Mika 6:6 - AHYERƐLƐ KRONGRON

⁶ “Nzikyɛ yeɛ mva mmra AWURADE nyunu, ná mmamɔ me nu ase wɔ Anwuro Anwuro Nyameɛ ne nyunu ɔ? Mva naen yeralɛ afɔleɛ mɔ yeɛ mmra ye nyunu ɔ, bɔ ɔte nandwie akrɔngrɔma mɔ bɔ bali afoɛ ko anaa?

Mika 6:6 Iomraidhean Croise

2 Samuel 21:3

Yeɛ Dawide bisale Gibeonfoɛ kyɛ, “Nzu yeɛ ɛmɔkuro kyɛ meyɔ mema ɛmɔ ɔ? Nzikyɛ yeɛ ɛmɔkuro kyɛ mefa mepata ɛmɔ ɔ, bɔ ɔnate so ɛmɔkoyira AWURADE mmenia ɔ?”

Edwein 116:12

Ɛlolɛ amukoraa bɔ AWURADE alo me ye, nzikyɛ yeɛ me wora ngɔyɔ ngɔma ye ɔ?

Edwein 22:29

Amba, ye yeɛ aseɛ ye aso anwomasoɛfoɛ amukoraa bɛkɔkoto ye ɔ; adasa mukoraa, bɛ bɔ bɛngora bɛmma bɛ nwo ngoa ɔ, ye yeɛ bɛkɔkoto ye ɔ.

Edwein 95:2

Ɛ́mɔma yɛ́fa asennaa yɛbra ye nyunu! Ɛ́mɔma yɛ́fa ayɛyelɛ dwein yɛli ahurusi yɛbɔ ye nwo ese.

Edwein 95:6

Ao, ɛmɔbra maa yɛbɔ yɛ nu ase yɛsɔne ye, ɛ́mɔma yɛ́bu ndwerɛ wɔ AWURADE bɔ ɔbɔle yɛ ne, ye nyunu!

Ɛksadɔso 12:5

Ɔsɛ kyɛ boaen akrɔngrɔma ne yɛ nyii bɔ wali afoɛ ko, bɔ ollili nnɛen ɔ. Ɔsɛ kyɛ ɛmɔsa nu bɛye bɛ befi mmoaen anaa mbɔngye nemɔ anu.

Ɛksadɔso 23:15

“Di Paanoo Kabrɛdi aluolue ne. Fa ɛlɛsoo di paanoo kabrɛdi, wɔ mmerɛ bɔ mahyɛ ne, wɔ bosome Abibo nu, kyɛbɔ mahyɛ wɔ ne ala. Ofikyɛ sɔ bosome ne anu yeɛ etuli wɔ bo fili Misraim ɔ. Nnɛma ebiala fa ye sa mbaen ba me nyunu.

Anyandera 15:8

Bɔnefoɛ afɔleɛ te AWURADE akyiwadeɛ, nakoso teneneefoɛ mbaeɛ de, ɔte ye nikyee bɔ ye nye gye ye nwo ɔ.

Anyandera 21:3

Tenenee bra ne pɛpɛɛpɛyɛlɛ, ɔsɔ AWURADE nye tra afɔleɛbɔlɛ.

Yesaya 40:16

Lebanon mmakaa ngɔso afɔleɛ see sɔ, yeɛ nu ngaka koso ngɔso naen yeralɛ afɔleɛ bɔ.

Yeremia 6:20

Ɛyɛɛ bɔ bɛ ne ye fi Hyeba bɛba, yeɛ ayirefona bɔ bɛ ne ye fi dedeede maen bie aso bɛba ne, aso bɛ nwo le mvasoɛ ma me? Me nye ngye ɛmɔ ɛyeralɛ afɔleɛ nemɔ anwo, yeɛ ɛmɔ afɔleɛ mɔ koso bɛnzɔ me nye.

Hesekiel 46:9

“Na sɛ aseɛ ne aso ama bɛba AWURADE nyunu wɔ mmerɛ bɔ bedi aluolue nemɔ a, ebiala bɔ ɔkɔfa sorɔ dɔ anoa piri atee ne aso kɔwa nu kɔɔsɔne ne, ngwaen dɔ anoa piri atee ne aso yeɛ odi kyɛ ɔfa fite kɔ ɔ; yeɛ ebiala bɔ ɔkɔfa ngwaen dɔ anoa piri atee ne aso kɔwa nu ne, sorɔ dɔ anoa piri atee ne aso yeɛ odi kyɛ ɔfa fite kɔ ɔ. Onni kyɛ osa kɔfa anoa bɔ ɔfale nu wale ne anu, na mmom odi kyɛ ɔkɔ ye nyunu tee fite.

Daniel 3:26

Yeɛ Nebukadenesa pingyele see bɔ ogye wuronyiwuronyi wɔ foonoo ne anu ne, na osele kyɛ, “Sadrake, Mesake ne Abedinego, Anwuro Anwuro Nyameɛ ye somvoɛ mɔ, ɛ́mɔfi nu béfite bɛbra!” Yeɛ Sadrake, Mesake ne Abedinego befili see ne anu befitele.

Daniel 4:9

“O Beltesasa, ngonyaayelɛfoɛ panyi, mese kyɛ nyameɛ krongron mɔ bɛ sunzum wɔ wɔ nu, yeɛ mvealeɛ nu dwirɛ biala mmo w’adwene so, yiti kã me laleɛ bɔ ngyene ne kyire me, ná kyire me ye bo.

Daniel 5:18

Nana, Anwuro Anwuro Nyameɛ ne, ɔfale ahennie mane wɔ baba Nebukadenesa, ɔmaa ɔyɛle titire, na ɔmaa onyane anidie ne animnyam;

Daniel 5:21

Bɛfoane ye befili kuro mmenia nu, bɛmane ye adwene yɛle kyɛ kaka adwene, ɔne eburo afunum mɔ bɛɛtenane, bɛmaa olili ndire kyɛ nandwie, na nyameɛso bosue loaloale ye nwonaen, kɔpem kyɛ onwuni kyɛ Anwuro Anwuro Nyameɛ ne yeɛ ole adasa ahennie so tumi ɔ, na sona bɔ okuro biala yeɛ ɔfa ye sie so ɔ.

Hosea 5:6

Bɛkɔfa bɛ mmoaen kure ne bɛ nandwie kure bɛkɔhɔ kyɛ bɛkwaapena AWURADE. Nakoso bengonwu ye; wahwe ye nwo wafea bɛ.

Amose 5:22

Ɔwɔ nu kyɛ ɛmɔbɔ naen yeralɛ afɔleɛ ne aleɛ afɔleɛ bɛma me, nakoso menne mendo nu; yeɛ ɛmɔ nandwie sayɛɛ asomdwee afɔleɛ ne, mengɔfa me nye mengɔnea.

Numeri 7:51

nandwie nyii akrɔngrɔma ko, boaen nyii ko, yeɛ boaen nyii akrɔngrɔma ko bɔ wali afoɛ ko bɔ bɛfa bɛbɔ naen yeralɛ afɔleɛ ɔ;

Mateo 19:16

Na yieee, biaa bie wale Yesu berɛ oobisale ye kyɛ, “Kyerɛkyerɛniɛ, nikyee paa beni yeɛ nyɔ ná manya daa ngoa ɔ?”

Marko 12:33

na sɛ ɛfa w’ahone amukoraa ne wɔ ndeaseɛ amukoraa ne wɔ kra amukoraa ne w’anwoserɛ amukoraa ekuro ye dwirɛ, ná ekuro ebiɛngo dwirɛ kyɛ wɔ bɔbɔ wɔ nwo a, ɔte paa tra ɛyeralɛ afɔleɛ ne afɔleɛ amukoraa.”

Marko 5:7

na ɔteane nu serɛserɛ kyɛ, “Yesu, Anwuro Anwuro Nyameɛ n’Awa, nzikyɛ yeɛ me ne wɔ le yɔ ɔ? Meta Nyameɛ ndaen kyɛ, nnɛteetee me.”

Luka 10:25

Na yieee, mmeraa nwo nimdeɛniɛ bie dwɔso gyinane berɛ sole Yesu neane kyɛ, “Kyerɛkyerɛniɛ, nzu yeɛ nyɔ ná manya daa ngoa ɔ?”

Yohane 6:26

Na Yesu buale bɛ kyɛ, “Nahorɛ nu paa, mekã mekyire ɛmɔ kyɛ, nna kyɛ nzɛngyerɛnneɛ bɔ ɛmɔnwuni ye ne ati yeɛ ɛmɔpena me ɔ, na mmom paanoo bɔ ɛmɔlili mane ɛmɔ ko yili ne ati ɔ.

Asomafoɛ 16:17

Olili Pɔɔlo ne yɛ si teateane nu kyɛ, “Sɔ mmenia hemɔ bɛte Anwuro Anwuro Nyameɛ ne ngoaa bɔ bekyire ɛmɔ ngoalelɛ atee ne ɔ.”

Asomafoɛ 16:30

Afei ɔyele bɛ fitele, na obisale bɛ kyɛ, “Me mene mɔ, nzu yeɛ nyɔ na manya daa ngoa ɔ?”

Asomafoɛ 2:37

Na bɛtele sɔ dwirɛ ne nen, opusuli bɛ paa, na bebisale Petro ne asomafoɛ ngaa nemɔ kyɛ, “Aliɛmaa mɔ, nzu yeɛ yɛ́yɔ ɔ?”

Ɛfesofoɛ 3:14

Ɔnate ɛhe ati, mekoto mesrɛ [y’Awurade Yesu Kristo] Baba,

Hebrifoɛ 10:11

Ɔsɔfo biala gyina ndende daa biala yɔ ye sɔfodwuma ne, na afɔleɛ ko ne ala bɔ ɔbɔ ye daa daa ne ngora ngyikyi bɔne.

1 Samuel 15:22

Nakoso Samuel hane kyɛ, “Aso AWURADE nye gye naen yeralɛ afɔleɛ ne afɔleɛ mɔ nwo tra kyɛ ekotie AWURADE dwirɛ ɔ? Nahorɛ nu, sotie te paa tra afɔleɛbɔlɛ, yeɛ asoɛ mmerɛlɛyɛlɛ te paa tra boaen nyii loe.