Mika 4:11 - AHYERƐLƐ KRONGRON

¹¹ Na afei koso, maen maen pee baboa bɛ noa badwɔso batia wɔ. Bɛnwa, “Yɛpena kyɛ ye nwo gua fiɛ, ná yɛbɔ yɛ nye afɔleɛ wɔ Sion amaneɛnwunɛ ne anwo.”

Mika 4:11 Iomraidhean Croise

Edwein 129:5

Bɛ bɔ bɛpɔ Sion amukoraa, ma bɛ nyunu ogua ase, ná besa bɛ si.

Edwein 83:5

Bɛyɛ adwene ko bɛbɔ porɛ; bɛyɛ apam betia wɔ:

Yesaya 10:7

Nakoso Asiria hene de, nna sɔ yeɛ ɔwɔ ye ti anu ɔ, nna sɔ yeɛ ɔdwene ɔ, na mmom, wayɛ ye adwene kyɛ okohũhũ mmenia, ná wasa wasɛkye maen maen pee.

Yesaya 17:12

Bɛ yaakɔ! Maen maen mɔ so mmenia pee bɔ bɛyɛ dede ɔ, bɔ bɛyɛ dede kyɛ ɛpo bɔ obu fa so ɔ! Aa, maen maen mɔ bɛteatea nu, bɛyɛ dede kyɛ asue piri bɔ ɔse wuruwuru ɔ!

Yesaya 29:7

Na maen maen pee mukoraa bɔ bɛfa koɛ bɛteta Ariɛl ne, bɛ mukoraa bɔ bɛfa koɛ bɛteta ye ne ye anwoserɛ afealeɛ bɔ bɛmaa onwu amaneɛ ne, bekotu bekomini kyɛ laleɛ, kyɛ kɔngɔen nyekyire bie.

Yeremia 52:4

Na ɔwale kyɛ Sedekia ye ahennie afoɛ bɔ ɔtɔ so ngona ne, ye bosome buru ne anu, ye eleburu ne aso, Babilɔn hene Nebukadenesa ne ye koɛhonɛfoɛ amukoraa bɛfale koɛ bɛɛtetale Yerusalem. Betuale kuro ne, na bɛkyekyele nyinasoɛ bɔ bɛkɔfo so bɛkɔhɔ kuro ne anu ɔ bɛbrale ye nwo beyiale.

Hesekiel 26:3

bɔ AWURADE Nyameɛ kã hɔ ɛhe: Tie, wɔ Tiro, meko metia wɔ, na ngɔma maen maen pee bɛkɔfa koɛ bɛkɔɔtoa wɔ, kyɛbɔ ɛpo ɔbɔ ye asorɔkye ba ne.

Hesekiel 38:17

“AWURADE Nyameɛ nwa nyoo: Aso wɔ ole bɔ mvale me somvoɛ mɔ bɔ bɛte Yisrael ngɔmhyɛlɛfoɛ so ngane ye nwo dwirɛ daa tete ne, bɔ bɛhyɛle ngɔm sɔ mmerɛ ne afoɛ pee, kyɛ ngɔfa wɔ ngɔwa maa ɛkɔɔfa koɛ kɔtoa bɛ ne anaa?

Obadia 1:12

Nakoso ahaa onni kyɛ wɔ nye gye wɔ eliɛma n’amaneɛnwunɛ kyẽa ne anwo, yeɛ ahaa onni kyɛ edi ahurusi wɔ Yuda mma bɔ né bekũkũ bɛ ne anwo. Afei ahaa onni kyɛ ɛkekã anwomasoɛ dwirɛ, wɔ b’aworabɔlɛ kyẽa ne anwo.

Mika 7:10

Afei, me pɔfoɛ ne konwu ye, na animguaseɛ kɔhã ye, ye bɔ obisa me kyɛ, “AWURADE wɔ Nyameɛ ne, ɔwɔ ni?” ne. Ngɔfa me nye ngɔnea ye, na afei bekotiatia ye so kyɛ dwaaso asaa.

Sakaria 12:3

Na sɔ kyẽa ne, ngɔfa Yerusalem ngɔyɛ nyɔboɛ nonɛnonɛ ngɔma maen maen amukoraa, ebiala bɔ ɔkɔpagya ye ne, okopura piri paa, ɔwɔ nu kyɛ aseɛ so maen maen amukoraa bɛkɔboa bɛ noa bekodwɔso bekotia ye de.