Mika 7:1 - AHYERƐLƐ KRONGRON

¹ Edwirɛ ato me oo! Ofikyɛ mayɛ kyɛ ebie bɔ bate borɔdoma bayie, bɔ bate bobe si ne bayie, bɔ bennya ye mma biribiraa ne bie benni ɔ. Borɔdoma mma bɔ wali moa wasu, bɔ me komvi wɔ so ne, ebie nne berɛ.

Mika 7:1 Iomraidhean Croise

Edwein 120:5

Edwirɛ ato me oo, kyɛ nde amanvraniɛ wɔ Meseke, kyɛ nde Kedare ɛtena sua nemɔ anu ɔ!

Anyandera 20:6

Mmeni pee nwa bɛ bɔbɔ bɛte paa, nakoso sona bɔ odi nahorɛ de, nwa yeɛ okonwu bie ɔ?

Yesaya 17:6

Nakoso ɛte bobe a ebie ka nu, kyɛbɔ bɛwoso olive bakaa a ebie ka so ne, mmaa nyɔ anaa nza ka bakaa mmaen frɔmfrɔm ne aso anwuro, bɔ nna anaa nnu ka ye mmaen bɔ wasu dɔsɔɔ ne aso ɔ, AWURADE Yisrael Nyameɛ noa dwirɛ ɛne.

Yesaya 24:13

Sɔ ala yeɛ okosi aseɛ so wɔ maen maen mɔ nu ɔ. Ɔkɔyɛ kyɛ olive bakaa bɔ baporo ye mma bagua ɔ, anaakyɛ bobe bɔ bate ye mma maa waha ye si kãa bie ɔ.

Yesaya 24:16

Yɛte ayɛyelɛ dwein yɛfi aseɛ so nekaa biala kyɛ, Animnyam hã Teneneeniɛ ne. Nakoso ngane kyɛ, “Mawu oo, mawu oo, edwirɛ ato me oo! Nnakannakafoɛ begu so bɛlakalaka, nnakannakafoɛ bɛ nnakalɛ ne wayɛ piri.”

Yesaya 28:4

bɛ ne ye nyerɛen nyemenenyemene bɔ ye nyemene gu so okyikyi, bɔ ɔwɔ bɔnza bɔ ɔkye aleɛ ne ti afia ne. Bɛkɔyɛ kyɛ borɔdoma mmaa bɔ bekoli moa bɛkɔboro koraka né borɔdoma telɛ adwu ɔ. Sona biala bɔ okonwu ye ne, ɔte ala a né wali.

Yesaya 6:5

Na ngane kyɛ, “Edwirɛ ato me oo! Mawu oo! Ofikyɛ nde sona bɔ me noa kekã amumuyɛɛ dwirɛ, yeɛ nde maen bɔ nu ama kekã amumuyɛɛ dwirɛ ɔ nu; ɔnate kyɛ me nye anwu Ɛhene ne, bɔ ye ole Asafo AWURADE!”

Yeremia 15:10

Mooni ee! Edwirɛ ato me oo, kyɛ ɛwole me, kyɛ sona bɔ aseɛ ye aso ama amukoraa bɛ ne me di apereapereɛ, ná bɛko betia me ɔ! Mmmɔle ebie bosea nnnele nzihoɛ, yeɛ nnnele ebie bosea nnduale nzihoɛ, nakoso bɛ mukoraa bɛnoma me.

Yeremia 24:2

Né borɔdoma paa paa bɔ ɔte kyɛ borɔdoma bɔ bali moa bate ɔ wɔ kɛndɛen ko anu; nakoso kɛndɛen ko ne de, borɔdoma bɔ ɔtte mayee koraa bɔ bedi a ɔnyɛ yé yeɛ ɔwɔ nu ɔ.

Yeremia 4:31

Ofikyɛ mate esuɛ bie bɔ ɔte kyɛ brasua bɔ wafo aworɛ so ɔ deɛ, ɔne ɛpenenɛ bɔ ɔte kyɛ brasua bɔ ɔwo ye bamuɛbaa ɔ, ye deɛ. Sion awa brasua ɔtee so, bɔ watrɛtrɛ ye sa nu ɔbɔ awuye kyɛ, “Edwirɛ ato me oo! Ɔnate awudifoɛ ti, me kra aboto!”

Yeremia 45:3

Ɛnwa, ‘Edwirɛ ato me oo! Ofikyɛ AWURADE wafa aworabɔlɛ waboka me yealɛ so; mapene mafɛ, na mennya me nwome menne.’

Yeremia 5:1

Ɛ́mɔtu amirika beli Yerusalem mmorɔnoɛ so akɔneaba, ɛ́mɔtoto bɛ nye bɛ́nea nningyein yé! Ɛ́mɔneanea ye dwaa nemɔ aso bɛ́nea, sɛ ɛmɔkonwu sona ko po bɔ ɔyɔ bɔ ɔtengyɛ ɔ, bɔ ɔpena nahorɛ si atee ɔ, amaa ɔnate so mafa Yerusalem bɔne mahyɛ ye.

Hosea 9:10

Nwuni Yisrael kyɛ ɛserɛ so bobe mma. Nwuni ɛmɔ nana mɔ kyɛ bobe mma bɔ wali moa wasu wɔ ye sulɛ mmerɛ bɔ oli moa nu ɔ. Nakoso bedwuli Baal Peɔ nen, beguale bɛ nwo fiɛ bɛbɔle nyanzoen bra, na bɛ bɔbɔ bɛkakyili akyiwadeɛ te kyɛ nningyein bɔ né bekuro ne ala.

Numeri 18:13

Fieso aleɛ amukoraa bɔ bekoli moa bɛkɔfa wɔ b’aseɛ ne aso, bɔ bɛfa bɛbrɛ AWURADE ne, ɔte wɔ deɛ. Ebiala bɔ ye nwo te wɔ w’awuro berɛ ne ɔkora odi bie.