Mika 6:10 - AHYERƐLƐ KRONGRON

¹⁰ Nzɛmmɔne nu anwonyadeɛ, yeɛ tonyi bɔ bawura nu bɔ ɔte akyiwadeɛ ɔ, bɛtɛ wɔ bɔnefoɛ awuro anaa?

Mika 6:10 Iomraidhean Croise

Anyandera 10:2

Anwonya bɔ amva atee paa so annya ye ne, mvasoɛ biala nne so, nakoso tenenee bra de, ode wɔ fi ewue nu.

Anyandera 11:1

Tonyi bɔ bawura nu te AWURADE akyiwadeɛ, nakoso ye nye sɔ asusudeɛ nyɔboɛ bɔ ɔkã nahorɛ ɔ.

Anyandera 20:10

Asusudeɛ mɔ bɔ nzonzoleɛ wɔ nu, ɔne tonyi mɔ bɔ nzonzoleɛ wɔ nu ɔ, AWURADE kyi bɛ munyɔ kɔkɔkɔkɔ.

Anyandera 20:23

Asusudeɛ mɔ bɔ nzonzoleɛ wɔ nu ne, bɛte AWURADE akyiwadeɛ, yeɛ tonyi bɔ bawura nu ne koso ɔtte mayee.

Anyandera 21:6

Anwonya bɔ bɛfa nnakannaka so benya ye ne, ɔte mbaen, na ɔte bɛ so ewue ngaen.

Amose 3:10

“Ofikyɛ bɛ bɔ bɛboaboa atianuserɛ ne awerɔm awue noa wɔ b’anwoserɛ afealeɛ mɔ anu ne, bɛnze kyɛbɔ bɛyɔ bɔ ɔtengyɛ ɔ,” AWURADE noa dwirɛ ɛne.

Amose 3:9

Ɛ́mɔbɔ ye dawure wɔ Asedɔde anwoserɛ afealeɛ nemɔ anu, yeɛ Misraim aseɛ so anwoserɛ afealeɛ nemɔ anu, ná ɛmɔhã kyɛ, “Ɛ́mɔboaboa ɛmɔ noa wɔ Samaria mmokaa nemɔ aso, ɛ́mɔnea basabasa mbiri mbiri bɔ ɔkɔ so wɔ nu ɔ, ɔne nhyɛsoɛ bɔ ɔkɔ so wɔ nu ɔ.”

Mika 6:9

AWURADE komvi tea nu frɛ kuro ne, na bɛ bɔ besuro wɔ dumaa ne yeɛ bɛte nworɛfoɛ ɔ. Ɛ́mɔtie asohwenɛ ne, ɔne ye bɔ wahyehyɛ wato berɛ ne.

Sefania 1:9

Sɔ kyẽa ne, ebiala bɔ ohuru fa aponnwaa so ne, ngɔhwe ye so, bɛ ne bɛ bɔ bɛfa aminɛ ne apoo nningyein beyi bɛ mene awuro to ɔ.”

Sakaria 5:6

Na mmisale ye kyɛ, “Nzikyɛ nikyee ɛne?” Yeɛ obuale kyɛ, “Ɛhe te asusudeɛ kɛndɛen bɔ ofi wa kɔ ɔ.” Osa sele kyɛ, “Ɛhe te b’amumuyɛɛ wɔ aseɛ amukoraa so.”

Yosua 7:1

Nakoso AWURADE mmeraa bɔ ɔfa nningyein bɔ watu wasie berɛ kyɛ bɛsɛkye ye ne anwo ne, Yisraelfoɛ buli so. Akan bɔ ɔse ole Karemi, bɔ ɔse ole Sabidi, bɔ ye koso ɔse ole Sera bɔ ofi Yuda abusua kure nu ne, ɔfale nningyein bɔ AWURADE atu asie berɛ kyɛ bɛsɛkye ye ne bie, yiti AWURADE fɛle Yisraelfoɛ so yaa piri paa.