛen ne asi dɔ!”

Malaki 4:3

Na ɛmɔkotiatia bɔnefoɛ mɔ so; ofikyɛ kyẽa bɔ ngɔyɔ sɔ ne, bɛkɔyɛ nzoen wɔ ɛmɔ gya bo, Asafo AWURADE noa dwirɛ ɛne.

Mateo 27:43

Ɔfale ye nwo tole Nyameɛ so; sɛ okuro ye dwirɛ a, maa ɔpepɛ ole ye e; ofikyɛ ɔhane kyɛ, ‘Me ole Nyameɛ Awa ne!’ ”

Yosua 7:9

Kanaanfoɛ ne aseɛ ye asofoɛ mukoraati bɛkɔte sɔ dwirɛ ye, bɛkɔpɛ yɛ nwo bekoyia, na bɛkɔma yɛ boso konua. Nzikyɛ yeɛ ɛkɔyɔ kɔfa wɔ dumaa bɔ odi mu ne anwo ɔ?

Nyekyire 18:20

O, nyameɛso ne anwoteefoɛ ne asomafoɛ ne ngɔmhyɛlɛfoɛ, ɛ́mɔli ye nwo ahurusi, ofikyɛ Nyameɛ atɔ ye so wereɛ wama ɛmɔ!”