Mika 6:12 - AHYERƐLƐ KRONGRON

¹² Ofikyɛ basabasayɔlɛ wali sikafoɛ nemɔ bɛ ti, kuro ne anu ama bɛpɛ ngondombo, na bɛ noa nu dwirɛ te nnakannaka.

Mika 6:12 Iomraidhean Croise

Edwein 120:2

Ao AWURADE, pepɛ de me kra fi ngondombofoɛ bɛ sa nu ɔne nnakannakafoɛ bɛ sa nu.

Edwein 35:20

Ofikyɛ bɛnga asomdwee dwirɛ, na mmom bɛbɔ porɛ bɛpɛ edwirɛ bɛto aseɛ so mmenia bɔ benguro bɛ nwo dwirɛ ɔ so.

Edwein 78:36

Nakoso bɛ noa yeɛ bɛfa bɛdɛfɛdɛfɛle ye ɔ, nnakannaka dwirɛ yeɛ bɛkã bekyire ye ɔ.

Yesaya 1:23

Wɔ mbanyi ayɛ lɔen, na bafa awuefoɛ abiɛngoɛ. Bɛ mukoraa bɛ nye gye fea-ase-ma nwo, na bɛpere bɛpena akyɛdeɛ. Bɛnga bie bɛmma nyisiaafoɛ, na akunafoɛ mmrasua dwirɛ ba bɛ nyunu a bɛmvrɛ.

Yesaya 3:8

Yerusalem asoti, yeɛ Yuda afi ase, ofikyɛ bɛfa bɛ dwudwolɛ ne bɛ yɔleɛ bedwɔso betia AWURADE, kyɛ bɛfa bebu ye animnyam anyunuɛ ne animtia.

Yesaya 5:7

Hmmm, Asafo AWURADE bobe boo ne, ye ole Yisrael awuro ama, yeɛ Yudafoɛ wora bɛte ye boo bɔ ɔyɛ ye nyemene ɔ. Ahaa né ɔpena kyɛ onwu ndɛenbualɛ turoloo, nakoso onwu aminɛlilɛ, ahaa né ɔpena kyɛ onwu tenenee, nakoso awuyebɔlɛ yeɛ ɔte ɔ!

Yeremia 9:8

Bɛ temverema te kyɛ agyaen bɔ odi awue ɔ; ɔkã ngondombo dwirɛ. Bɛkekã asomdwee dwirɛ bekyirekyire bɛ mmango mɔ, nakoso bɛ ti anu de, bɛbɔ porɛ kyɛ bɛkɔtetɛ bɛ ɔ.

Hosea 7:1

Mésa Yisrael anwonyerɛ a, né Efraim amumuyɛɛ ne Samaria bɔne yɔleɛ ɔ́da ali, ofikyɛ benni nahorɛ. Awueniɛ abɔ awura nu, na awerɔm awuefoɛ bɛbɔ apaa wɔ dwaaso.

Hosea 7:13

Bɛ yaakɔ oo! Ofikyɛ banwati bafi me nwo bahɔ. Amaneɛ ato bɛ, ofikyɛ bayɛ me nwo lɔen. Ahaa mekuro kyɛ mepepɛ mede bɛ, nakoso bɛpepɛ me nwo ngondombo.

Amose 2:4

AWURADE nwa nyoo, “Ɔnate Yuda ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ bapo AWURADE mmeraa, banni ye mmeraa dwirɛ so. Bɛ nnakannaka bɔ ɔte atee bɔ bɛ nana mɔ fale so ne, wamaa bali makyebu.

Amose 6:4

“Ɛmɔ yaakɔ! Ɛmɔ bɔ ɛmɔla mba bɔ bafa ɛsoen gye bayɔ ɔ so, bɔ ɛmɔtwe ɛmɔ nu wɔ ɛmɔ bɛen so, bɔ ɛmɔku mmoaen kure ne anu mmoaen akrɔngrɔma mɔ, ɔne tuin ne anu nandwie akrɔngrɔma mɔ bedi ɔ;

Sefania 1:9

Sɔ kyẽa ne, ebiala bɔ ohuru fa aponnwaa so ne, ngɔhwe ye so, bɛ ne bɛ bɔ bɛfa aminɛ ne apoo nningyein beyi bɛ mene awuro to ɔ.”

Sefania 3:3

Nu mbanyi mɔ bɛte gyata mɔ bɔ bɛbobɔ nu ɔ; ye maenbulɛfoɛ bɛte nɔsoa mbataku bɔ bɛnyakyi bowue po mma aleɛ ngye so ɔ.

Asomafoɛ 24:9

Na Yudafoɛ nemɔ foale ye dwirɛ ne aso kyɛ ɔte nahorɛ.

Romanfoɛ 3:13

Bɛ noa dwirɛ te asieleɛ bɔ so abukye ɔ, na bɛfa bɛ temverema bɛlakalaka mmenia, ewoo noa borɔ wɔ bɛ noa nu.