Mika 4:8 - AHYERƐLƐ KRONGRON

⁸ Na wɔ, mmoaen kure abandenden, Sion awa brasua anwoserɛ afealeɛ, wɔ berɛ yeɛ tumililɛ bɔ oli moa ne kɔwa ɔ; ahennie ne kɔwa Yerusalem awa brasua berɛ.

Mika 4:8 Iomraidhean Croise

Gyenesise 35:21

Yisrael toale ye ateetulɛ ne aso, na oosili ye ɛtena sua wɔ Edere abandenden ne asi dɔ.

2 Samuel 5:7

Nakoso Dawide lili Sion kuro bɔ ɔte anwoserɛ afealeɛ ne aso ngonim. Na ye ala yeɛ waayɛ Dawide kuro ne.

Nehemia 3:25

Ndweasoɛ ne abandenden bɔ ogyi ahemvie aborɔsaen so bɔ opingye kuku nu aluo berɛ ne, ye ndendeneɛ so, Yusae awa Palal yɔle berɛ fasue ne yé. Parose awa Pedaya toale ye deɛ ne aso;

Edwein 24:7

Ao pambim mɔ, ɛ́mɔma ɛmɔ nwo so! Ɛmɔ, tete anoa mɔ, ɛ́mɔpagya ɛmɔ nwo, ná animnyam Hene ne oowura nu.

Edwein 48:3

Nyameɛ wɔ kuro berɛ anwoserɛ afealeɛ ne anu, na wahyire kyɛ ye yeɛ ɔbɔ kuro ne anwo waen ɔ amba.

Edwein 61:3

ofikyɛ wɔ yeɛ ɛte m’afealeɛ ɔ, abandenden serɛserɛ bɔ ɔko tia me pɔfoɛ ɔ.

Edwein Nu Dwein 4:4

Wɔ kɔme te kyɛ Dawide abandenden ne, bɔ besili ye kyɛ bɛfa akodeɛ begua nu, bɔ akokyɛm apee ko sinzesinze so, bɔ bɛ mukoraa bɛte koɛhonɛfoɛ b’akokyɛm ɔ.

Yesaya 1:26

Ngosa ngɔma wɔ maenbulɛfoɛ kyɛ daa ne ala, yeɛ foɛtulɛfoɛ koso, kyɛbɔ ahyɛaseɛ ne né ɔte ne ala. Na ɛhe asi ne, bɛkɔfrɛ wɔ tenenee kuro ne nahorɛlilɛ kuro.

Yesaya 10:32

Ɛnɛ kyẽa ye, Asiria koogyina wɔ Nɔbo, ɔkɔkoakoa twɔleɛ kohyire Sion awa brasua bokaa ne, Yerusalem pambaa ne.

Yesaya 5:2

Olele ye nwo waen, ɔyeyele so nyɔboɛ ne, oluale bobe mmaa paa wɔ nu, osili abandenden siele eboo n’afia, otuli nu kumaa bɔ okohwi bobe mmaa ne anu kɔyɔ nzaa ɔ, ɔnwondɛle kyɛ bobe ne kosu mmaa paa ɔ, nakoso ye mma bɔ osuli ne te bisii.

Daniel 2:44

Na sɔ ahemvo nemɔ aberɛ so, nyameɛso Nyameɛ kɔma ahennie bɔ ɔngɔsɛkye le ɔ kɔye ye ti, na sɔ ahennie ne, bɛngɔkakyi bengowura maen foforɛ sa. Sɔ ahennie ne kɔsɛkye ahennie nemɔ amukoraa kɔmaa bɛkɔbɔ bɔkɔɔ, nakoso ye de, okogyina afebɔɔ.

Daniel 7:18

Nakoso Anwuro Anwuroniɛ ne, ye anwoteefoɛ nemɔ bekonya ahennie ne, na bɛ sa kɔhã ahennie ne afebɔɔ mmerɛ bɔ olle ayieleɛ ɔ.’

Obadia 1:21

Na defoɛ mɔ kɔfo kɔhɔ Sion bokaa so bɛkɔɔyɛ Yisɔ bokaa ne aso maenbulɛfoɛ, na ahennie ne kɔyɛ AWURADE deɛ.

Mika 2:12

Ao, Yakob, ngɔboa ɛmɔ amukoraa ɛmɔ noa amba, amba, ngɔboa Yisrael ngaa ne bɛ noa; ngɔhã bɛ ngɔbɔ nu kyɛ Bosra mmoaen, kyɛ mmoaen kure bɔ begua bɛ tuin nu ɔ, na bɛkɔyɛ dede pee, ɔnate kyɛ bɛte mmenia bɔ bɛsone ne ati.

Sakaria 9:10

Ngonua teaseɛnam mɔ boso ngofi Efraim, ngonua mbɔngɔ boso ngofi Yerusalem, yeɛ ngonua koɛhonɛ agyaen boso. Ɔkɔhã asomdwee dwirɛ kohyire maen maen mɔ, ye ahennie kofi ɛpo kɔɔhã ɛpo, okofi asue ne kɔɔhã aseɛ noa dɔ.

Sakaria 9:12

O, ɛmɔ, kukunufoɛ bɔ ɛmɔanya anyelasoɛ ɔ, ɛ́mɔsa bɛbra anwoserɛ afealeɛ ne anu; na ɛnɛ kyẽa ye, mefa meto dwaa kyɛ, ngɔfa ye mmɔhoɛ nyɔ ngosi wɔ gya nu.

Sakaria 9:9

O Sion awa brasua, di ahurusi paa! O Yerusalem awa brasua, bɔ ese! Tie, wɔ Hene ne ɔ́ba wɔ berɛ, ɔtengyɛ, na ye yeɛ ngoalelɛ wɔ ye berɛ ɔ, odwo, na ɔte afunum so, afunum akrɔngrɔma so, bɔ ɔte afunum beleɛ ɔ.

Numeri 24:19

Sona bie bɔ ofi Yakob abusua nu yeɛ okoli hene ɔ, na nguro nemɔ aso ama bɔ bekonya bɛ ti bekodidi nu ne, okohũhũ bɛ.”

Mateo 21:33

“Ɛ́mɔtie anyandera bieku! Eboo mene bie yɔle bobe boo. Olele ye nwo bra yiale, ɔpɛle nu kumaa bɔ betwi nzaa wɔ nu ɔ, osili abandenden wɔ nu, na ɔfa wurale hwɛsofoɛ biemɔ sa, na otuli atee hɔle maen bie aso.

Marko 12:1

Na Yesu hyɛle ye bo dwudwo hyirele bɛ wɔ anyandera nu kyɛ, “Biaa bie yɔle bobe boo, olele ye nwo bra yiale, ɔpɛle nu kumaa bɔ betwi nzaa wɔ nu ɔ, osili abandenden wɔ nu, na ɔfa wurale hwɛsofoɛ biemɔ sa, na otuli atee hɔle maen bie aso.

Ɛfesofoɛ 1:21

na ɔte ahennie, tumi, anwoserɛ ne meneɛ amukoraa so hene, ɔne dumaa biala bɔ bɛfa bɛfrɛ ɔ, bɔ nna wiase wa angome, na mmom ewiase bɔ ɔbaawa ne koso anu.

Nyekyire 22:5

Na aleɛ ngɔsa berɛ ko; yeɛ benhia kanea anaa eyia ye hyireinn; ofikyɛ Awurade Nyameɛ yeɛ ɔkɔyɛ bɛ kanea ɔ, na bekoli hene afebɔɔ.