Mika 6:16 - AHYERƐLƐ KRONGRON

¹⁶ Ofikyɛ edi Omri ahyɛdeɛ so, ɔne Ahabo boso ama yɔleɛ amukoraa so, yeɛ ɛmɔdi bɛ foɛtulɛ so. Ɔnate so ngɔmaa ɛkɔyɛ pasapasa, na ngɔma wɔ nu ama bɛkɔkakyi ngorohoɛ nikye. Yiti ɛmɔkɔsoa me maen animguaseɛ.

Mika 6:16 Iomraidhean Croise

1 Ahemvo 18:4

Mmerɛ bɔ Yesebɛl okũkũ AWURADE ngɔmhyɛlɛfoɛ nemɔ ne, Obadia fale ngɔmhyɛlɛfoɛ ɛyaa ko, ɔhyɛle bɛ nu aburannu aburannu, ɔfale bɛ ɔɔfeale nyɔboɛ bɔ wasi sua ɔ nu, na né ɔma bɛ aleɛ ne nzue.)

1 Ahemvo 9:8

Sua ye kodwiri kogua kɔyɛ kyɛ esire. Na ebiala bɔ ɔkɔpɛ nu wɔ ye nwo ne, ɔkɔyɛ ye nwanwa maa okosobi ye noa kogua so kɔhã kyɛ, “Nzu ati yeɛ AWURADE ayɛ maen ye ɔne awuro ye sɔa ye?”

2 Ahemvo 16:3

Mmom ɔyɔle bɔ Yisrael ahemvo mɔ bɛyɔle ne bie. Maen maen bɔ AWURADE foane bɛ fili Yisraelfoɛ nyunu ne, musue nningyein bɔ né bɛyɔ ne, ye koso ɔyɔle bie. Ɔfale ɔwa bienzua po bɔle afɔleɛ wɔ see nu kyɛbɔ né maen maen nemɔ bɛyɔ ne ala.

2 Ahemvo 21:3

Ofikyɛ bosoen asɔneyɛɛ mɔ bɔ ye baba Hesekia obubuli bɛ ne, Manase sa sili. Osisili Baal afɔleɛ mmokyea, na ogyinane Asera dosii, kyɛbɔ Yisrael hene Ahabo yɔle ne ala. Ɔsɔnene ewienu abɔdeɛ amukoraa ná ɔsole bɛ.

2 Aberɛso Dwirɛ 22:4

Ɔyɔle bɔ ɔte bɔne wɔ AWURADE nyunu ɔ, kyɛbɔ Ahabo boso ama bɛyɔle ne ala. Ofikyɛ ye baba wue asi ne, Ahabo boso ama yeɛ bɛyɛle ye foɛtulɛfoɛ ɔ. Na bɛ foɛ bɔ betuli ye ne, wammoka ye koraa.

2 Aberɛso Dwirɛ 34:25

Ofikyɛ bapo me, bayera ɛyɛɛ bama nyameɛ foforɛ mɔ, na ɔnate so bafa bɛ sa noa adwuma mukoraa bawura me apue. Yiti mafɛ maen ye aso yaa piri paa, bɔ m’ahone ngɔtɔ nzue nu ɔ.

Edwein 1:1

Sona bɔ ondie amumuyɛɛfoɛ foɛtulɛ, ná ɔmva bɔnefoɛ atee so, ná ɔne mmenia bɔ bɛgoro Nyameɛ nwo ne bendu nu ne, onya saleɛ.

Edwein 44:13

Amaa yɛ mmango mɔ bɛkã yɛ anyinga, na maen maen bɔ bapɛ yɛ nwo bayia ne, amaa bɛsere yɛ bɛgoro yɛ nwo.

Edwein 44:14

Amaa yakakyi ngorohoɛ dwirɛ wɔ maen maen mɔ bɛ noa nu, bɛ bɔ bapɛ yɛ nwo bayia ne, ɛmaa besobi bɛ noa begua yɛ so.

Yesaya 25:8

Okonunu ewue boso kofi berɛ afebɔɔ. AWURADE Nyameɛ kokyikyi ebiala nye moen, na ɔkɔye ye maen animguaseɛ kofi aseɛ so amukoraa; ofikyɛ AWURADE noa dwirɛ ɛne!

Yesaya 9:16

Ofikyɛ bɛ bɔ bekyire maen he atee ne, bɛmaa bemini, na bediedie mmenia bɔ bekyire b’atee ne maa bɛkɔ ewue nu.

Yeremia 19:8

Ngɔma kuro ye kɔkakyi kurofoen, ɔne nikyee bɔ mmenia sobi bɛ noa begua so ɔ. Na ebiala bɔ ɔpɛ nu berɛ ne, ye nwo kodwiri ye, na okosobi ye, ɔnate ye amaneɛ ne amukoraa ti.

Yeremia 25:18

Bɛ ɛhe: Yerusalem ne Yuda nguro, nu ahemvo ne nu nnehyeɛ, kyɛ bɛyɛ kurofoen, anwodwiri nikye, bɔ mmenia besobi bɛ noa gua bɛ so ɔ, ɔne ɛnomalɛ nikye, kyɛbɔ ɔte ɛnɛ ye;

Yeremia 25:9

yiti ɛ́mɔtie, ngɔsoma maa bɛkɔɔfa sorɔ dɔ mmusua amukoraa ne me somvoɛ Babilɔn hene Nebukadenesa bɛkɔwa, AWURADE noa dwirɛ ɛne, na ngɔfa bɛ ngɔwa maa bɛkɔho bekotia maen he, ɔne so ama, ɔne maen hemɔ amukoraa bɔ bapɛ ye nwo bayia ɔ. Ngohũhũ bɛ pasaa, ná mamaa bayɛ anwodwiri nikye, maen bɔ mmenia sobi bɛ noa gua bɛ so ɔ, ɔne kurofoen afebɔɔ.

Yeremia 29:18

Ngɔfa ngrandɛ, ɛhɔen ne ewue anwonyerɛ ngogu bɛ so, na ngɔye me sa ngofi bɛ bo maa bɛkɔsesa bɛ bɛkɔhɔ aseɛ so ahennie amukoraa nu. Bɛkɔyɛ ɛnomalɛ nikye, anwodwiri nikye, esobilɛ nikye ne animguaseɛ nikye wɔ maen maen amukoraa bɔ mafoa bɛ mahɔ so nemɔ aso,

Yeremia 51:51

‘Yɛ nyunu agua ase, ofikyɛ yate nzoaa pepɛlɛ, animguaseɛ abia yɛ, ofikyɛ ɛwɔfoɛ mɔ bawa AWURADE awuro berɛ nekaa krongron nemɔ anu.’

Yeremia 7:24

Nakoso bandie me dwirɛ, yeɛ banyɛ asoɛ bamma me. Na mmom, belili bɛ bɔbɔ bɛ ti piri bɛyɔle bɔne bɔ bekuro ɔ. Bɛkakyili bɛ si bɛmane me bɔ bannea me nyunu ɔ.

Awuye 5:1

Ao AWURADE, kaye edwirɛ bɔ wato yɛ ye, fa wɔ nye to, ná nea y’animguaseɛ ye.

Hesekiel 39:26

Bɛ wora kofi b’animguaseɛ ne nahorɛ amukoraa bɔ banni bamma me ɔ, mmerɛ bɔ bɛte b’aseɛ so asomdwee nu bɔ ebiala onnwunanwuna bɛ ɔ;

Daniel 9:16

O AWURADE, w’adaworoma, kyɛbɔ wɔ tenenee amukoraa te ne, gyina so ná yakyi ɛyaafɛlɛ ne w’ahone bɔ wahu wɔ wɔ kuro Yerusalem so, wɔ wɔ bokaa krongron ne aso ne. Na ɔnate yɛ bɔne ne yɛ nana mɔ b’amumuyɛɛ ti, Yerusalem ne wɔ maen bakakyi ngorohoɛ dwirɛ bama bɛ bɔ bapɛ yɛ nwo bayia ne amukoraa.

Hosea 12:14

Efraim wurale ye apue maa ɔfɛle yaa paa, yiti AWURADE kɔma ye mogya bɔ wahwie wagua ne kɔbɔ ye ti so, na ye AWURADE kɔma ye animguaseɛ kosa kɔto ye.

Hosea 5:11

Bɛhyɛ Efraim so, babua ye fɔ wɔ ndɛenbualɛ nu, ofikyɛ ɔhyɛle da lili mmeraa mbaen mbaen si.

Mika 2:6

Bese bɛ bɔ bɛhyɛ ngɔm nemɔ kyɛ, “Nnɛma ɛmɔhyehyɛ ngɔm, nnɛma ebiala hyɛ ɛhemɔ nwo ngɔm kyire bɛ, amaa ɔnate so animguaseɛ anga yɛ.”

Mika 6:13

Yiti ngɔbɔ wɔ maa ɛkɔbɔ anwonyerɛ, wɔ bɔne ti ngɔmaa ɛkɔyɛ pasapasa.

Nyekyire 2:20

Nakoso mebɔ wɔ kwaadu kãa, ofikyɛ ɛma braa Yesebɛl bɔ ɔfrɛ ye nwo ngɔmhyɛlɛniɛ ne ate, kyɛ ɔyɛ ngyerɛkyerɛ ná ɔlakalaka me ngoaa mɔ ma bɛbɔ adwaman ná beli bosoen so aleɛ.