Mika 6:15 - AHYERƐLƐ KRONGRON

¹⁵ Ekolua, nakoso engonya so aleɛ; ekohwi olive mma, nakoso engonya ye ngoo ne bie ngɔfa ngɔpopa; ekohwi bobe mma, nakoso engonya ye nzaa ne bie ngɔno.

Mika 6:15 Iomraidhean Croise

YOB NWOMAA NE 31:8

ye de maa nnua ma sona foforɛ oli, yoo, ye de ma me bosofoɛ bɛ boso onua.

Yeremia 12:13

Balua atokoɔ, nakoso bate mmowue, bafɛ alaa, nakoso bannya ye nwo mvasoɛ biala. Ɔnate AWURADE yaa piri bɔ wafɛ ne ati, ɛmɔ fieso nningyein bɔ ɛmɔkonya ye ne, ɔkɔyɛ bɛ fɛre.”

Lewitikɔso 26:16

bɔ me koso ngɔfa ngɔyɔ ɛmɔ ɛhe: ngɔmaa asane kandinga kɔto ɛmɔ; anwonyerɛ koangɔ kɔbɔ ɛmɔ, yeɛ ebunu bɔ ɔma bɛ nye yɛ wusiwusi ná ɔma sona ngoa so te ɔ kɔhye ɛmɔ. Sɛ ɛmɔdua nningyein a, ɛmɔkɔfɛ bekogua mbaen, ofikyɛ ɛmɔ pɔfoɛ mɔ yeɛ bekoli ɔ.

Lewitikɔso 26:20

Ɛmɔkɔsɛkye ɛmɔ anwoserɛ mbaen: ɛmɔ aseɛ ngɔhye aleɛ, yeɛ aseɛ ne aso mmakaa ngosu mmaa.

Amose 5:11

Ɔnate kyɛ ɛmɔsisi bɛ bɔ bɛyɛ anwumvo, ná ɛmɔbɔ bɛ apoo bede atokoɔ befi bɛ berɛ ne ati, nyɔboɛ bɔ badwa ɔ yeɛ ɛmɔafa basisi sua ɔ, nakoso ɛmɔngɔtena nu. Ɛmɔayɔ bobe boo nyemene mɔ de, nakoso ɛmɔngɔno nu bobe nzaa ne bie.

Habakuku 3:17

Ɔwɔ nu kyɛ borɔdoma mmɔ nyerɛen, bobe nemɔ benzu mmaa, olive sulɛ wali ngasi, eboo mɔ bɛngye aleɛ, mmoaen nemɔ bɛ boso ayera wɔ tuin ne anu, yeɛ nandwie biala nne tuin nemɔ anu,

Sefania 1:13

Yiti bɛ nningyein kɔkakyi nningyein bɔ mmenia kɔfẽ kɔfa ɔ, na b’awuro mɔ kɔkakyi dandue. Bekosisi sua de, nakoso bɛngɔtena nu; bɛkɔyɔ bobe boo mɔ de, nakoso bɛngɔno ye nzaa ne bie.”

Hagae 1:6

Ɛmɔalua pee, nakoso kaaba bie yeɛ ɛmɔanya bafi nu ɔ; ɛmɔdidi, nakoso ɛmɔ ko nyi; ɛmɔno nzaa, nakoso ɔmmo ɛmɔ; ɛmɔkera ɛtena, nakoso ebiala nwo nyɛ ye hye; yeɛ bɔ ode akatuaa ne, ode gua bɔtɔ bɔ ye bo atofitofi ɔ nu.

Yohane 4:37

Ofikyɛ, edwirɛ ne ɔte nahorɛ kyɛ, ‘Ebie dua, né ebie wora wabu.’

Maenbulɛfoɛ 6:4

Bɛbakyekye b’asikyeleɛ bepingye Yisraelfoɛ, na bɛsɛkye bɛ fieso nningyein alaa kodwu Gasa wɛen so. Bɛnyakyi aleɛ kaala po, anaa boaen, anaa nandwie, anaa afunum ko po wɔ Yisrael.