Mika 4:10 - AHYERƐLƐ KRONGRON

¹⁰ Ao Sion awa brasua, pene ná twe wɔ nwo kyɛ brasua bɔ wafo aworɛ so ɔ, ofikyɛ afei de, ekofi kuro ne anu kɔhɔ kɔɔtena eburo; na ɛkɔhɔ Babilɔn, berɛ yeɛ AWURADE kɔpepɛ kole wɔ ɔ; berɛ yeɛ AWURADE kɔpɔ wɔ kofi wɔ pɔfoɛ mɔ sa nu ɔ.

Mika 4:10 Iomraidhean Croise

2 Ahemvo 20:18

Wɔ bɔbɔ wɔ boso ama nemɔ bie, bɛkɔsesa bɛ bɛkɔhɔ, na bɛkɔyɛ bɛ sayɛɛ wɔ Babilɔn hene ahemvie.”

2 Ahemvo 25:4

Na Babilɔnfoɛ ɛlɔen ne bɛbɔngyele kuro berɛ fasue ne anu tokuro. Ɔwɔ nu kyɛ né Babilɔn ɛlɔen ne bapɛ kuro ne anwo bayia de, nakoso kɔngɔen, Nana Sedekia ne ye koɛhonɛfoɛ amukoraa bɛnwati bɛfale pambim bɔ ɔwɔ fasue bɔ ɔbɔ ye nwo nyɔ ne anu bɛhɔle. Pambim ne pingye Nana Sedekia turo ne. Bɛfale bɛ nye behyirele asue Yɔɔdan bɔnza ne anu dɔ.

2 Aberɛso Dwirɛ 33:11

Yiti AWURADE mane Asiria hene safohene mɔ bɛfale koɛ bɛɛtoale bɛ. Bɛhyele Manase nnure, beguale ye kɔɔbere ngɔnzɔngɔnzɔ, bɛfale kɔɔbere bɛkyekyele ye, na bɛfale ye bɛhɔle Babilɔn.

2 Aberɛso Dwirɛ 36:20

Bɛ bɔ benyane bɛ ti bedidili nu ne amukoraa koso, ɔhyele bɛ nnure fale bɛ hɔle Babilɔn, na bɛɛyɛle ngoaa bɛmane ye ne ye mma mɔ alaa maa oodwuli kyɛ Pɛsia ahennie tumi dwɔsole ɔ.

2 Aberɛso Dwirɛ 36:23

“Pɛsia hene Karose nwa nyoo, ‘AWURADE bɔ ɔte nyameɛso Nyameɛ ne, wafa aseɛ so ahennie amukoraa wawura me sa, na wafa ahyɛdeɛ wama me kyɛ nzi sua mma ye wɔ Yerusalem bɔ ɔwɔ Yuda ne. Ɛmɔ nu biala bɔ ɔboka ye mmenia so ne, mesrɛ kyɛ AWURADE ye Nyameɛ ogyina ye si’. Ɔkora osi nu ɔkɔ.’ ”

Edwein 106:10

Yiti ɔpepɛ lele bɛ fili mmenia bɔ bekyi bɛ ɔ nemɔ sa nu, na olele bɛ fili pɔfoɛ nemɔ sa nu.

Yesaya 43:14

AWURADE, ɛmɔ Defoɛ, Yisrael Krongronniɛ ne, ɔnwa nyoo: “Ɔnate ɛmɔ ti, masoma maa bahɔ Babilɔn, kyɛ beebubu mmuralɛ bɔ ɔbrambram pambim nemɔ asi ne anu, na Kaldeafoɛ anigye esebɔlɛ ne, ɔkɔkakyi awuyebɔlɛ.

Yesaya 45:13

Me yeɛ makanyane ye wɔ tenenee nu ɔ, na ngɔtengyɛtengyɛ ye atee amukoraa, ye yeɛ ɔkɔkyekye me kuro ne ɔ, na ye yeɛ ɔkɔyakyi me mmenia bɔ bahye bɛ nnure ne ate maa bekosa bɛkɔhɔ, bɔ ongole bɛ ti nyɔboɛ anaa akyɛdeɛ biala ɔ,” Asafo AWURADE noa dwirɛ ɛne.

Yesaya 48:20

Ɛ́mɔfi Babilɔn béfite bɛhɔ, ɛ́mɔnwati béfi Kaldeafoɛ nu, ɛ́mɔfa ahurusililɛ bɛ́bɔ ye nwo ese, ɛ́mɔbɔ ye nwo dawure, ɛ́mɔma odwu aseɛ so nekaa biala. Ɛ́mɔhã kyɛ, “AWURADE apɔ ye somvoɛ Yakob wale ye!”

Yeremia 13:4

“Abɔsoɛ bɔ aatɔ bɔ ɔbɔ wɔ yaase ne, dwɔso fa kɔ asue Yufreti noa, ná kɔfa fea nyɔbotaen tokuro bie anu wɔ dɔ.

Yeremia 15:21

Ngɔpepɛ ngole wɔ ngofi bɔnefoɛ mɔ sa nu, na ngɔpɔ wɔ ngofi atianuserɛfoɛ bɛ sa nu.

Yeremia 29:20

Na afei, ɛmɔ bɔ bahye ɛmɔ nnure amukoraa, bɔ maye ɛmɔ mafi Yerusalem mahɔ Babilɔn ne, ɛ́mɔtie AWURADE dwirɛ.

Yeremia 4:31

Ofikyɛ mate esuɛ bie bɔ ɔte kyɛ brasua bɔ wafo aworɛ so ɔ deɛ, ɔne ɛpenenɛ bɔ ɔte kyɛ brasua bɔ ɔwo ye bamuɛbaa ɔ, ye deɛ. Sion awa brasua ɔtee so, bɔ watrɛtrɛ ye sa nu ɔbɔ awuye kyɛ, “Edwirɛ ato me oo! Ɔnate awudifoɛ ti, me kra aboto!”

Yeremia 48:41

Bali Keriote so ngonim, yeɛ bale anwoserɛ afealeɛ nemɔ, na sɔ kyẽa ne, Moabo anwoserɛfoɛ bɛ kra kɔnwati kofi bɛ nwo, kyɛ brasua bɔ wafo aworɛ so ɔ ye deɛ.

Yeremia 52:27

Babilɔn hene maa behuhuni bɛ wɔ Ribla bɔ ɔwɔ Hamate aseɛ so ne. Yiti bɛhyele Yuda nnure befili ye bɔbɔ ye aseɛ so bɛhɔle.

Hosea 1:10

Nakoso Yisraelfoɛ bɛ somaa kɔyɛ kyɛ mboanoa anweaa, bɔ bɛngora ye susu anaa bɛngora ye ka ɔ. Na nekaa bɔ bɛhã behyirele bɛ kyɛ, “Nna me maen ole ɛmɔ” nen, berɛ yeɛ bɛkɔhã bekohyire bɛ kyɛ, “Nyameɛ teasefoɛ mma ole ɛmɔ” ɔ.

Hosea 13:13

Yealɛ bɔ brasua fo aworɛ so a onwu ye ne, ebie kɔto ye, nakoso ɔte baa bienzua bɔ ɔnze nworɛ ɔ; ofikyɛ odwu mmerɛ bɔ odi kyɛ bɛwo ye a, ɔmva ye ti ndua awodeɛ ne anoa.

Hosea 2:14

Yiti tie, ngɔma me hurolɛ kɔwa ye nu, ngɔfa ye ngɔhɔ ɛserɛ so, na ngɔhã ɛkorɔkorɔlɛ dwirɛ ngohyire ye.

Mika 5:2

Nakoso wɔ, ao Betlehem Efrata, ɔwɔ nu kyɛ ɛte kãa wɔ Yuda nguro nemɔ anu de, nakoso bɔ ɔkɔyɛ Yisrael maenbulɛniɛ ne, bɔ ye ahyɛaseɛ fi tete, bɔ ofi mmerɛ bɔ olle ahyɛaseɛ ne, wɔ yeɛ okofi wɔ nu kɔwa kɔma me ɔ.

Mika 5:3

Yiti ɔkɔyakyi bɛ nu kɔɔpem mmerɛ bɔ braa bɔ wafo aworɛ so ne kɔwo ɔ. Na afei oliɛma ngaa nemɔ, bekosa bɛkɔɔboka Yisrael mma nemɔ aso.

Nyekyire 12:14

Nakoso bɛmane braa ne kɔleɛ pirikua bie ndaa nyɔ, kyɛ ɔfa tu fi ewoo ne nyunu hɔ ɛserɛ so, wɔ ye atenaleɛ, nekaa bɔ bɛkɔnea ye mmerɛ ne mmerɛ ne mmerɛ bue ne.