Mika 5:3 - AHYERƐLƐ KRONGRON

³ Yiti ɔkɔyakyi bɛ nu kɔɔpem mmerɛ bɔ braa bɔ wafo aworɛ so ne kɔwo ɔ. Na afei oliɛma ngaa nemɔ, bekosa bɛkɔɔboka Yisrael mma nemɔ aso.

Mika 5:3 Iomraidhean Croise

1 Ahemvo 14:16

Ɔnate Yeroboam bɔne bɔ wayɔ bɔ wahwe Yisrael maen maa bayɔ bie ne ati, AWURADE kɔye ye sa kofi Yisrael bo.”

2 Aberɛso Dwirɛ 30:7

Nnɛma ɛmɔyɛ kyɛ ɛmɔ nana mɔ ne ɛmɔ aliɛma mɔ bɔ banni nahorɛ bamma AWURADE bɛ nana mɔ Nyameɛ ne, maa ɔnate so wamma b’ayieleɛ wanyie bɛ yé, kyɛbɔ ɛmɔ nye tua ne.

Edwein 67:3

Ao Nyameɛ, odi kyɛ maen maen bɛye wɔ ayɛ, odi kyɛ maen amukoraa bɛye wɔ ayɛ.

Yesaya 11:11

Na ɔkɔwa kyɛ, sɔ kyẽa ne, AWURADE kɔtengyɛ ye sa ye pɛen nyɔ so kole ye mmenia bɔ baha ne kofi Asiria, Misraim, Patrose, Yitiopia, Elam, Sinari, Hamate nu, yeɛ mboanoa supɔ mɔ so.

Yesaya 49:6

Ɔnwa nyoo: “Kyɛ ɛkɔyɛ me somvoɛ, kyɛ ɛkɔpagya Yakob mmusua kure nemɔ, ɔne kyɛ ɛkɔfa Yisraelfoɛ bɔ banya bɛ ti badidi nu ne ekosa kɔwa ne, aso ɔte adwuma ba? Ngosa ngɔfa wɔ ngɔyɛ kanea ngɔma maen maen mɔ, amaa ɔnate so ama me ngoalelɛ waadwu aseɛ so nekaa biala.”

Yeremia 23:5

“Tie, mmerɛ bie ɔba, AWURADE noa dwirɛ ɛne, bɔ ngɔma Mmaen bie bɔ ɔtengyɛ ɔ kodwɔso wɔ Dawide bosofoɛ nu. Okoli hene, na okoyie ye yé. Okobua ndɛen turoloo kɔyɛ bɔ ɔtengyɛ ɔ wɔ aseɛ ne aso.

Yeremia 31:1

“Sɔ mmerɛ ne, ngɔyɛ Yisrael mmusua nemɔ amukoraa bɛ Nyameɛ, na bɛ koso bɛkɔyɛ me maen, AWURADE noa dwirɛ ɛne.”

Hesekiel 34:16

Bɔ wamini ne, ngɔpena ye boso, yeɛ bɔ bafoa ye maa wahɔ ne, ngɔɔfa ye ngɔwa. Bɔ wabubu ne, ngɔbɔ ye borɛ, bɔ ɔnde apɔ ne, ngɔsa ye anwonyerɛ; na bɛ bɔ balɔ bɔ bɛ nwo yɛ se ne wora, ngɔnea bɛ so; na ngɔfa pɛpɛɛpɛyɛlɛ yeɛ ngɔnea bɛ so ɔ.

Hosea 11:8

Ao Efraim, ɔkɔyɛ sɛɛ né maye wɔ mama? Ao Yisrael, ɔkɔyɛ sɛɛ né maye me sa mafi wɔ bo? Ɔkɔyɛ sɛɛ né masɛkye wɔ kyɛ Adema? Ɔkɔyɛ sɛɛ né mabɔ wɔ tɔɔ kyɛ Seboyim? Me nyaa woso wɔ me kunu, ao, m’anwumvoinnwunɛ ayɛ piri paa.

Hosea 2:14

Yiti tie, ngɔma me hurolɛ kɔwa ye nu, ngɔfa ye ngɔhɔ ɛserɛ so, na ngɔhã ɛkorɔkorɔlɛ dwirɛ ngohyire ye.

Hosea 2:9

Yiti ngosa ngɔwa ngoole m’aburoo wɔ ye buberɛ nu, yeɛ me nzaa wɔ ye mmerɛ nu, na ngosa ngole me kundu ne me gyese bɔ mva ngatale ye nwo ne.

Amose 5:15

Ɛmɔhyi bɔne ná ɛmɔhuro bɔ ɔte paa ɔ. Ɛ́mɔbua ndɛen turoloo wɔ nekaa bɔ bedi dwirɛ ne. Ebiaa AWURADE Asafo Nyameɛ, okonwu Yosef boso ama ngaa nemɔ anwumvoin.

Mika 4:4

Ebiala kɔtena ye bobe ne ye borɔdoma bakaa bo, na ebiala ngonwunanwuna bɛ, ofikyɛ Asafo AWURADE bɔbɔ yeɛ wate ye noa wahã ɔ.

Mika 4:7

Na ngɔma mmubuafoɛ nemɔ kɔyɛ mmenia bɔ baha ɔ, yeɛ bɛ bɔ bapɛ bɛ asue ne, ngɔmaa bɛkɔyɛ anwoserɛ maen; na AWURADE koli bɛ so hene wɔ Sion bokaa so kekesaala ye ne afebɔɔ.

Mika 5:7

Na Yakob boso ama ngaa ne, bɛkɔyɛ kyɛ bosue bɔ ofi AWURADE berɛ ɔ wɔ maen maen pee bɛ nu, kyɛ nyenyenzue bɔ ogua ndire so ɔ, bɔ ɔmva ye nwo ndo sona so, anaa ɔnnwondɛ adasa mmaa ɔ.

Mika 5:8

Na Yakob boso ama ngaa ne, bɛkɔtena amaenmaensofoɛ nu wɔ maen maen pee bɛ nu, kyɛ gyata bɔ ɔwɔ ɛhɔayeɛ nu ngaka mɔ nu ɔ, kyɛ gyata ba bɔ ɔwɔ mmoaen kure mɔ nu ɔ, bɔ sɛ ɔbaasẽ kɔ a, otiatia bɛ so, ná ɔtete bɛ nu pasapasa bɔ ebiala nne berɛ bɔ ɔkɔpepɛ kole bɛ ɔ.

Mika 6:14

Ekodidi, nakoso wɔ ko ngoyi; ɛhɔen kandinga kɔwa wɔ wɔ nu, ɛkɔfa nningyein kosie, nakoso ɛngɔhora ngɔbɔ ye nwo waen; nakoso bɔ ɛkɔbɔ ye nwo waen ne, ngɔmaa okofi wɔ sa wɔ koɛ nu.

Mika 7:13

Nakoso aseɛ ne kɔkakyi kurofoen, ɔnate so ama nemɔ ati, ɔnate bɛ yɔleɛ ti.

Sakaria 10:6

“Ngɔma Yuda awuro ama b’ahone kɔyɛ se, na ngɔpepɛ ngole Yosef awuro ama. Ngosa ngɔfa bɛ ngɔwa ngɔɔbɔ bɛ atenaseɛ, ofikyɛ manwu bɛ anwumvoin, ngɔyɛ bɛ kyɛ nna bɛ yeɛ mbole bɛ ne, ofikyɛ me ole AWURADE bɛ Nyameɛ, na ngotie bɛ sufrɛ.

Mateo 1:21

Ɔkɔwo baa bienzua, né ato ye dumaa Yesu, ɔnate kyɛ ye yeɛ okole ye mmenia kofi bɛ bɔne nu ɔ.”

Mateo 12:50

Ofikyɛ ebiala bɔ ɔkɔyɔ me Baba bɔ ɔwɔ nyameɛso n’apɛdeɛ nen, ye yeɛ ɔte nniɛma bienzua ne nniɛma brasua ne me maame ɔ.”

Mateo 25:40

Na Ɛhene ne kobua bɛ kyɛ, ‘Amba, mekã mekyire ɛmɔ kyɛ, kyɛ ɛmɔyɔ bɛmane nniɛma hemɔ anu kaaba ko po nen, me yeɛ ɛmɔyɔ bɛmane me ɔ!’

Romanfoɛ 8:29

Bɛ bɔ onwuni bɛ siele ne, osa tuli bɛ siele berɛ, kyɛ benya Ɔwa ne sue ne bie, amaa ɔnate so wayɛ aliɛmaa mɔ pee nu bamuɛbaa.