Mika 4:9 - AHYERƐLƐ KRONGRON

⁹ Na afei, nzu ati yeɛ esu serɛserɛ ye? Aso ɛhene biala nne wɔ nu anaa? Aso wɔ foɛtulɛniɛ wawu anaa, bɔ enwu yealɛ kyɛ brasua bɔ aworɛ ahã ye e?

Mika 4:9 Iomraidhean Croise

Yesaya 13:8

na bɛ nwo kodwiri bɛ. Yealɛ ne aworabɔlɛ kotira bɛ, na bɛkɔte yealɛ kyɛ brasua bɔ wafo aworɛ so ɔ. Ebiala kɔfa anwodwiri kɔnea obiɛngo nyunu, na bɛ nyunu kɔyɛ bosabosaa.

Yesaya 21:3

Yiti mete yealɛ wɔ me sisia nu, na ɔyɛ me yea te kyɛ brasua bɔ wafo aworɛ so ɔ. Edwirɛ bɔ ndele ne, ɔhale me, bɔ nwuni ye ne mane me nwo dwirili me.

Yesaya 26:17

Kyɛbɔ brasua ɔnwonzɛ, ɔfo aworɛ so, ná ye ko ka ye maa osũ ne, O AWURADE, sɔ ala yeɛ yɛte wɔ wɔ nyunu ɔ.

Yeremia 22:23

Ao, wɔ bɔ ɛte Lebanon bɔ anwo wɔ saen wɔ sida mmakaa nu ɔ, sɛ aworɛ nu yealɛ ba wɔ so kyɛbɔ aworɛ nu yealɛ kã brasua a, kyɛbɔ ekosi kɔbɔ awuye ɔ!”

Yeremia 30:10

“Yiti wɔ, me somvoɛ Yakob, nnɛsuro, AWURADE noa dwirɛ ɛne. Ao Yisrael, nnɛma wɔ kunu tete wɔ; ofikyɛ tie, ngɔpepɛ ngole wɔ ngofi dedeede, na wɔ boso ama mɔ, ngɔpepɛ ngole bɛ ngofi aseɛ bɔ bahye bɛ nnure bahɔ so ne aso. Yakob kosa kɔwa kɔɔtena asomdwee nu konn, na ebiala ngonwunanwuna ye.

Yeremia 4:21

Ɔkwaadwu kyinzu yeɛ ngonwu frangaa ne, ná ngɔte totorobɛndo nga ɔ?

Yeremia 4:31

Ofikyɛ mate esuɛ bie bɔ ɔte kyɛ brasua bɔ wafo aworɛ so ɔ deɛ, ɔne ɛpenenɛ bɔ ɔte kyɛ brasua bɔ ɔwo ye bamuɛbaa ɔ, ye deɛ. Sion awa brasua ɔtee so, bɔ watrɛtrɛ ye sa nu ɔbɔ awuye kyɛ, “Edwirɛ ato me oo! Ɔnate awudifoɛ ti, me kra aboto!”

Yeremia 48:41

Bali Keriote so ngonim, yeɛ bale anwoserɛ afealeɛ nemɔ, na sɔ kyẽa ne, Moabo anwoserɛfoɛ bɛ kra kɔnwati kofi bɛ nwo, kyɛ brasua bɔ wafo aworɛ so ɔ ye deɛ.

Yeremia 50:43

“Babilɔn hene ate bɛ nga, na ye abasa nu ayɛ hodwoo; ahunundetelɛ atɔ ye so, ɔte yealɛ kyɛ brasua bɔ wafo aworɛ so ɔ.

Yeremia 8:19

Tie, me maen awa brasua ye sufrɛ fi aseɛ ne ti kɔkã ye ti kyɛ, ‘Aso AWURADE nne Sion anaa? Aso ye Hene ne, ɔnne kuro ne anu anaa?’ “Nzu ati yeɛ bafa b’amoen nemɔ ne amaenmaenso mmosoen bawura me apue ye?”

Awuye 4:20

Yɛ ngoa nwomeɛ, bɔ yeɛ ole bɔ AWURADE apopa ye ngoo ne, bɛhyele ye wɔ bɛ kumaa nemɔ anu. Ye yeɛ yɛhã yɛfale ye nwo kyɛ, “Ye fɔnwoo ne abo, yeɛ yɛkɔtena wɔ Amaenmaensofoɛ nemɔ anu ɔ.”

Hosea 10:3

Na afei de, bɛkɔhã kyɛ, “Yɛlle hene biala, ofikyɛ yanzuro AWURADE, na ɛhene de, nzikyɛ yeɛ ɔkɔhora kɔyɔ kɔma yɛ ɔ?”

Hosea 13:13

Yealɛ bɔ brasua fo aworɛ so a onwu ye ne, ebie kɔto ye, nakoso ɔte baa bienzua bɔ ɔnze nworɛ ɔ; ofikyɛ odwu mmerɛ bɔ odi kyɛ bɛwo ye a, ɔmva ye ti ndua awodeɛ ne anoa.

Hosea 3:4

Ofikyɛ Yisraelfoɛ kɔtena mmerɛ tendenn bɔ belle hene, bɔ belle dehyeɛ, bɔ bɛmmɔ afɔleɛ, bɔ belle amoen, bɔ belle asɔfo ataadeɛ ne abusua amoen ɔ,

Mika 5:3

Yiti ɔkɔyakyi bɛ nu kɔɔpem mmerɛ bɔ braa bɔ wafo aworɛ so ne kɔwo ɔ. Na afei oliɛma ngaa nemɔ, bekosa bɛkɔɔboka Yisrael mma nemɔ aso.

Yohane 16:21

Sɛ aworɛ kã brasua a, onwu yealɛ, ɔnate kyɛ ye mmerɛ adwu; nakoso sɛ ɔwo baa ne pɛ a, ɔngaye yealɛ ne ko, ɔnate anigye bɔ wanya ye kyɛ wawo sona wawa wiase ne ati.

Nyekyire 12:2

Né ɔnwonzɛ, yeɛ afei né aworɛ ahã ye maa onwu aworɛ nu amaneɛ ɔteatea nu.