Mika 6:2 - AHYERƐLƐ KRONGRON

² Ɛmɔ, mmokaa mɔ, yeɛ aseɛ nyinasoɛ pindinn mɔ, ɛ́mɔtie AWURADE kwaadu bɔ ɔbɔ ne, ofikyɛ AWURADE ne ye maen banya edwudwolɛ, na ɔne Yisrael kɔbɔ nguro.

Mika 6:2 Iomraidhean Croise

2 Samuel 22:16

Afei AWURADE hane bɛ nyunu, nwomeɛ fili ye bonyi anu tu wale, yiti ɛpo ye bo dɔ aseɛ yele ye nwo ali, na aseɛ nyinasoɛ nwo lale berɛ.

2 Samuel 22:8

Yeɛ aseɛ pusuli, na ɔwosole; nyameɛso nyinasoɛ ye bo kekane, na ɔwosole, ɔnate kyɛ Nyameɛ ahone huli.

Edwein 104:5

Ɛfale aseɛ gyinane ye nyinasoɛ mɔ so, kyɛbɔ ɔkɔyɛ bɔ ɔngɔwoso le ɔ.

Anyandera 8:29

mmerɛ bɔ ɔtole ɛpo wɛen, kyɛbɔ nzue ne ngobu ye mmeraa dwirɛ so ne, mmerɛ bɔ ɔtole aseɛ fapem ne,

Yesaya 1:18

AWURADE nwa nyoo: “Ɛmɔbra ma yɛsiesie yɛ afia. Ɔwɔ nu kyɛ ɛmɔ bɔne te kyɛ adaabene de, nakoso bɛkɔyɛ fufue kyɛ nwera, ɔwɔ nu kyɛ bɛboro kyɛ koogyan, nakoso bɛkɔyɛ kyɛ gyese.

Yesaya 3:13

AWURADE adwɔso bɔ ɔbɔ kwaadu, wagyina berɛ obua maen ne ndɛen.

Yesaya 43:26

Kaye me, maa yɛsu aporowaa; bɔ wɔ kuro ma bebua wɔ be.

Yesaya 5:3

Afei, ɛmɔ bɔ ɛmɔte Yerusalem, yeɛ Yudafoɛ, mesrɛ ɛmɔ, me ne me bobe boo dwirɛ ne, ɛ́mɔbua.

Yeremia 2:9

“Yiti ngɔhɔ so ngɔbɔ ɛmɔ kwaadu, na ngɔbɔ ɛmɔ boso ama mɔ koso kwaadu, AWURADE noa dwirɛ ɛne.

Yeremia 25:31

Dedeyɛlɛ ne kɔtrɛ kɔɔhã aseɛ noa dɔ, ofikyɛ AWURADE abɔ maen maen mɔ kwaadu; okobua anwoɔnaen amukoraa ndɛen, na ɔkɔma bɔnefoɛ mɔ bɛkɔtotɔ ngrandɛ noa, AWURADE noa dwirɛ ɛne.’

Yeremia 31:37

Bɔ AWURADE kã ɛhe: Sɛ bɛkora besusu nyameɛso anwuro anwuro, ná bɛkora betutu aseɛ nyinasoɛ bo bɛnea a, ye de ngɔpo Yisrael boso ama amukoraa, ɔnate bɔ bayɔ amukoraa ne ati, AWURADE noa dwirɛ ɛne.

Hosea 12:2

AWURADE le dwirɛ tia Yuda. Ɔkɔhwe Yakob so kyɛbɔ ye yɔleɛ te ɔ, na okotua ye kerɛ kyɛbɔ ye nnwumaa te ɔ.

Hosea 12:3

Ɔsɔle oliɛma gya si wɔ bɛ kunu, na ole ye anwoserɛ ɔne Nyameɛ bɛfa bɛtetale so.

Hosea 4:1

Yisraelfoɛ, ɛ́mɔtie AWURADE noa dwirɛ; ofikyɛ AWURADE ne aseɛ ne aso ama banya dwirɛ, ɔnate kyɛ nahorɛlilɛ, anwumvoinnwunɛ, ɔne Nyameɛ nwo nimdeɛ biala nne aseɛ ne aso.

Mika 6:1

Afei, ɛ́mɔtie edwirɛ bɔ AWURADE ɔkã ɔ. Dwɔso ná bɔ wɔ kuro wɔ mmokaa nemɔ nyunu, ná ma pambaa mɔ betie bɔ ɛkã ɔ.

Deuteronomi 32:22

Ofikyɛ m’ahone bɔ wahu ne asɔ see, na ogye toonn kodwu ɛborɔ ye bo dɔ, ɔyera aseɛ ne so aleɛ, na ɔfa see to mmokaa mɔ bɛ nyinasoɛ nu.

Deuteronomi 4:26

ye de méfrɛ anwuro ne aseɛ maa bedi adanzeɛ betia ɛmɔ ɛnɛ kyẽa ye, kyɛ ɔngɔhyɛ biala ɛmɔ boso konua bɔkɔɔ wɔ aseɛ bɔ ɛmɔkwaapɛ asue Yɔɔdan bɛkɔfa ne aso. Ɛmɔngɔtena so bɛngɔhyɛ, na ɛmɔ boso konua bɔkɔɔ.