Mika 5:13 - AHYERƐLƐ KRONGRON

¹³ Ngɔsɛkye w’amoen mɔ pasaa, yeɛ ngɔsɛkye w’amoen bɔ agyinagyina nemɔ koso ngofi wɔ nu, na ɛngɔsɔne wɔ sa noa adwuma ko.

Mika 5:13 Iomraidhean Croise

Yesaya 2:18

Amoen amukoraa bɛ boso komini.

Yesaya 2:8

Mmosoen ayi b’aseɛ ne aso tɛkyɛ; bɛsɔne bɛ sa noa adwuma, nningyein bɔ bafa bɛ bɔbɔ bɛ sa bayɔ ɔ.

Yesaya 27:9

Yiti ɔnate ɛhe aso, okokyikyi Yakob amumuyɛɛ kofi berɛ, na ye bɔne bɔ baye bafi berɛ ne, so mmaa mukoraa bɔ okosu ɛhe: Okobubu afɔleɛ bokyea nyɔboɛ ne amukoraa, okofurofuro bɛ koti bɛ muhumuhu kyɛ nnɛterɛ, bɔ Asera dosii ne ɛyɛɛ bokyea biala ngogyinagyina berɛ ko ɔ.

Hesekiel 16:41

Bɛkɔto wɔ sua mɔ nu see, na bɛkɔhwe wɔ so bɔ mmrasua pee bɛ nye tua ɔ. Ngɔmaa ɛkɔyakyi gyanderabɔlɛ ne, na ɛngɔhyɛ nikyee ko.

Hesekiel 36:25

Ngɔfa nzue gyengɔgyengɔ ngɔpete ɛmɔ nwo, na ɛmɔ nwo kɔte kofi ɛmɔ nwo bɔ ɔnde ne amukoraa nwo, na ngɔte ɛmɔ nwo ngofi ɛmɔ mmosoen amukoraa nwo.

Hesekiel 37:23

Bɛngɔfa bɛ mmosoen ne b’akyiwadeɛ nningyein anaa bɛ mmeraatolɛ biala bengogua bɛ nwo fiɛ ko. Na mmom ngɔpepɛ ngole bɛ ngofi bɛ makyebu amukoraa bɔ bali bafa bayɛ bɔne ne anwo; ngɔte bɛ nwo, na bɛkɔyɛ me maen, ná me wora mayɛ bɛ Nyameɛ.

Hesekiel 6:9

Na ɛmɔ nu mmenia bɔ bekonya bɛ ti bekodidi nu ne, bɛkɔkaye me wɔ maen maen bɔ bahye bɛ nnure bahɔ so nemɔ aso, ofikyɛ ngɔbrɛ b’adwaman ahone bɔ wapo me ne ase, yeɛ ngosi bɛ nye bɔ bɛfa bɛbɔ adwaman bedi bɛ mmosoen mɔ si ne. Na bɔne bɔ bayɔ, ɔne akyiwadeɛ mukoraa bɔ bayɔ ne, ɔkɔma bɛ bɔbɔ bɛ nwo kɔyɛ bɛ tɛ.

Hosea 10:2

B’adwene ayɛ ndaa ndaa, afei odi kyɛ bɛsoa bɛ mvomsoɛ; AWURADE kobubu b’afɔleɛ mmokyea mɔ, na ɔkɔsɛkye b’amoen nemɔ.

Hosea 14:3

Asiria ngɔpepɛ ngole yɛ, yɛngɔtenatena mbɔngɔ so, yeɛ yɛngɔhã ngohyire yɛ sa noa nnwumaa ko kyɛ, ‘Ɛmɔte yɛ nyameɛ mɔ’, ofikyɛ wɔ nu yeɛ ayisiaaniɛ onya anwumvoinnwunɛ ɔ.

Hosea 14:8

Ao Efraim, nzikyɛ yeɛ me ne mmosoen yɛle ye yɛyɔ bieku ɔ? Me yeɛ mema ye mmuayɛɛ, ná menea ye so ɔ; nde kyɛ ɛframmire monɛ bɔ ye nyaa mboro ɔ, na me so yeɛ enya wɔ mmakaammaa ɔ.

Nahum 1:14

AWURADE ahyɛ wɔ nwo mmeraa kyɛ, “Wɔ dumaa komini kofi aseɛ ye aso: Na mmosoen bɔ base ne mmosoen bɔ bahuro nikyee bafa bayɔ ne, ngɔpra bɛ bo ngofi wɔ nyameɛ mɔ b’awuro. Ngofu w’asieleɛ, ofikyɛ wɔ nwo ayɛ fitii.”

Sefania 1:4

“Ngɔtengyɛ me sa ngɔhwe Yuda so, yeɛ Yerusalemfoɛ amukoraa bɛ so; na ngokyikyi Baal nwo nikyee biala bɔ waha ɔ ye boso, ɔne ahɔmeɛ ne asɔfo bɔ bɛso bosoen ɔ bɛ dumaa boso ngofi wa;

Sakaria 13:2

“Sɔ kyẽa ne, ngonunu mmosoen dumaa boso ngofi aseɛ ne aso, bɔ ɔnate so bɛngɔkaye bɛ ko ɔ; yeɛ ngotu ngɔmhyɛlɛfoɛ ne sunzum tɛɛ bo ngofi aseɛ ne aso, Asafo AWURADE noa dwirɛ ɛne.

Nyekyire 9:20

Nakoso adasa mmaa ngaa bɔ ɛhawo hemɔ wangukũ bɛ ne, banzakyera b’adwene bamvi bɛ sa noa nnwumaa nwo, banyakyi sunzummɔne mɔ sɔnenɛ, yeɛ banyakyi sikaa kɔkorɛ, ɛdwetɛ, kɔɔbere, nyɔboɛ ne bakaa amoen mɔ bɔ bɛngora bennwu nikye, anaa bɛnde dwirɛ, anaa bɛnnate ɔ sɔnenɛ;

Maenbulɛfoɛ 18:17

mmienzua nnu bɔ bɛɛtetɛle aseɛ ne, bɛhɔle awuro berɛ bɛɛsesale buralɛ amoen ne, ɔsɔfo ataadeɛ ne ɔne abusua amoen nemɔ. Né ɔsɔfo ne, ɔne mmienzua ɛyaa nzia bɔ betiratira akodeɛ ne, begyigyi pambim ne anoa nu berɛ.