Mika 4:3 - AHYERƐLƐ KRONGRON

³ Okoli maen maen pee b’afia dwirɛ, na okohwi maen maen anwoserɛfoɛ bɔ bɛwɔ dedeede ɔ bɛ nyunu. Bɛkɔboro bɛ ngrandɛ bɛkɔfa bɛkɔbɔ kona, ná baboro bɛ pealɛɛ bafa babɔ asɔsɔaa. Maen bie ngɔhwe obiɛngo maen so ngrandɛ, yeɛ bengosua koɛhonɛ ko.

Mika 4:3 Iomraidhean Croise

Edwein 46:10

“Ɛ́mɔyɛ konn, ná ɛ́mɔnwu kyɛ me ole Nyameɛ! Medi hene wɔ maen maen mɔ so, medi aseɛ ye aso hene.”

Edwein 46:9

Ɔmaa koɛ bo ɔpɛ alaa kɔka aseɛ noa dɔ; obubu agyaen nu, na obubu pealɛɛ nu gɔsɔgɔsɔ, na ɔfa see yera teaseɛnam mɔ.

Edwein 72:3

Ma mmokaa nemɔ bɛfa asomdwee bɛbrɛ wɔ maen, ná ma pambaa nemɔ koso bɛfa tenenee bɛbra.

Edwein 72:7

Ye aberɛ so, ma tenenee obu so, ná asomdwee pee ɔbra, kɔpem kyɛ ɛsraen ɔnne berɛ ko ɔ.

Edwein 82:8

Ao Nyameɛ, dwɔso ná bua aseɛ so ama ndɛen, ofikyɛ maen maen amukoraa bɛte w’agyapadeɛ!

Edwein 96:13

wɔ AWURADE nyunu, ofikyɛ ɔ́ba, ɔbaabua aseɛ so ama ndɛen. Ɔkɔfa tenenee yeɛ okobua wiase ndɛen ɔ, na ɔkɔfa ye nahorɛlilɛ yeɛ okobua maen maen mɔ ndɛen ɔ.

Edwein 98:9

wɔ AWURADE nyunu, ofikyɛ ɔ́ba, ɔbaabua aseɛ so ama ndɛen. Ɔkɔfa tenenee yeɛ okobua wiase ndɛen ɔ, yeɛ ɔkɔfa ye pɛpɛɛpɛyɛlɛ yeɛ okobua maen maen mɔ ndɛen ɔ.

Yesaya 2:4

Okoli maen maen mɔ so, okosiesie mmenia pee b’afia, bɛkɔboro bɛ ngrandɛ bɛkɔfa bɛkɔbɔ kona, ná baboro bɛ pealɛɛ bafa babɔ asɔsɔaa. Maen bie ngɔhwe obiɛngo maen so ngrandɛ, na bengosua koɛhonɛ ko.

Yesaya 25:3

Yiti maen maen anwoserɛfoɛ bɛkɔhyɛ wɔ animnyam, na maen maen atianuserɛfoɛ, bɛ kuro ne kosuro wɔ.

Yesaya 51:5

Me tenenee ne apingye, me ngoalelɛ ne kɔye ye nwo ali, na me tumi kobua maen mɔ ndɛen; supɔ mɔ bɛ́nea me ate, na bɛ nye la me tumi ne aso.

Yesaya 60:12

Ofikyɛ maen anaa ahennie bɔ ɔngɔso wɔ ne, okogu; na bɛkɔbɔ sɔ maen nemɔ bɔkɔɔ.

Yesaya 65:25

Pataku ne boaen ba bekodidi neka horɛ, gyata koli ndire kyɛ nandwie ala, na nnɛterɛ yeɛ ɔkɔyɛ ewoo aleɛ ɔ. Ebiala ngohũ anaa ongopura ebiala wɔ me bokaa krongron ne amukoraa so, AWURADE noa dwirɛ ɛne.”

Yesaya 9:7

Ye ahennie, yeɛ ye asomdwee kɔhɔ so kɔtrɛ bɔ olle ayieleɛ ɔ; ɔkɔtena Dawide ahennie bia ne aso, okoli ye ahennie ne aso, na ɔkɔfa pɛpɛɛpɛyɛlɛ ne tenenee koli bia ne maa okotindim kogyina, ofi kekesaala ye maa okoodwu afebɔɔ. Asafo AWURADE ye nungunɛhwenɛ sonongo ne yeɛ ɔkɔyɔ ɛhe ɔ.

Daniel 2:44

Na sɔ ahemvo nemɔ aberɛ so, nyameɛso Nyameɛ kɔma ahennie bɔ ɔngɔsɛkye le ɔ kɔye ye ti, na sɔ ahennie ne, bɛngɔkakyi bengowura maen foforɛ sa. Sɔ ahennie ne kɔsɛkye ahennie nemɔ amukoraa kɔmaa bɛkɔbɔ bɔkɔɔ, nakoso ye de, okogyina afebɔɔ.

Hosea 2:18

Na sɔ kyẽa ne, ngɔyɛ apam ngɔma bɛ, me ne eburo ngaka, ewienu nnomaa, yeɛ ngaka bɔ bɛtwe bɛ nwo ase ɔ. Ngobubu agyaen, ngrandɛ ne koɛhonɛ nu ngofi aseɛ ye aso, na ngɔmaa bɛkɔlela berɛ asomdwee nu.

Hosea 2:20

Ngɔbɔ wɔ asiwa ngɔma me nwo wɔ nahorɛlilɛ nu, na ekonwu AWURADE.

Yoel 3:2

ngɔboaboa maen maen amukoraa bɛ noa, ngɔfa bɛ ngɔwa Yehosafate bɔnza ne anu, na berɛ yeɛ ngɔbɔ bɛ kwaadu ɔ, ɔnate me maen ne m’agyapadeɛ Yisrael bɔ babɔ bɛ basande maen maen mɔ so, ɔne m’aseɛ bɔ bahyɛ ne ati.

Mika 5:15

Na maen maen mɔ bɔ banyɛ sotie bamma me ne, nne ɛyaa ne ahonehulɛ ngɔtɔ bɛ so wereɛ.

Sakaria 14:3

Na afei AWURADE kotu kɔtengyɛ ɔne sɔ maen maen nemɔ bɛkɔɔho, kyɛbɔ ɔhone koɛ wɔ koɛ kyẽa ne ala.

Sakaria 8:20

“Asafo AWURADE nwa nyoo: Okosa kosi bieku kyɛ, maen maen nemɔ bɛ nguro pee nufoɛ kɔwa;

Sakaria 9:10

Ngonua teaseɛnam mɔ boso ngofi Efraim, ngonua mbɔngɔ boso ngofi Yerusalem, yeɛ ngonua koɛhonɛ agyaen boso. Ɔkɔhã asomdwee dwirɛ kohyire maen maen mɔ, ye ahennie kofi ɛpo kɔɔhã ɛpo, okofi asue ne kɔɔhã aseɛ noa dɔ.

Asomafoɛ 17:31

ofikyɛ watu kyẽa ko bie wasie berɛ, bɔ ɔkɔfa sona bie bɔ waneanea nu waye ye ɔ so kobua ewiase amukoraa ndɛen tenenee nu ɔ. Na wali ɛhe nwo adanzeɛ wahyire wɔ etingyɛlɛ bɔ otingyele ye fili awufoɛ nu ne, kyɛ mmenia amukoraa bele ye beli.”

Nyekyire 19:11

Na nwuni kyɛ nyameɛso abukye, na yieee, pɔngɔ fufue bie yele ye ti. Na bɔ ɔte ye so ne, bɛfrɛ ye Kanayɔ ne Nahorɛniɛ, na tenenee nu yeɛ obua ndɛen ná ɔko koɛ ɔ.

1 Samuel 2:10

Okoyie AWURADE pɔfoɛ mɔ pasapasa, Anwuro Anwuro Nyameɛ kɔbɔ nu kurudududu kofi nyameɛso kogua bɛ so, AWURADE kobua aseɛ so amukoraa ndɛen, ɔkɔma ye hene ne anwoserɛ, na ɔkɔma bɔ wapopa ye ngoo ne konya tumi.”