Mika 5:11 - AHYERƐLƐ KRONGRON

¹¹ Ngɔbɔ w’aseɛ ne aso nguro mɔ, na ngodwiri w’anwoserɛ afealeɛ ne amukoraa ngogua.

Mika 5:11 Iomraidhean Croise

Yesaya 1:7

Ɛmɔ maen ne abɔ, bafa see bayera ɛmɔ nguro nemɔ, amanvrafoɛ bɛfẽ ɛmɔ fieso aleɛ bɛfa bɔ ɛmɔ nye tua ɔ; wabɔ, kyɛbɔ ɛwɔfoɛ mɔ basɛkye ye ne.

Yesaya 2:6

Amba, apo wɔ mmenia, Yakob boso ama nemɔ, ofikyɛ eyia afiteleɛ ahɔmeɛ bɛ ne Filisti ngonyaayelɛfoɛ bayi maen ne anu tɛkyɛ, na Yakob boso ama nemɔ, bɛ ne maen maen mɔ nu ama yeɛ bɛbɔ afɛ ɔ.

Yesaya 27:9

Yiti ɔnate ɛhe aso, okokyikyi Yakob amumuyɛɛ kofi berɛ, na ye bɔne bɔ baye bafi berɛ ne, so mmaa mukoraa bɔ okosu ɛhe: Okobubu afɔleɛ bokyea nyɔboɛ ne amukoraa, okofurofuro bɛ koti bɛ muhumuhu kyɛ nnɛterɛ, bɔ Asera dosii ne ɛyɛɛ bokyea biala ngogyinagyina berɛ ko ɔ.

Yesaya 6:11

Yeɛ mmisale kyɛ, “O AWURADE, ɛhe kɔhɔ so alaa maa okoodwu kyinzu?” Na obuale kyɛ, “Kɔpem kyɛ nguro kɔkakyi kurofoen bɔ sona nne so ɔ, ɔne kyɛ awuro mɔ kɔkakyi dandue bɔ sona nne nu ɔ, ɔne kyɛ aseɛ ne kɔsɛkye bɔkɔɔ kɔla berɛ mbaen ɔ,

Awuye 2:2

AWURADE asɛkye Yakob atenaleɛ amukoraa, na wannwu bɛ anwumvoin. Ye yaafɛlɛ nu, wadwiri Yuda awa brasua n’anwoserɛ afealeɛ mɔ wagua ase. Wahã bɛ wagua ase, wagua ahennie ne, ɔne nu mbanyi mɔ nwo fiɛ.

Hesekiel 38:11

na ekose kyɛ, ‘Ngootua maen bɔ fasue nne ye nguro mɔ nwo ne, ngɔɔfa koɛ ngɔtoa mmenia bɔ bɛte berɛ konn asomdwee nu ne, bɔ bɛ mukoraa bɛtete nguro bɔ fasue nne bɛ nwo ɔ nu, bɔ belle pambim anaa mmuralɛ bɔ ɔbrambram pambim si ɔ;

Hosea 10:14

Yiti koɛ nu bagyabagya kodwɔso wɔ wɔ maen ne anu, na bɛkɔsɛkye w’anwoserɛ afealeɛ ne amukoraa, kyɛbɔ Salman sɛkyele Bete Arabel wɔ koɛhonɛ kyẽa ne anu ne; bɛtele niɛ mɔ beefini mmaa mɔ so maa niɛ nemɔ anu tetele pasapasa.

Amose 5:9

Ye bɔ obubu anwoserɛfoɛ maa bɛyɛ mmerɛ ndɛndɛ so, ná obubu anwoserɛ afealeɛ mɔ ɔ.

Sakaria 4:6

Na obuale me kyɛ, “AWURADE dwirɛ bɔ ɔkã kyire Serubabɛl ole kyɛ: Nna anwoserɛ ɔ, yeɛ nna tumi ɔ, na mmom me Sunzum ɔ. Asafo AWURADE noa dwirɛ ɛne.