Mika 5:2 - AHYERƐLƐ KRONGRON

² Nakoso wɔ, ao Betlehem Efrata, ɔwɔ nu kyɛ ɛte kãa wɔ Yuda nguro nemɔ anu de, nakoso bɔ ɔkɔyɛ Yisrael maenbulɛniɛ ne, bɔ ye ahyɛaseɛ fi tete, bɔ ofi mmerɛ bɔ olle ahyɛaseɛ ne, wɔ yeɛ okofi wɔ nu kɔwa kɔma me ɔ.

Mika 5:2 Iomraidhean Croise

Gyenesise 35:16

Afei befili Betel. Na ɔka kãa maa bedwu Efrate ne, aworɛ hane Rahɛl, na ye aworɛ ne anu yɛle se.

Gyenesise 35:19

Yiti Rahɛl wuli, na besiele ye wɔ Efrate (bɔ besa bɛfrɛ ye Betlehem) atee ne aso dɔ.

Gyenesise 48:7

Ofikyɛ mvi Padan méba ne, atee nu, ɔhale kãa maa yɛdwu Efrate ne, Rahɛl wuli Kanaan aseɛ so mane me wora bɔle, na nziele ye wɔ Efrate (bɔ ye ole Betlehem) atee nu.”

Gyenesise 49:10

Ɛhɔtɔ ngofi Yuda sa nu, yeɛ ahennie pɔmaa ngofi ye gya afia, kɔpem kyɛ mmenia kotua ndɔ bɛkɔma ye ɔ, kɔpem kyɛ maen maen kɔyɛ sotie bɛkɔma ye ɔ.

1 Aberɛso Dwirɛ 2:54

Salma boso ama mɔ ɛhe: Betlehemfoɛ, Netofafoɛ, Atrote Bete Yoabo, Manahatefoɛ nemɔ bɛ bue, yeɛ Sorifoɛ.

1 Aberɛso Dwirɛ 4:4

Penuel wole Gedɔ, yeɛ Esere wole Husa. Efrata bamuɛbaa Hure, bɔ yeɛ ɔte Betlehemfoɛ bɛ nana ne, ye boso ama mɔ ɛne.

1 Aberɛso Dwirɛ 5:2

Ɔwɔ nu kyɛ, Yuda ɔɔyɛle titire wɔ oliɛma nemɔ anu, bɔ sona bɔ otua maen ne noa ne, ye nu yeɛ ofi wale ɔ. Nakoso bamuɛbaa dibea ne, ɔɔyɛle Yosef deɛ.)

Edwein 132:6

Amba, yɛtele ye wɔ Efrata; yɛnwuni ye wɔ ɛhɔayeɛ aseɛ ne aso.

Edwein 90:2

Anzana ɛbaabɔ mmokaa mɔ ne, anaa ɛbaahyehyɛ aseɛ ne wiase ne, ofi tete bɔ ɔkwaadwu afebɔɔ, ɛte Nyameɛ.

Ɛksadɔso 18:21

Afei koso, neanea mmenia ne amukoraa nu, ná ye mmenia bɔ bɛfata, bɔ besuro Nyameɛ, bɔ bedi nahorɛ, bɔ bekyi fea-ase-ma, ná maa bɛlela mmenia apee apee, ɛyaa ɛyaa, aburannu aburannu ne buru buru noa.

Ɛksadɔso 18:25

Mose neaneane Yisraelfoɛ amukoraati nu yeyele bɛ bɔ bɛfata ɔ, na ɔbɔle bɛ panyi wɔ mmenia ne aso maa bɛlelale mmenia apee apee, ɛyaa ɛyaa, aburannu aburannu ne buru buru noa.

Yesaya 11:1

Bakaa ye nye bie kopukye kofi Yese dosii ne anu, na mmaen bie kofifi kofi ye ndii nemɔ anu kosu mmaa.

Yesaya 53:2

Ofikyɛ ofifili kyɛ bakaa horɔhorɔ bie wɔ ye nyunu, kyɛ ndii bɔ wafifi wɔ aseɛ wosee nu ɔ. Wannya sue anaa animnyam bɔ ɔkɔmaa yɛkɔnea ye ɔ, yeɛ wannya anwonyemene bɔ ɔkɔmaa yɛkohuro ye dwirɛ ɔ.

Yesaya 55:4

Tie, mafa ye mayɛ adanzeɛ mama maen maen mɔ, ɔte maen maen mɔ bɛ safohene, ɔne bɔ ɔla bɛ noa ɔ.

Yesaya 7:14

Yiti AWURADE bɔbɔ kɔma ɛmɔ sɛngyerɛnneɛ. Ɛ́mɔtie! taluwa bie kɔnwonzɛ kɔwo baa bienzua, na ɔkɔto ye dumaa Yimanuel.

Yeremia 30:21

Bɛ bɔbɔ bɛ nu yeɛ b’atitirefoɛ kofi ɔ, yeɛ bɛ maenbulɛniɛ ne koso kofi bɛ nu. Ngɔmaa ɔkɔhwe kopingye, na okopingye me; ofikyɛ nwa yeɛ ɔkɔhora kosi ye hue kopingye me ɔ? AWURADE noa dwirɛ ɛne.

Hosea 6:3

Ɛ́mɔma yɛnwu ye, ɛ́mɔma yɛpere yɛpena AWURADE nwo nimdeɛ. Ye walɛ ne, osi pi kyɛ ngyerɛmɔ; na ɔkɔwa yɛ berɛ kyɛ esue, kyɛ bamborɔ bɔ ɔtɔ gua aseɛ so ɔ.”

Amose 9:11

“Sɔ kyẽa ne, Dawide ɛtena sua bɔ watɔ ase ne, ngɔpagya ngosie berɛ, na ngɔpomba ye nekaa bɔ wasunzua nemɔ; ngɔpagya bɔ wabubu wagua ase ne ngogyina berɛ, ná masa masi ye kyɛbɔ né ɔte daa tete ne ala;

Mika 4:10

Ao Sion awa brasua, pene ná twe wɔ nwo kyɛ brasua bɔ wafo aworɛ so ɔ, ofikyɛ afei de, ekofi kuro ne anu kɔhɔ kɔɔtena eburo; na ɛkɔhɔ Babilɔn, berɛ yeɛ AWURADE kɔpepɛ kole wɔ ɔ; berɛ yeɛ AWURADE kɔpɔ wɔ kofi wɔ pɔfoɛ mɔ sa nu ɔ.

Sakaria 13:7

O ngrandɛ, dwɔso tia me mmoaenneafoɛ ne, ɔne sona bɔ ɔte me nwoniɛ ne,” Asafo AWURADE noa dwirɛ ɛne. “Pura mmoaenneafoɛ ne, na mmoaen ne kɔbɔ aya, na ngɔkakyi me sa ngɔhɔ mmaa mmaa nemɔ aso.

Sakaria 9:9

O Sion awa brasua, di ahurusi paa! O Yerusalem awa brasua, bɔ ese! Tie, wɔ Hene ne ɔ́ba wɔ berɛ, ɔtengyɛ, na ye yeɛ ngoalelɛ wɔ ye berɛ ɔ, odwo, na ɔte afunum so, afunum akrɔngrɔma so, bɔ ɔte afunum beleɛ ɔ.

Mateo 2:1

Mmerɛ bɔ bɛwole Yesu wɔ Betlehem bɔ ɔwɔ Yudea, wɔ ɛhene Herode aberɛ so nen, nworɛfoɛ biemɔ fili eyia afiteleɛ maen nu dɔ bɛwale Yerusalem,

Mateo 2:6

‘Wɔ, Betlehem bɔ ɛwɔ Yuda aseɛ so ɔ, wɔ dibea wɔ Yuda atitirefoɛ nu ɔtte ba; ɔnate kyɛ wɔ nu yeɛ maenbulɛniɛ bɔ ɔbaanea me maen Yisrael so ne okofi kɔwa ɔ.’ ”

Mateo 28:18

Yeɛ Yesu pingyele bɛ nwo berɛ sele bɛ kyɛ: “Bafa nyameɛso ne aseɛ so tumi amukoraati bawura me sa.

Luka 23:2

Na bɛhyɛle ye bo bɛbɔle ye kwaadu kyɛ, “Akoaa he, yɛhyele ye kyɛ ɔbɔ yɛ maen ne anwo tokuro, na ɔbera mmenia kyɛ nnɛmaa betua toɔ bɛma Kaesare; afei koso, ɔnwa ye ala ole Ɛhene Kristo ne.”

Luka 23:38

Na bɛhyerɛle edwirɛ bie bɛbɔle ye ti so anwuro kyɛ: Yudafoɛ Hene ne ɛhe.

Yohane 7:42

Ahyerɛlɛ ne, aso wanga kyɛ Kristo ne kɔyɛ Dawide bosoniɛ, na Betlehem kuro bɔ Dawide tenane so ne anu yeɛ okofi ɔ?”

Deuteronomi 1:15

Yiti mvale ɛmɔ mmusua kure nemɔ anu atitirefoɛ nworɛfoɛ bɔ mmenia bu bɛ ɔ, na mmɔle bɛ panyi wɔ ɛmɔ koɛhonɛfoɛ nu mmenia apee apee, ɛyaa ɛyaa, aburannu aburannu ne buru buru so, na mmane ebiemɔ koso lelale ɛmɔ mmusua ne amukoraati noa.

Kolosefoɛ 1:17

Ye yeɛ né ɔwɔ berɛ koraka yeɛ bɛbɔ nikyee biala ɔ, na ye yeɛ otira bɛ mukoraa bɛ ngoa nyamaa nu ɔ.

Hebrifoɛ 13:8

Kyɛbɔ Yesu Kristo te anoma nen, sɔ ala yeɛ ɔte ɛnɛ, ɔne afebɔɔ ɔ.

Hebrifoɛ 7:14

Na ebiala se ye pefee kyɛ y’Awurade fi Yuda abusua nu; yeɛ Mose koso ammɔ sɔ abusua kure he dumaa wammata sɔfolilɛ nwo.

1 Yohane 1:1

Bɔ ɔwɔ berɛ fi ahyɛaseɛ ne, bɔ yate, bɔ yafa yɛ nye yanwu ye, bɔ yanea, ná yafa yɛ sa yahã ye, bɔ ɔfa ngoa dwirɛ ne anwo ne;

Nyekyire 19:16

Né ole dumaa bie bɔ bahyerɛ ye wɔ ye ataadeɛ nu ne ye sɔ nwo kyɛ, “Ahemvo mɔ nu Hene ne meneɛ mɔ nu Meneɛ.”

Nyekyire 2:8

“Kyerɛ kɔma Simina asɔre ne anu abɔfo ne kyɛ: Bɔ ɔte ahyɛaseɛ ne ayieleɛ, bɔ owuli ná osa te ase ne, ye noa dwirɛ ɛhe:

Nyekyire 21:6

Na osele me kyɛ, “Wayie! Me ole Alfa ne Omega, Ahyɛaseɛ ne Ayieleɛ. Ebiala bɔ nzuhɔen ku ye ne, ngɔfa ngoa asue ti nu nzue ngɔma ye kyɛkyɛ.

Maenbulɛfoɛ 17:7

Né aberandeɛ bie fi Betlehem bɔ ɔwɔ Yuda. Ofi Yuda abusua nu. Ɔte Lewiniɛ bɔ waatena berɛ ɔ.

Rutu 1:1

Mmerɛ bɔ né maenbulɛfoɛ yeɛ bɛla Yisraelfoɛ bɛ noa ne, ɛhɔen piri bie wale maen ne anu. Na biaa bie bɔ ofi Betlehem bɔ ɔwɔ Yuda ɔ otu ɔɔtenane Moabo aseɛ so. Ɔne ɔye ne ye mma mmienzua nyɔ yeɛ bɛhɔle ɔ.

Rutu 4:11

Yeɛ mmenia bɔ né baayia pambim ne anu berɛ ne amukoraa, bɛ ne mbanyi nemɔ bebuale kyɛ, “Yɛdi adanzeɛ. Braa ye bɔ ɛkwaagya ye ba w’awuro ne, AWURADE ma ɔyɛ kyɛ Rahɛl ne Lea, bɔ bɛ munyɔ yeɛ besuli Yisrael awuro ama nen. AWURADE ma wɔ boso trɛ wɔ Efrata, ná ɛyɛ sona titire wɔ Betlehem.

1 Samuel 10:19

Nakoso ɛnɛ de, ɛmɔapo ɛmɔ Nyameɛ bɔ ode ɛmɔ fi ɛmɔ amaneɛ mukoraa ne ɛmɔ anwokyere mukoraa nu ne, na ɛmɔaha bahyire ye kyɛ, ‘Daabi, si hene ma yɛ.’ Ye sɔ ne ati, ɛmɔbra beegyina AWURADE nyunu abusua kure abusua kure ne mmusua mmusua.”

1 Samuel 17:12

Dawide baba li Yese. Ɔte Efrateniɛ. Ofi Betlehem bɔ ɔwɔ Yudea. Né Yese le mmaa mmienzua mmɔtwɛ. Na Sɔɔlo aberɛ so ne, né sɔ biaa ne wanyi wayɛ aworowaa.

1 Samuel 17:18

Na nandwie nyɔfonesue bɔ babɔ ye kunguma buru he koso, fa kɔma bɛ safohene bɔ ɔla koɛhonɛfoɛ apee ko noa ne. Nea kyɛbɔ eliɛma nemɔ bɛ nwo si te ɔ, ná fa bɛ nwo nikyee bie baahyire me maa nwu kyɛ bɛte ase.”

1 Samuel 23:23

Ɛmɔɔpena benwu ye afealeɛ ne amukoraa, ná ɛ́mɔfa ye nwo amaneɛ pɔtee bɛɛbɔ me. Ɔba ye sɔ a, me ne ɛmɔ yɛkɔhɔ. Na sɛ ɔwɔ mbɔtam berɛ angome de a, ye de ngɔpena ye wɔ Yuda mmusua amukoraa nu.”

1 Samuel 8:12

Ɛmɔ mma nemɔ, ɔkɔbɔ ebiemɔ safohene maa bɛkɔlela mmenia apee apee noa, ɔne mmenia aburannu aburannu noa. Ɔkɔma ebiemɔ kɔso ye boo, ná wama ebiemɔ abu ye fieso aleɛ. Na ye akodeɛ ne ye teaseɛnam mɔ koso, ɔkɔhyɛ bɛ maa bɛkɔyɔ.