Mika 4:13 - AHYERƐLƐ KRONGRON

¹³ Ao Sion awa brasua, dwɔso ná boro, ofikyɛ wɔ mmɛen ne, ngɔyɛ ye buralɛ, yeɛ ngɔyɛ wɔ gya mmaboa ne koso kɔɔbere, na ɛkɔfa kɔsɛkye maen pee pasapasa. Ngotu b’anwonyadeɛ ngosie berɛ ngɔma AWURADE, yeɛ ngotu b’agyapadeɛ ngosie berɛ ngɔma aseɛ amukoraa Mene ne.

Mika 4:13 Iomraidhean Croise

Edwein 24:1

Aseɛ ye, ɔne so nningyein amukoraa bɛte AWURADE deɛ; ewiase ne bɔ ɔwɔ nu amukoraa bɛte ye deɛ,

Edwein 68:29

Ɔnate w’asɔneyɛɛ sua bɔ ɔwɔ Yerusalem ne ati, ahemvo kɔbrɛ wɔ akyɛdeɛ.

Edwein 72:10

Tasise ahemvo ne dedeede aseɛ ahemvo nemɔ, maa betua ndɔ bɛma ye; ma Hyeba ne Seba ahemvo mɔ bɛfa akyɛdeɛ bɛbrɛ ye.

Yesaya 18:7

Na sɔ mmerɛ ne, bɛkɔfa akyɛdeɛ bɛkɔbrɛ Asafo AWURADE, bɛkɔfa bekofi maen bɔ nu mmenia te ndendenn anwonyemenefoɛ, bɔ bɛ nwo suronyi atɔ mmenia bɔ bepingye bɛ ɔ so, ɔne nziɛnziɛfoɛ mɔ so ɔ, anwoserɛ ne ngonimlilɛ maen ne, bɔ asue mɔ ahyehyɛ b’aseɛ nu ne, bɛkɔfa bɛkɔbrɛ Asafo AWURADE wɔ Sion bokaa ne aso, nekaa bɔ AWURADE dumaa la so ne.

Yesaya 21:10

Ao, wɔ bɔ maboro wɔ mahuhu wɔ so ɔ, edwirɛ bɔ mate mafi Asafo AWURADE, Yisrael Nyameɛ berɛ ne, mahã mahyire wɔ.

Yesaya 23:18

Nakoso ye dwaa nningyein ne ye mvasoɛ ne, ɔkɔyɛ krongron kɔma AWURADE. Bɛngɔfa ngosie, yeɛ bɛngɔfa ngɔfea, na mmom ye dwaa nningyein ne kɔyɛ bɛ bɔ bɛwɔ AWURADE nyunu ɔ bɛ deɛ, na ɔkɔmaa bekonya aleɛ pee bekoli, ɔne ɛtena paa bɛkɔhera.

Yesaya 5:28

b’agyaen mɔ yɛ nna, basinasina b’agyaen ne amukoraati, bɛ mbɔngɔ nemɔ gya boen te kyɛ twerɛboɛ, na bɛ teaseɛnam nemɔ betu amirika kyɛ mvrama bɔ ɔpɛ ye nwo ɔ.

Yeremia 51:20

Wɔ yeɛ ɛte m’abopura ne koɛ nu akodeɛ ɔ, mefa wɔ yeɛ mebubu maen maen mɔ nu ɔ, na mefa wɔ yeɛ mesɛkye ahennie mɔ ɔ;

Yeremia 51:33

Ofikyɛ Asafo AWURADE Yisrael Nyameɛ nwa: Babilɔn awa brasua te kyɛ nekaa bɔ bɛboro aburoo ɔ, mmerɛ bɔ betiatia ye so ɔ, nakoso ɔngɔhyɛ biala, né ye buberɛ ne wadwu.”

Daniel 2:44

Na sɔ ahemvo nemɔ aberɛ so, nyameɛso Nyameɛ kɔma ahennie bɔ ɔngɔsɛkye le ɔ kɔye ye ti, na sɔ ahennie ne, bɛngɔkakyi bengowura maen foforɛ sa. Sɔ ahennie ne kɔsɛkye ahennie nemɔ amukoraa kɔmaa bɛkɔbɔ bɔkɔɔ, nakoso ye de, okogyina afebɔɔ.

Hosea 10:11

Né Efraim te nandwie akrɔngrɔma bɔ batete ye bɔ aburoo borolɛ yeɛ okuro ɔ. Nakoso ngɔfa kɔnnua ngɔto ye kɔme nyemenenyemene ne anu, ngɔma Efraim kɔhwe nningyein ne, Yuda kofundam aseɛ ne, na Yakob kofurofuro nnɛterɛ ne anu.

Mika 5:7

Na Yakob boso ama ngaa ne, bɛkɔyɛ kyɛ bosue bɔ ofi AWURADE berɛ ɔ wɔ maen maen pee bɛ nu, kyɛ nyenyenzue bɔ ogua ndire so ɔ, bɔ ɔmva ye nwo ndo sona so, anaa ɔnnwondɛ adasa mmaa ɔ.

Habakuku 3:12

Ele ɛyaa piri yeɛ ɛnate fale aseɛ so ɔ. Etiatiale maen maen mɔ so wɔ ahonehulɛ nu.

Sakaria 12:3

Na sɔ kyẽa ne, ngɔfa Yerusalem ngɔyɛ nyɔboɛ nonɛnonɛ ngɔma maen maen amukoraa, ebiala bɔ ɔkɔpagya ye ne, okopura piri paa, ɔwɔ nu kyɛ aseɛ so maen maen amukoraa bɛkɔboa bɛ noa bekodwɔso bekotia ye de.

Sakaria 12:6

“Sɔ kyẽa ne, ngɔfa Yuda mbanyi ngɔyɛ kyɛ see bɔ ogye wɔ eyein mɔ b’afia ɔ, kyɛ ɛtɛen bɔ ogye wɔ aburoo nyaa b’afia ɔ. Bɛkɔyera maen maen amukoraa bɔ bapɛ bɛ nwo bayia ɔ, wɔ famaa so ne bɛen so, na mmenia kosa kɔtena Yerusalem wɔ ye boso, wɔ Yerusalem.

Sakaria 4:14

Afei osele kyɛ, “Ɛhemɔ ole abɔdeɛ nyɔ bɔ bapopa bɛ ngoo bɔ begyigyi aseɛ amukoraa Mene ne nwo berɛ ne.”

Sakaria 6:5

Na abɔfo ne buale me kyɛ, “Ɛhemɔ ole nyameɛso sunzum nna ne, bɔ begyinagyina aseɛ amukoraa Mene ye nyunu berɛ beyie a befi berɛ bɛkɔ ne.

1 Korintofoɛ 16:2

Dapɛn biala nu kyẽa bɔ oli moa ne, ɛmɔ nu biala ɔ́fa bɔ Nyameɛ afa alo ye ne bie osie, amaa sɛ meba a, ye nwo anhia kyɛ ɛmɔkɔkekã bɛ sa ase ɔ.

Deuteronomi 33:25

Mesrɛ kyɛ, bɔ ogyigyi wɔ pambim si ne, ɔ́yɛ buralɛ ne kɔɔbere, na kyɛbɔ wɔ ngoa tendenn te ne, sɔ ala yeɛ wɔ nwo waenbɔlɛ kɔyɛ ɔ.

Yosua 6:19

Nakoso nikyee biala bɔ bafa ɛdwetɛ anaa sikaa kɔkorɛ anaa kɔɔbere anaa buralɛ bayɔ de, ɔte krongron ma AWURADE; odi kyɛ yɛfa yɛkoogua AWURADE nningyein sua ne anu.”