Mika 6:5 - AHYERƐLƐ KRONGRON

⁵ Ao me maen, kaye porɛ bɔ Moabo hene Balake bɔle ɔ, ɔne mmuayɛɛ bɔ Beɔ awa Balaam ɔfa mane ye, ofi Sitim bɔ ɔkwaadwu Gilgal ɔ, amaa ɔnate so anwu AWURADE tenenee ne.”

Mika 6:5 Iomraidhean Croise

Edwein 111:4

Wamaa bɛkaye ye anwanwadeɛ nnwumaa nemɔ; AWURADE do mmenia, na ɔse anwumvoin.

Edwein 143:11

Ao AWURADE, wɔ dumaa ti, bɔ me ngoa nwo waen, wɔ tenenee ti, ye me kra fi amaneɛ nu.

Edwein 36:10

Ao, wɔ ɔdɔ bɔ onni ngasi ne, kɔ so ye kyire bɛ bɔ bɛse wɔ ɔ, na ye wɔ ngoalelɛ ne kyire bɛ bɔ bɛtengyɛ ɔ!

Edwein 71:19

Ao Nyameɛ, wɔ tenenee kodwu anwuro anwuro. Ao Nyameɛ, wɔ yeɛ ayɛ nnwumaa mbiri mbiri ɔ; nwa yeɛ ɔte kyɛ wɔ ɔ?

Yesaya 1:27

Ɔnate ndɛenbualɛ turoloo so ngole Sion, yeɛ ɔnate pɛpɛɛpɛyɛlɛ so ngole nu mmenia bɔ basakyera b’adwene ɔ.

Numeri 22:41

Aleɛ hyene ne, Balake fale Balaam ɔne ye bɛfo bɛhɔle Bamote Baal. Bɛwɔ berɛ ne, né Balaam nye tua Yisraelfoɛ nemɔ anu bie.

Numeri 23:27

Yiti Balake sele Balaam kyɛ, “Bra, maa mva wɔ ngɔ neka foforɛ. Ebiaa, berɛ de, Nyameɛ kɔpene so maa ɛkɔnoma mmenia nemɔ kɔma me.”

Numeri 25:1

Mmerɛ bɔ Yisraelfoɛ bɛɛkyekyele asikyeleɛ bɛtenane Sitim ne, Yisraelfoɛ hyɛle ye bo bɛ ne Moabo mmrasua nemɔ bɛlelale.

Numeri 25:2

Moabo mmrasua nemɔ hwehwene Yisraelfoɛ hɔle Moabo mmosoen sɔnenɛ nu. Yisraelfoɛ lili mmosoen so aleɛ ne bie, na bɛkotole bɛ mmosoen nemɔ.

Numeri 31:16

Mmrasua hemɔ yeɛ Balaam tuli bɛ foɛ tɛɛ maa bɛlakalakale Yisraelfoɛ, bɔ ɔnate so Yisraelfoɛ hwi fale AWURADE dwirɛ so ná bɛɛsɔnene Peɔ ne. Na ɛhe mane amaneɛ piri tole AWURADE mmenia.

Numeri 31:8

Behuhuni Midian ahemvo hemɔ bɛbokale mmenia bɔ behuhuni bɛ ne aso: Ewi, Rekem, Sure, Hure ne Reba. Besa bɛfale ngrandɛ behuni Beɔ awa Balaam.

Numeri 33:49

Bɛɛkyekyele asikyeleɛ wɔ Yɔɔdan noa, fi Bete Yesimote alaa beedwuli Abel Sitim wɔ Moabo aseɛ frɛtɛɛ ne aso.

Ɛfesofoɛ 2:11

Yiti ɛ́mɔkaye kyɛ, daa ne, ahaa né ɛmɔte Amaenmaensofoɛ wɔ anwoɔnaen nu. Na bɛ bɔ bɛfrɛ bɛ nwo bienzuapɛlɛfoɛ, bɔ bɛ sa mbaen yeɛ bɛfa bɛpɛ ye anwoɔnaen nu ne, né bɛfrɛ ɛmɔ bɛmbɛ-bɛ-bienzuafoɛ.

Deuteronomi 16:3

Nnɛfa paanoo harewaa bɔ naen ne aso di. Fa paanoo kabrɛdi bɔ naen ne aso di ye ɛlɛsoo. Ɔte amaneɛnwunɛ paanoo, ofikyɛ ndɛndɛ so yeɛ etu fili Misraim aseɛ so ɔ; amaa ɔnate so mmerɛ biala bɔ ɛte ngoa nu ne, akaye kyẽa bɔ etu fili Misraim aseɛ so ɔ.

Deuteronomi 23:6

Nnɛpena bɛ ne asomdwee, yeɛ nnɛpena bɛ paa, mmerɛ biala bɔ ɛte ase ɔ.

Deuteronomi 8:18

Na mmom kaye AWURADE wɔ Nyameɛ, ofikyɛ ye yeɛ ɔma wɔ anwoserɛ maa ɛfa nya wɔ nwo ɔ, kyɛbɔ kekesaala ye ɔwɔ so ɔyɔ ye; amaa ɔnate so apam bɔ ɔtale ye nwo ndaen hyirele wɔ nana mɔ ne, wasi ye agyinayɛɛ.

Deuteronomi 8:2

Kaye atee amukoraa bɔ AWURADE wɔ Nyameɛ maa ɛfale so wɔ ɛserɛ so sɔ afoɛ aburanna ye anu, kyɛ ɔbrɛ wɔ ase, ná oso wɔ nea onwu w’ahone nu dwirɛ, sɛ aso ekoli ye mmeraa dwirɛ so anaakyɛ engoli so.

Deuteronomi 9:7

Kaye, na nnɛma wɔ wora fi kyɛbɔ ewurale AWURADE wɔ Nyameɛ apue mane ye ahone huli wɔ ɛserɛ so ne, ofi kyẽa bɔ efili Misraim aseɛ so wale, kɔpem kyɛ ɛmɔɔdwuli wa ɔ; AWURADE dwirɛ so alaa yeɛ ɛmɔahwi bafa ɔ.

Yosua 2:1

Afei Nun awa Yosua somane maentetɛlɛfoɛ nyɔ kudɛɛ fili Sitim, na osele bɛ kyɛ, “Ɛmɔhɔ bɛɛsra aseɛ ne besie, nganga Yeriko.” Yiti besili nu bɛhɔle, na bɛɛlale braa gyanderaniɛ bie bɔ oli Rahabo awuro.

Yosua 3:1

Yosua ne Yisraelfoɛ amukoraati bedwɔsole ngyerɛmɔ tutututu, betuli bɛ bo befili Sitim, na beedwuli asue Yɔɔdan noa. Bɛkyekyele asikyeleɛ wɔ berɛ koraka yeɛ bɛpɛ asue ne ɔ.

Yosua 4:19

Bosome bɔ oli moa ne anu, ye eleburu ne aso yeɛ mmenia ne fili asue Yɔɔdan nu befite bɛwale ɔ, na bɛkyekyele asikyeleɛ wɔ Gilgal, wɔ Yeriko eyia afiteleɛ.

2 Petro 2:15

Bayakyi nahorɛ atee ne berɛ bali makyebu, na baafa Beɔ awa Balaam atee so, ye bɔ ohurole kyɛ okonya mvasoɛ kofi amumuyɛɛyɔlɛ nu ɔ.

1 Yohane 1:9

Nakoso ɔnate kyɛ odi nahorɛ ná ɔtengyɛ ne ati, sɛ yɛkã yɛ bɔne yɛkyire ye a, ɔkɔfa kɔhyɛ yɛ ná wate yɛ nwo wafi bɔ ɔndengyɛ mukoraa nwo.

Yuda 1:11

Bɛ yaakɔ! Ofikyɛ batu Kein agyirɛ ne bie, na adifuu ti bafa bɛ nwo baawura Balaam nnakannaka dwirɛ ne anu, na bekowuwu wɔ Kora ɛlɔenyɛlɛ ne anu.

Nyekyire 2:14

Nakoso mebɔ wɔ kwaadu kãa, ofikyɛ ele mmenia biemɔ wɔ wɔ berɛ bɔ basɔ Balaam ngyerɛkyerɛ nu ɔ, ye bɔ ohyirele Balake kyɛ ɔto Yisraelfoɛ sundidua ma beli bosoen so aleɛ, ná bɛbɔ adwaman ɔ.

Maenbulɛfoɛ 11:25

Sipore awa Balake bɔ né ɔte Moabo hene ne, aso ɛte paa tra ye? Aso ɔfale ye dwirɛ wale Yisrael so le, anaa ɔfale koɛ ɔtoale Yisrael le?

Maenbulɛfoɛ 5:11

Edwein bɔ edweintolɛfoɛ bɛto wɔ asaleɛ berɛ ne, berɛ yeɛ bɛto AWURADE ayɛyelɛ dwein ɔ, bɛto ayɛyelɛ dwein wɔ Yisrael. Yeɛ AWURADE mmenia torotorole hɔle pambim nemɔ anwo.

1 Samuel 12:7

Yiti ɛmɔɔgyina wa, maa mmɔ ɛmɔ kwaadu wɔ AWURADE nyunu, wɔ paayɛlɛ mukoraa bɔ AWURADE ayɔ ama ɛmɔ ɔne ɛmɔ nana mɔ ne anwo.