Mika 4:7 - AHYERƐLƐ KRONGRON

⁷ Na ngɔma mmubuafoɛ nemɔ kɔyɛ mmenia bɔ baha ɔ, yeɛ bɛ bɔ bapɛ bɛ asue ne, ngɔmaa bɛkɔyɛ anwoserɛ maen; na AWURADE koli bɛ so hene wɔ Sion bokaa so kekesaala ye ne afebɔɔ.

Mika 4:7 Iomraidhean Croise

Edwein 2:6

“Me AWURADE, me bɔbɔ, masi me hene mafa ye matena me bokaa krongron Sion so.”

Yesaya 16:5

yeɛ bɛkɔfa ahennie bia ne bekotimu berɛ wɔ ɔdɔ nu ɔ, na ɔkɔtena so nahorɛlilɛ nu wɔ Dawide ɛtena sua nu, ɔte ebie bɔ ɔfa pɛpɛɛpɛyɛlɛ obu maen ɔ, na okobua ndɛen turoloo ndɛndɛ.

Yesaya 24:23

Na afei ɛsraen kɔfɛre, yeɛ eyia nyunu kogua ase, ofikyɛ Asafo AWURADE koli hene wɔ Sion bokaa ne aso ne Yerusalem, na ɔkɔye ye animnyam ali wɔ ye mbanyi mɔ nyunu.

Yesaya 6:13

Na sɛ ɔka buru nu ngyɛmuɛ ko wɔ nu po a, bekosa bekowuwu, kyɛ esaa anaa eluii bɔ babu ye bato, bɔ ye dosii tɛ gyi berɛ ɔ.” Bɛ bosofoɛ krongron ne ole dosii ne.

Yesaya 60:22

Wɔ nu kaaba ne po, ɔkɔkakyi abusua, yeɛ bɔ ɔte kãa paa ne, ɔkɔkakyi anwoserɛ maen. Me, AWURADE, sɔ mmerɛ ne dwu a, ngɔmaa ɔkɔyɛ berɛ ndɛndɛ.

Yesaya 66:8

Nwa yeɛ wate sɔ dwirɛ ne bie le ɔ? Nwa yeɛ wanwu sɔ nikyee ne bie le ɔ? Aso ebie kɔhora kɔfa ɛlɛho kɔwo aseɛ? Aso ebie kɔhora kɔkyekye maen amono nu berɛ ala? Ofikyɛ Sion fole aworɛ so pɛ yeɛ ɔwole ye mma ɔ.

Hesekiel 43:7

Na osele me kyɛ, “Sona awa, ɛwa yeɛ ɔte nekaa bɔ m’ahennie bia ogyi ɔ, ɔne nekaa bɔ mefa me gya mesiesie ɔ, bɔ ɔte nekaa bɔ ngɔtena wɔ Yisraelfoɛ nu afebɔɔ ɔ. Na Yisrael awuro ama, bɛ ne bɛ hene mɔ, bɛngɔfa b’adwamanbɔlɛ ne, ɔne bɛ hene mɔ bɛ fuin wɔ b’asɔneyɛɛ nemɔ aso bengogua me dumaa krongron ne anwo fiɛ ko.

Daniel 2:44

Na sɔ ahemvo nemɔ aberɛ so, nyameɛso Nyameɛ kɔma ahennie bɔ ɔngɔsɛkye le ɔ kɔye ye ti, na sɔ ahennie ne, bɛngɔkakyi bengowura maen foforɛ sa. Sɔ ahennie ne kɔsɛkye ahennie nemɔ amukoraa kɔmaa bɛkɔbɔ bɔkɔɔ, nakoso ye de, okogyina afebɔɔ.

Daniel 4:34

“Na mmerɛ ne sone ne, me Nebukadenesa, ndole me ti anwuro nneane nyameɛso, m’adwene sa yɛle paa, na ngamvole Anwuro Anwuroniɛ ne, na nyele ye bɔ ɔte ase afebɔɔ ne ayɛ mvale anidie mane ye, ofikyɛ ye tumi ne te afebɔɔ tumi, na ye ahennie wɔ berɛ ma aworɛ ndoatoasoɛ amukoraa;

Daniel 7:14

Na ye yeɛ bɛmane ye tumi, animnyam ne ahennie, amaa ɔnate so maen maen mukoraa, mmenia mukoraa ne edwudwolɛ amukoraa baso ye. Ye tumi ne, ɔte tumi bɔ olle ayieleɛ bɔ ɔngɔpɛ nu le ɔ, na ye ahennie ne, ɔte ahennie bɔ ɔngɔbɔ le ɔ.

Daniel 7:27

Na bɛkɔfa ahennie ne tumi ɔne ahennie mɔ bɛ tumi bɔ ɔwɔ anwuro amukoraa bo bɛkɔma Anwuro Anwuroniɛ n’anwoteefoɛ maen ne. Ye ahennie ne te ahennie afebɔɔ, na tumi amukoraa kɔso ye, ná bayɛ sotie bama ye.’

Hosea 1:10

Nakoso Yisraelfoɛ bɛ somaa kɔyɛ kyɛ mboanoa anweaa, bɔ bɛngora ye susu anaa bɛngora ye ka ɔ. Na nekaa bɔ bɛhã behyirele bɛ kyɛ, “Nna me maen ole ɛmɔ” nen, berɛ yeɛ bɛkɔhã bekohyire bɛ kyɛ, “Nyameɛ teasefoɛ mma ole ɛmɔ” ɔ.

Yoel 2:32

Na ɔkɔwa kyɛ ebiala bɔ ɔkɔfa ye nwo kɔto AWURADE dumaa so ne, okonya ye ti kodidi nu, ofikyɛ Sion bokaa so ne Yerusalem yeɛ bɛ bɔ banya bɛ ti badidi nu ne bɛkɔtena ɔ, kyɛbɔ AWURADE ahã ne ala, na bɛ bɔ AWURADE frɛ bɛ ne, bɛkɔboka bɛ bɔ banya bɛ ti badidi nu ne aso.”

Yoel 3:17

“Ɔnate so ɛmɔkonwu kyɛ me ole AWURADE ɛmɔ Nyameɛ, bɔ nde Sion, me bokaa krongron ne aso ne. Afei, Yerusalem kɔyɛ nekaa krongron, na ɛwɔfoɛ mɔ ngɔpɛ nu berɛ ko.

Obadia 1:21

Na defoɛ mɔ kɔfo kɔhɔ Sion bokaa so bɛkɔɔyɛ Yisɔ bokaa ne aso maenbulɛfoɛ, na ahennie ne kɔyɛ AWURADE deɛ.

Mika 2:12

Ao, Yakob, ngɔboa ɛmɔ amukoraa ɛmɔ noa amba, amba, ngɔboa Yisrael ngaa ne bɛ noa; ngɔhã bɛ ngɔbɔ nu kyɛ Bosra mmoaen, kyɛ mmoaen kure bɔ begua bɛ tuin nu ɔ, na bɛkɔyɛ dede pee, ɔnate kyɛ bɛte mmenia bɔ bɛsone ne ati.

Mika 2:13

Bɔ odwiri ɛwaen gua ne, ɔkɔfo koli bɛ nyunu moa; bele amirika yiridididi bɛkɔfa pambim ne anu, bɛkɔfa nu bekofite bɛkɔhɔ. Bɛ hene ne, ɔkɔsẽ koli bɛ nyunu, na AWURADE yeɛ okotua bɛ noa ɔ.

Mika 5:3

Yiti ɔkɔyakyi bɛ nu kɔɔpem mmerɛ bɔ braa bɔ wafo aworɛ so ne kɔwo ɔ. Na afei oliɛma ngaa nemɔ, bekosa bɛkɔɔboka Yisrael mma nemɔ aso.

Mika 7:18

Nwa yeɛ ɔte Nyameɛ kyɛ wɔ, bɔ ɔfa amumuyɛɛ kyɛ, bɔ obu ye nye gua ye agyapadeɛ ngaa bɛ mmeraatolɛ so ɔ? Ɔmma ye yaafɛlɛ ndena berɛ afebɔɔ, ofikyɛ ye nye gye anwumvoinnwunɛ nwo.

Sefania 3:13

Na mmenia bɔ bɛkɔha wɔ Yisrael ne, bɛngɔyɔ amumuyɛɛ biala, bɛngɔhã ngondombo dwirɛ biala, yeɛ nnakannaka dwirɛ biala ngofi bɛ noa; ofikyɛ bɛ de, bekoodidi ná balela berɛ, bɔ ebiala ngonwunanwuna bɛ ɔ.”

Sefania 3:20

Sɔ mmerɛ ne, ngɔfa ɛmɔ ngosa ngɔwa, wɔ mmerɛ bɔ ngɔboaboa ɛmɔ noa ne anu. Ngɔma ɛmɔ konya dumaa ne animnyam wɔ aseɛ so maen maen amukoraa nu, mmerɛ bɔ ngɔfa ɛmɔ mmenia bɔ bahye bɛ nnure ngosa ngɔwa bɔ ɛmɔ nye tua ne,” AWURADE noa dwirɛ ɛne.

Luka 1:33

na okoli Yakob awuro so hene afebɔɔ, na ye ahennie ne olle ayieleɛ.”

Nyekyire 11:15

Na abɔfo bɔ ɔtɔ so nzoo ne huli ye totorobɛndo ne, na komviɛ mbiri mbiri bobɔle nu wɔ nyameɛso kyɛ, “Ewiase ahennie wayɛ yɛ Awurade ne ye Kristo ne deɛ, na okoli hene afebɔɔ.”