Mika 5:5 - AHYERƐLƐ KRONGRON

⁵ Na ye yeɛ ɔkɔyɛ asomdwee ne ɔ. Sɛ Asiria ɔba y’aseɛ ne aso, ná otiatia y’ahemvie nemɔ aso a, yɛkɔye neafoɛ nzoo ne atitirefoɛ mmɔtwɛ maa bekodwɔso bekotia ye.

Mika 5:5 Iomraidhean Croise

YOB NWOMAA NE 5:19

Ɔkɔye wɔ kofi amaneɛ sɔ alaa nzia nu, yoo, na bɔ ɔtɔ so nzoo ne anu, edwirɛ biala ngɔto wɔ.

Edwein 72:7

Ye aberɛ so, ma tenenee obu so, ná asomdwee pee ɔbra, kɔpem kyɛ ɛsraen ɔnne berɛ ko ɔ.

Anyandera 30:18

Nningyein nza yeɛ bɛyɛ me nwanwa paa ɔ; yoo, nna de, mende ye bo. Bɛ ole:

Anyandera 30:29

Nningyein nza yeɛ bɛ natelɛ yɛ nyemene ɔ, amba, nna de, bɛ gya tutulɛ yɛ ahomeka. Bɛ ole:

Anyandera 6:16

Sɔ nningyein nzia hemɔ bɛyɛ AWURADE tɛ, amba, nningyein nzoo hemɔ bɛte ye akyiwadeɛ:

Nworɛ Dwirɛhanɛniɛ 11:2

Kyekyɛ nu ma nzoo anaa mmɔtwɛ po, ofikyɛ ɛnze edwirɛ tɛɛ bɔ ebiaa ɔbaasi aseɛ ye aso ɔ.

Yesaya 14:25

kyɛ ngɔsɛkye Asiria pasaa wɔ m’aseɛ so, yeɛ ngotiatia ye so wɔ me mmokaa nemɔ aso, ye kɔnnua ne kɔye kofi bɛ kɔme anu, na ye adesoa bɔ ɔla bɛ bati ne kɔye kofi berɛ.”

Yesaya 44:28

Me yeɛ mekã mefa Karose nwo kyɛ, ‘Ɔte me mmoaenneafoɛ, na ɔkɔma me botaeɛ amukoraati kɔwa nu’; yeɛ mekã mekyire Yerusalem kyɛ, ‘Bɛkɔkyekye wɔ bieku,’ yeɛ mekã mekyire asɔneyɛɛ sua ne kyɛ, ‘Bekosa bɛkɔto wɔ fapem ne.’ ”

Yesaya 59:19

Yiti bekosuro AWURADE dumaa bekofi eyia atɔleɛ, yeɛ bekosuro ye animnyam bekofi eyia afiteleɛ, ofikyɛ ɔkɔwa kyɛ asue bɔ ɔsẽ wuruwuru bɔ AWURADE mvrama fa ye kɔ ɔ.

Yesaya 65:8

AWURADE nwa nyoo: “Kyɛbɔ nzaa wɔ bobe betire biribiraa nu, maa mmenia bɛkã kyɛ, ‘Nnɛsɛkye ye, ofikyɛ saleɛ wɔ nu’ ne, sɔ ala yeɛ me somvoɛ mɔ ti ngɔyɔ ɔ, na mengohũhũ bɛ mukoraa.

Yesaya 7:14

Yiti AWURADE bɔbɔ kɔma ɛmɔ sɛngyerɛnneɛ. Ɛ́mɔtie! taluwa bie kɔnwonzɛ kɔwo baa bienzua, na ɔkɔto ye dumaa Yimanuel.

Yeremia 33:15

Sɔ ngyẽa nemɔ anu, sɔ mmerɛ ne, ngɔmaa Tenenee Mmaen bie kofifi kɔma Dawide; na okobua ndɛen turoloo, ná wayɔ bɔ ɔte tenenee ɔ wɔ aseɛ ne aso.

Amose 1:3

AWURADE nwa nyoo, “Ɔnate Damasko ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ bafa buralɛ bɔ bɛfa bɛboro aburoo ɔ bapɛkyɛ Gileade.

Amose 1:6

AWURADE nwa nyoo, “Ɔnate Gasa ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ bɛsoale mmenia bɔ bahye bɛ nnure ne amukoraa bɛfale bɛ beewurale Edom sa.

Sakaria 10:11

Ɔkɔɔfa anwokyere ɛpo ne anu, okoli ɛpo nu asorɔkye ne aso ngonim, na asue Naele nu buma mukoraa kɔwewe. Ɔkɔbrɛ Asiria anwomasoɛ ne ase, na Misraim ɛhɔtɔ ne, ye boso komini.

Sakaria 10:3

“M’ahone ahu mmoaenneafoɛ nemɔ so, na ngɔhwe mbɔngye nemɔ so; ofikyɛ Asafo AWURADE kɔɔpasa ye mmoaen kure bɔ ye ole Yuda awuro ama ne anwo, na ɔkɔfa bɛ kɔyɛ kyɛ ye anidie pɔngɔ wɔ koɛ nu.

Sakaria 12:6

“Sɔ kyẽa ne, ngɔfa Yuda mbanyi ngɔyɛ kyɛ see bɔ ogye wɔ eyein mɔ b’afia ɔ, kyɛ ɛtɛen bɔ ogye wɔ aburoo nyaa b’afia ɔ. Bɛkɔyera maen maen amukoraa bɔ bapɛ bɛ nwo bayia ɔ, wɔ famaa so ne bɛen so, na mmenia kosa kɔtena Yerusalem wɔ ye boso, wɔ Yerusalem.

Sakaria 9:10

Ngonua teaseɛnam mɔ boso ngofi Efraim, ngonua mbɔngɔ boso ngofi Yerusalem, yeɛ ngonua koɛhonɛ agyaen boso. Ɔkɔhã asomdwee dwirɛ kohyire maen maen mɔ, ye ahennie kofi ɛpo kɔɔhã ɛpo, okofi asue ne kɔɔhã aseɛ noa dɔ.

Sakaria 9:13

Ofikyɛ makondo Yuda mayɛ m’agyaen, mafa Efraim mayɛ agyaen bakaa mawura nu, O Sion, ngɔkanyane wɔ mma mmienzua mɔ maa bekodwɔso bekotia Hela mma mmienzua mɔ, na ngɔfa wɔ ngɔyɛ kyɛ katakyie ngrandɛ.

Luka 2:14

“Animnyam hã Nyameɛ wɔ anwuro anwuro, na asomdwee hã mmenia bɔ bɛsɔ ye nye ɔ wɔ aseɛ aso!”

Yohane 14:27

“Asomdwee yeɛ mefa meyakyi ɛmɔ ɔ, m’asomdwee yeɛ mefa mema ɛmɔ ɔ; nna kyɛbɔ wiase fa ma ne yeɛ mefa mema ɛmɔ ɔ. Nnɛmɔma ɛmɔ wora bɔ, yeɛ nnɛmɔma ɛserɛ tɔ ɛmɔ so.

Yohane 16:33

Mahã ɛhemɔ mahyire ɛmɔ, amaa ɔnate so ɛmɔanya me nu asomdwee. Ɛmɔkɔfa amaneɛ nu wɔ wiase de, nakoso ɛ́mɔma ɛmɔ ahone tɔ ɛmɔ kunu! Mali wiase so ngonim.”

Nyekyire 17:14

Bɛkɔfa koɛ bɛkɔteta Boaen Ba ne, na Boaen Ba ne koli bɛ so ngonim; ofikyɛ ɔte meneɛ mɔ nu Meneɛ ne ahemvo mɔ nu Hene; na bɛ bɔ bɛboka ye so ne, wafrɛ bɛ, waneanea nu waye bɛ, na bedi nahorɛ.”

Nyekyire 19:14

Na ɛlɔen bɔ bɛwɔ nyameɛso, bɔ bewurawura nwera paa, fufue bɔ ye nwo te ɔ, né bɛtete mbɔngɔ fufue so beli ye si.