Mika 6:7 - AHYERƐLƐ KRONGRON

⁷ Aso AWURADE nye kɔgye mmoaen nyii apee apee nwo, anaakyɛ ngoo asue apee buru apee buru nwo? Aso mva me bamuɛbaa ndua me mmeraatolɛ nwo kerɛ, anaakyɛ mva me bɔbɔ me kunu ba ndua me kra bɔne nwo kerɛ anaa?

Mika 6:7 Iomraidhean Croise

2 Ahemvo 16:3

Mmom ɔyɔle bɔ Yisrael ahemvo mɔ bɛyɔle ne bie. Maen maen bɔ AWURADE foane bɛ fili Yisraelfoɛ nyunu ne, musue nningyein bɔ né bɛyɔ ne, ye koso ɔyɔle bie. Ɔfale ɔwa bienzua po bɔle afɔleɛ wɔ see nu kyɛbɔ né maen maen nemɔ bɛyɔ ne ala.

2 Ahemvo 21:6

Ɔfale ɔwa bienzua bɔle afɔleɛ wɔ see nu. Ɔhɔle abisa, ɔyele ngonyaa, na ɔfale ye nwo bɔle nzamangɔmhyɛlɛfoɛ ne abayifoɛ. Ɔyɔle bɔ ɔte bɔne pee wɔ AWURADE nyunu fa huli AWURADE ahone.

2 Ahemvo 23:10

Yosia fale efiɛ hane Tofete bɔ ɔwɔ Ben Hinom bɔnza ne anu ne, amaa ɔnate so ebiala wamva ɔwa bienzua anaa ɔwa brasua wammɔ afɔleɛ wɔ see nu wamma bosoen Moleke ko.

2 Ahemvo 3:27

Yiti Moabo hene hyele ye bamuɛbaa bienzua bɔ kyẽa bie okoli ye bia ɔ, na ɔfale ye bɔle naen yeralɛ afɔleɛ wɔ fasue ne aso. Na ɛyaafɛlɛ piri wale Yisrael so. Yiti bandoa koɛ ne aso ko, na besale bɛ si bɛhɔle bɛ bɔbɔ bɛ maen nu.

YOB NWOMAA NE 29:6

mmerɛ bɔ né m’anwonya wabu me so tam ne, bɔ né olive ngoo pu fi nyɔbotaen nu kyɛ asue ma me ne.

Edwein 50:9

W’awuro nandwie nyii, yeɛ wɔ tuin nu mbɔngye ne, menhia.

Edwein 51:16

Ofikyɛ nna afɔleɛ yeɛ wɔ nye gye ye nwo ɔ. Sɛ mebɔ naen yeralɛ afɔleɛ a, wɔ nye ngɔgye ye nwo.

Edwein 51:18

Maa ɔyɛ wɔ anigye kyɛ ɛkɔma Sion konya ngɔsoɛ ɔ; si Yerusalem fasue nemɔ.

Anyandera 15:8

Bɔnefoɛ afɔleɛ te AWURADE akyiwadeɛ, nakoso teneneefoɛ mbaeɛ de, ɔte ye nikyee bɔ ye nye gye ye nwo ɔ.

Anyandera 21:3

Tenenee bra ne pɛpɛɛpɛyɛlɛ, ɔsɔ AWURADE nye tra afɔleɛbɔlɛ.

Yesaya 1:1

Nyekyire he yeɛ Amoso awa Yesaya onwuni ye fale Yuda ne Yerusalem nwo wɔ Yuda ahemvo Yusia, Yotam, Ahase ne Hesekia b’aberɛ so ɔ.

Yesaya 40:16

Lebanon mmakaa ngɔso afɔleɛ see sɔ, yeɛ nu ngaka koso ngɔso naen yeralɛ afɔleɛ bɔ.

Yeremia 19:5

Basisi Baal asɔneyɛɛ mɔ koso, kyɛ bɛyera bɛ mma mɔ wɔ see nu bɛfa bɛbɔ naen yeralɛ afɔleɛ bɛma Baal. Ɛhe te nikyee bɔ nna me yeɛ nhyɛle bɛ kyɛ bɛyɔ ɔ, nngane, yeɛ ɔwwale m’adwene nu po.

Yeremia 6:20

Ɛyɛɛ bɔ bɛ ne ye fi Hyeba bɛba, yeɛ ayirefona bɔ bɛ ne ye fi dedeede maen bie aso bɛba ne, aso bɛ nwo le mvasoɛ ma me? Me nye ngye ɛmɔ ɛyeralɛ afɔleɛ nemɔ anwo, yeɛ ɛmɔ afɔleɛ mɔ koso bɛnzɔ me nye.

Yeremia 7:31

Na basisi Tofete asɔneyɛɛ nemɔ bɔ ɔwɔ Hinom awa bɔnza ne anu ne, kyɛ bɛfa bɛyera bɛ mma mmienzua ne bɛ mma mmrasua wɔ see nu. Ɛhe te nikyee bɔ mamva ye nwo ahyɛdeɛ mamma bɛ ɔ, yeɛ wamma me ti anu po.

Hesekiel 23:37

kyɛ basɛkye agyaa, bali awue, bafa bɛ mmosoen nemɔ basɛkye agyaa, na bɛ mma mmienzua bɔ bɛwole bɛ bɛmane me ne po, bafa bɛ babɔ afɔleɛ wɔ see nu maa bali.

Hosea 5:6

Bɛkɔfa bɛ mmoaen kure ne bɛ nandwie kure bɛkɔhɔ kyɛ bɛkwaapena AWURADE. Nakoso bengonwu ye; wahwe ye nwo wafea bɛ.

Hosea 6:6

Ofikyɛ anwumvoinnwunɛ yeɛ mépena ɔ, na nna afɔleɛbɔlɛ ɔ; na Nyameɛ nwo nimdeɛ mmom yeɛ mekuro metra naen yeralɛ afɔleɛ mɔ ɔ.

Lewitikɔso 18:21

Nnɛfa wɔ mma mɔ nu biala maa bɛfa see bɛyera ye bɛbɔ afɔleɛ bɛma bosoen Moleke, amaa ɔnate so angua wɔ Nyameɛ dumaa nwo fiɛ. Me ole AWURADE.

Lewitikɔso 20:1

Na AWURADE sele Mose kyɛ,

Amose 5:22

Ɔwɔ nu kyɛ ɛmɔbɔ naen yeralɛ afɔleɛ ne aleɛ afɔleɛ bɛma me, nakoso menne mendo nu; yeɛ ɛmɔ nandwie sayɛɛ asomdwee afɔleɛ ne, mengɔfa me nye mengɔnea.

Filemɔn 1:12

Mésoma ye maa osa ba wɔ berɛ; ɔte sona bɔ ɔla m’ahone nwo ɔ.

Maenbulɛfoɛ 11:31

ye de sɛ medi Amonfoɛ so ngonim meyie ná mesa meba a, sona bɔ okofi m’awuro kofite kooyia me ne, ɔkɔyɛ AWURADE deɛ, na ngɔfa ye ngɔbɔ ɛyeralɛ afɔleɛ.”

Maenbulɛfoɛ 11:39

Bosome nyɔ ne ayieleɛ, osa wale ye baba berɛ, na ye baba fale ye yɔle nikyee bɔ wahyɛ ye nwo bɔ ne. Né onnwuni biaa le. Yiti ɛhe mane amammerɛ bie ɔɔlale berɛ mane Yisraelfoɛ kyɛ,

1 Samuel 15:22

Nakoso Samuel hane kyɛ, “Aso AWURADE nye gye naen yeralɛ afɔleɛ ne afɔleɛ mɔ nwo tra kyɛ ekotie AWURADE dwirɛ ɔ? Nahorɛ nu, sotie te paa tra afɔleɛbɔlɛ, yeɛ asoɛ mmerɛlɛyɛlɛ te paa tra boaen nyii loe.