Mika 5:1 - AHYERƐLƐ KRONGRON

¹ Ao koɛhonɛfoɛ awa brasua, afei boa wɔ noa koɛhonɛfoɛ kure kure; watua yɛ kuro ne; Yisrael maenbulɛniɛ ne, bɛkɔfa bakaa bɛkɔbɔ ye mvoka.

Mika 5:1 Iomraidhean Croise

Gyenesise 35:19

Yiti Rahɛl wuli, na besiele ye wɔ Efrate (bɔ besa bɛfrɛ ye Betlehem) atee ne aso dɔ.

Gyenesise 49:10

Ɛhɔtɔ ngofi Yuda sa nu, yeɛ ahennie pɔmaa ngofi ye gya afia, kɔpem kyɛ mmenia kotua ndɔ bɛkɔma ye ɔ, kɔpem kyɛ maen maen kɔyɛ sotie bɛkɔma ye ɔ.

1 Ahemvo 22:24

Yeɛ Kenaana awa Sedekia ɔwale Mikaya nwo berɛ ɔɔbɔle ye so anu, na obisale kyɛ, “Aso AWURADE Sunzum kosa me nwo kodwudwo kohyire wɔ?”

2 Ahemvo 24:2

Na AWURADE somane koɛhonɛfoɛ ɛlɔen fili Kaldeafoɛ, Siriafoɛ, Moabofoɛ ne Amonfoɛ nu maa bɛhɔle Yehoakim so. Ɔmaa bɛɛfale koɛ bɛtetale Yuda maen ne kyɛ bɛsɛkye ye, kyɛbɔ AWURADE dwirɛ bɔ ɔnate ye somvoɛ ngɔmhyɛlɛfoɛ so hane ne, ɔte ne ala.

YOB NWOMAA NE 16:10

Batu bɛ noa bagua me so, babobɔ me so anu bagoro me nwo, na bɛboa bɛ noa bɛko betia me.

Anyandera 8:23

Ɔhyehyɛle me fili tetetete, ɔ́hyɛ ye bo ne, koraka yeɛ ɔ́bɔ aseɛ ɔ.

Yesaya 10:6

Maen bɔ benzuro Nyameɛ yeɛ masoma ye kyɛ ɔɔhwe bɛ so ɔ, mahyɛ ye kyɛ ɔɔhwe maen bɔ mafɛ ye so yaa piri paa ne so, kyɛ ɔɔfẽ ye nningyein ɔfa yɛ koɛ nu nzesadeɛ, ná otiatia bɛ so te kyɛ dwaaso nnɛterɛ.

Yesaya 33:22

Ofikyɛ AWURADE yeɛ ɔte yɛ ndɛenbualɛniɛ ɔ, AWURADE yeɛ ɔte yɛ mmeraahyɛlɛniɛ ɔ, AWURADE yeɛ ɔte yɛ hene ɔ, na ye yeɛ ɔkɔpepɛ kole yɛ ɔ.

Yesaya 8:9

Maen maen mɔ, ɛmɔ de, ɛ́mɔhã ɛmɔ nwo bɛbɔ nu, nakoso ɛmɔkoli ngoguo, dedeede maen mɔ amukoraa, ɛ́mɔyɛ asoɛ bétie, ɛ́mɔyɛ koɛ nu anwoboa, nakoso ɛmɔkoli ngoguo, ɛ́mɔyɛ koɛ nu anwoboa, nakoso ɛmɔkoli ngoguo.

Yesaya 9:5

Ofikyɛ mbaboa biala bɔ koɛhonɛniɛ wafa watia ase kum kum ne, ɔne ataadeɛ biala bɔ bafa bafɔrefɔre mogya ne, bɛkɔfa bɛkɔyɛ eyein bɛkɔsɔ see.

Yeremia 25:9

yiti ɛ́mɔtie, ngɔsoma maa bɛkɔɔfa sorɔ dɔ mmusua amukoraa ne me somvoɛ Babilɔn hene Nebukadenesa bɛkɔwa, AWURADE noa dwirɛ ɛne, na ngɔfa bɛ ngɔwa maa bɛkɔho bekotia maen he, ɔne so ama, ɔne maen hemɔ amukoraa bɔ bapɛ ye nwo bayia ɔ. Ngohũhũ bɛ pasaa, ná mamaa bayɛ anwodwiri nikye, maen bɔ mmenia sobi bɛ noa gua bɛ so ɔ, ɔne kurofoen afebɔɔ.

Yeremia 4:7

Gyata bie afi ye sosorɛ bo wafite, na maen maen sɛkyelɛniɛ ne, waye ye ti ɔba; wafi ye atenaleɛ berɛ ɔba, kyɛ ɔbaabɔ wɔ maen ne; na wɔ nguro nemɔ kɔkakyi kurofoen, bɔ sona biala ngɔtena so ɔ.

Awuye 3:30

Odi kyɛ ɔkakyi ye so taa nu ma sona bɔ ɔkɔbɔ ye so anu ne, ná ɔmaa bɛbɔ ye alapaa pasaa.

Hesekiel 21:32

Bɛkɔfa wɔ bɛkɔkakyi eyein bekohua see, bɛkɔhã wɔ mogya bekogua wɔ aseɛ ne aso, na bɛngɔkaye wɔ ko, ofikyɛ me, AWURADE, me yeɛ mahã ɔ.’ ”

Hesekiel 24:2

“Sona awa, kyerɛ ɛnɛ kyẽa ye dumaa to berɛ, ɛnɛ kyẽa ye ala. Babilɔn hene watua Yerusalem ɛnɛ kyẽa ye.

Daniel 9:25

Yiti hyɛ ye nzorɛ ná te ye bo kyɛ, ofi mmerɛ bɔ ahyɛdeɛ ne wale kyɛ bekosa bɛkɔkyekye Yerusalem bɔ ɔkwaadwu mmerɛ bɔ Titireniɛ bɔ bapopa ye ngoo ne kɔwa ne, ɔte afoɛ nzoo. Bɛkɔfa afoɛ nzoo sɔ alaa aburasia ne nyɔ yeɛ bekosa bɛkɔkyekye ye mmorɔnoɛ ne ye fasue ne ɔ, nakoso ɔkɔyɛ amaneɛ mmerɛ.

Yoel 3:9

“Ɛ́mɔbɔ ɛhe dawure wɔ Amaenmaensofoɛ mɔ nu kyɛ, Ɛ́mɔhyehyɛ koɛ, ɛ́mɔkanyane koɛhonɛfoɛ nemɔ. Ɛ́mɔma koɛhonɛfoɛ nemɔ amukoraa bɛbɔ bepingye; ɛ́mɔma bɛfo bɛbra.

Amose 2:3

Ngɔpɛ ye maenbulɛniɛ ne asue ngofi ye nu, na ngohũhũ atitire nemɔ amukoraa ngɔboka ye so,” AWURADE noa dwirɛ ɛne.

Habakuku 1:6

Ofikyɛ tie, mékanyane Kaldeafoɛ, sɔ atianuserɛ maen bɔ bɛ nwo yɛ nyera ne, bɔ bɛnate bɛfa aseɛ ye aso amukoraa bɛfa atenaleɛ mɔ bɔ nna bɛ deɛ ahɔ ɔ.

Habakuku 3:16

Ndele nen, me kunu tele me; komviɛ ne mane me noa kekã bɔle so. M’aporɛ nu yɛle me hodwoo, na me nwo wosowosole me. Nakoso ngɔyɛ konn ngɔnwondɛ amaneɛnwunɛ kyẽa ne, kyɛ ɔkɔwa maen bɔ wafa koɛ waateta yɛ ne aso ɔ.

Mateo 26:67

Afei bɛfefele nwɔserɛ beguale ye nyunu, bɛbobɔle ye, yeɛ ebiemɔ bobɔle ye nye so

Mateo 27:30

Bɛfefele nwɔserɛ beguale ye nwo, na belele ye sa nu elemmire ne bɛfa befifini ye ti anu.

Mateo 5:39

Nakoso me de, mekã mekyire ɛmɔ kyɛ, nnɛma ɛmɔfa bɔne betua ebie bɔ wayɔ ɛmɔ bɔne ɔ so kerɛ. Sɛ ebie pakye wɔ nye famaa so a, kakyi bɛen ne koso ma ye.

Yohane 18:22

Na Yesu hane sɔ nen, asomvoɛ mɔ bɔ begyigyi berɛ ne, bɛ nu ko bɔle ye nye so, na ɔhane kyɛ, “Sɔ yeɛ ɛ́ma ɔsɔfo panyi paa ne mmuayɛɛ ɔ?”

Yohane 19:3

Bɛwale ye nwo berɛ, na besele kyɛ, “Yudafoɛ Hene, wɔ ngoa so oo!” Na bɛbobɔle ye nye so.

Asomafoɛ 23:2

Na ɔsɔfo panyi paa Anania hyɛle bɛ bɔ begyigyi Pɔɔlo nwo berɛ ne kyɛ befi ye noa so.

2 Korintofoɛ 11:20

Na sɛ ebie fa ɛmɔ yɛ ngoaa, anaa odi ɛmɔ aminɛ, anaa osisi ɛmɔ, anaa ɔmoma ye nwo so, anaa ɔpakye ɛmɔ nye so po a, ɛmɔnya ye nwo aboterɛ.

Deuteronomi 28:49

AWURADE kɔma maen bie bɔ ɔwɔ dedeede, bɔ ofi aseɛ noa dɔ ɔ, ɔkɔɔto kɔhye wɔ kyɛ kɔleɛ. Ɔkɔyɛ maen bɔ ɛnde ye dwudwolɛ ɔ,

Deuteronomi 33:27

Ɛdangama Nyameɛ te w’afealeɛ, ɛfea ye sa afebɔɔ ne abo, Ɔfoane pɔfoɛ ne fili wɔ nyunu, na ɔhane kyɛ, ‘Kuku bɛ!’

Maenbulɛfoɛ 17:7

Né aberandeɛ bie fi Betlehem bɔ ɔwɔ Yuda. Ofi Yuda abusua nu. Ɔte Lewiniɛ bɔ waatena berɛ ɔ.