Mika 4:1 - AHYERƐLƐ KRONGRON

¹ Nakoso ɔkɔwa kyɛ, ngyẽa bɔ oli nziɛ ne anu, bokaa bɔ AWURADE awuro ne gyi so ne, okotimu kɔyɛ tendenn paa wɔ mmokaa nemɔ anu, na ɔkɔhɔ anwuro kɔtra pambaa nemɔ. Mmenia kotu bi bɛkɔhɔ so,

Mika 4:1 Iomraidhean Croise

Gyenesise 49:1

Yakob frɛfrɛle ye mma mɔ, na osele bɛ kyɛ, “Ɛ́mɔboaboa ɛmɔ noa ma nga bɔ kyẽa bie okosi ɛmɔ bra nu ɔ ngyire ɛmɔ.

Gyenesise 49:10

Ɛhɔtɔ ngofi Yuda sa nu, yeɛ ahennie pɔmaa ngofi ye gya afia, kɔpem kyɛ mmenia kotua ndɔ bɛkɔma ye ɔ, kɔpem kyɛ maen maen kɔyɛ sotie bɛkɔma ye ɔ.

Edwein 110:3

Kyẽa bɔ ekoli wɔ koɛhonɛfoɛ nyunu, wɔ mmokaa krongron nemɔ aso ne, wɔ maen kofia bɛ kunu bekotu bɛ nwo bekosie berɛ, ofi ngyerɛmɔ tutuutu, wɔ mmerandeɛ kɔwa wɔ berɛ kyɛ bosue.

Edwein 22:27

Ofi aseɛ ti kɔka ye ti, bɛkɔkaye, ná basa bawa AWURADE berɛ; na maen maen mɔ so mmusua amukoraa, bɛkɔkoto wɔ ye nyunu.

Edwein 48:1

AWURADE te piri, na ɔfata ayɛyelɛ piri paa wɔ yɛ Nyameɛ kuro ne anu. Ye bokaa krongron ne,

Edwein 86:9

Ao AWURADE, amaen maen amukoraa bɔ ɛyɔle ne, bɛkɔwa bɛkɔɔbɔ bɛ nu ase wɔ wɔ nyunu, ná bahyɛ wɔ dumaa animnyam.

Yesaya 27:13

Sɔ kyẽa ne, bekohu totorobɛndo pirikua ne, na bɛ bɔ beminini bɛhɔle Asiria aseɛ so, bɛ ne bɛ bɔ bɛsesale bɛ bɛhɔle Misraim aseɛ so ne, bɛkɔwa bɛkɔɔsɔne AWURADE wɔ bokaa krongron ne aso, wɔ Yerusalem.

Yesaya 43:6

Ngɔhã ngohyire sorɔ dɔ kyɛ, ‘Ma bɛ ate!’ Yeɛ ngɔhã ngohyire ngwaen dɔ kyɛ, ‘Nnɛsi bɛ ate!’ Fa me mma mmienzua mɔ fi dededede bra, ná fa me mma mmrasua mɔ fi aseɛ noa dɔ paa bra;

Yesaya 49:6

Ɔnwa nyoo: “Kyɛ ɛkɔyɛ me somvoɛ, kyɛ ɛkɔpagya Yakob mmusua kure nemɔ, ɔne kyɛ ɛkɔfa Yisraelfoɛ bɔ banya bɛ ti badidi nu ne ekosa kɔwa ne, aso ɔte adwuma ba? Ngosa ngɔfa wɔ ngɔyɛ kanea ngɔma maen maen mɔ, amaa ɔnate so ama me ngoalelɛ waadwu aseɛ so nekaa biala.”

Yesaya 54:2

Wɔ tena sua ne, trɛ nu, w’atenaleɛ nemɔ, trɛtrɛ berɛ mbɛmuɛ tena nemɔ anu; nnɛyakyi, ma wɔ nyamaa nemɔ bɛyɛ ndendenn, ná ma wɔ pɛmbɛen nemɔ betimu ase.

Yesaya 56:7

ngɔfa sɔ mmenia ne ngɔwa me bokaa krongron ne aso, ná mamaa banya anika wɔ me mbaeɛbɔlɛ awuro. Bɛ naen yeralɛ afɔleɛ ne b’afɔleɛ nemɔ, ɔkɔsɔ me nye wɔ m’afɔleɛ bokyea ne aso, ofikyɛ m’awuro ne, dumaa bɔ ɔkɔla so kɔma maen maen amukoraa ole mbaeɛbɔlɛ awuro.

Yeremia 16:19

Ao AWURADE, m’anwoserɛ ne m’anwoserɛ afealeɛ, me nwo adwaabɔlɛ nekaa wɔ amaneɛnwunɛ kyẽa nu, wɔ berɛ yeɛ amaen maen bekofi aseɛ noa kɔkã ye noa bɛkɔwa bɛkɔɔhã kyɛ, “Amba, ngondombo yeɛ ɔte anwonyadeɛ bɔ yɛ nana mɔ benyane ye ɔ: ɔne nningyein mbaen mbaen bɔ mvasoɛ nne so ɔ.

Yeremia 26:18

“Moreseteniɛ Mika hyɛle ngɔm wɔ Yuda hene Hesekia aberɛ so, na osele Yudafoɛ amukoraa kyɛ, ‘Bɔ Asafo AWURADE kã ɛhe: Bekofundam Sion kyɛ eboo, Yerusalem kɔkakyi esire esire, na bokaa bɔ awuro ne gyi so ne, ɔkakyi ɛhɔayeɛ.’

Yeremia 3:17

Sɔ mmerɛ ne, bɛkɔfrɛ Yerusalem AWURADE ahennie bia, na maen maen amukoraa bekooyia berɛ, wɔ AWURADE dumaa nu wɔ Yerusalem, na bɛngɔyɛ asoserɛ bɛngɔyɔ b’apɛdeɛ tɛɛ nemɔ ko.

Yeremia 31:12

Yiti bɛkɔwa bɛkɔɔto dwein wɔ Sion bokaa ne ti afia, na bɛ nye kɔgye, ɔnate AWURADE paayɛlɛ ne ati, ɔne aleɛ, nzaa ne ngoo ne ati, yeɛ mmoaen akrɔngrɔma mɔ ne nandwie akrɔngrɔma mɔ ti. B’asetena nu kɔyɛ kyɛ eboo bɔ onya nzue ɔ, na bɛ wora ngɔbɔ ko koraa.

Yeremia 48:47

Nakoso ngyẽa bɔ oli nziɛ ne, ngɔfa Moabo ngofi nnurehyelɛ nu ngosa ngɔwa, AWURADE noa dwirɛ ɛne.” Moabo ndɛenbualɛ ne, ye ayieleɛ ɛne.

Hesekiel 38:16

na ɛkɔɔfa koɛ kɔtoa me maen Yisrael kyɛ munungum bɔ ɔkɔta aseɛ ne aso ɔ. Na mmerɛ bɔ oli nziɛ ne, ngɔfa wɔ ngɔwa maa ɛkɔɔfa koɛ kɔtoa me maen ne, bɔ ɔnate so maen maen bekonwu me ɔ, na ɛhe kosi wɔ mmerɛ bɔ ngɔfa wɔ, Gɔgo, wɔ so ngɔla me krongronyɛlɛ ali bɔ bɛ nye tua ɔ.

Hesekiel 40:2

Nyameɛ nyekyire ne anu, ɔfale me wale Yisrael aseɛ so, na ɔfale me oogyinane bokaa tendenn paa bie aso, bɔ né so te kyɛ kuro bɔ bakyekye ye wɔ ngwaen dɔ ɔ.

Hesekiel 43:12

Awuro ne, ye nwo mmeraa ɛhe: Bokaa ne ti afia, ɔne ye nwo wɛen bɔ ɔpɛ ye nwo wabra wayia amukoraa te krongron nu krongron. Tie, awuro ne nwo mmeraa ɛne.

Daniel 10:14

Na bɔ ɔkɔto wɔ maen ne wɔ mmerɛ bɔ oli nziɛ ne anu ne, mawa kyɛ mebaamaa ɛte ye bo. Ofikyɛ sɔ nyekyire he, ɔfa mmerɛ bie bɔ ɔbaawa ɔ nwo.”

Daniel 2:28

na mmom Nyameɛ bie wɔ nyameɛso bɔ ɔda mvealeɛ nu dwirɛ ali ɔ, na ye yeɛ waye bɔ kyẽa bie okosi ɔ wahyire Nana Nebukadenesa ɔ. Ɛla wɔ bɛen so ne, wɔ laleɛ ne nyekyire bɔ enwuni ne, ye ɛhe:

Daniel 2:35

Afei buralɛ ne, ɛfaa ne, kɔɔbere ne, ɛdwetɛ ne ne sikaa kɔkorɛ ne, bɛ nu bubuli nyokonyoko komapɛ, na bɛyɛle kyɛ ahuhuro mmerɛ nu afafu bɔ ɔwɔ nekaa bɔ bɛboro aburoo ɔ; na mvrama bɔle bɛ hɔle bɔ bɛ boso minini ɔ. Nakoso nyɔboɛ bɔ ɔɔbɔle sonaluwaa ne de, ɔyɛle bokaa kandinga, na oyili aseɛ so tɛkyɛ.

Daniel 2:44

Na sɔ ahemvo nemɔ aberɛ so, nyameɛso Nyameɛ kɔma ahennie bɔ ɔngɔsɛkye le ɔ kɔye ye ti, na sɔ ahennie ne, bɛngɔkakyi bengowura maen foforɛ sa. Sɔ ahennie ne kɔsɛkye ahennie nemɔ amukoraa kɔmaa bɛkɔbɔ bɔkɔɔ, nakoso ye de, okogyina afebɔɔ.

Daniel 7:14

Na ye yeɛ bɛmane ye tumi, animnyam ne ahennie, amaa ɔnate so maen maen mukoraa, mmenia mukoraa ne edwudwolɛ amukoraa baso ye. Ye tumi ne, ɔte tumi bɔ olle ayieleɛ bɔ ɔngɔpɛ nu le ɔ, na ye ahennie ne, ɔte ahennie bɔ ɔngɔbɔ le ɔ.

Daniel 7:18

Nakoso Anwuro Anwuroniɛ ne, ye anwoteefoɛ nemɔ bekonya ahennie ne, na bɛ sa kɔhã ahennie ne afebɔɔ mmerɛ bɔ olle ayieleɛ ɔ.’

Daniel 7:22

kɔpem kyɛ Bɔ Ɔwɔ Berɛ Fi Tetetete ne wale ɔ, na obuale Anwuro Anwuroniɛ n’anwoteefoɛ nemɔ be, na mmerɛ ne dwuli maa anwoteefoɛ nemɔ bɛ sa hane ahennie ne.

Daniel 7:27

Na bɛkɔfa ahennie ne tumi ɔne ahennie mɔ bɛ tumi bɔ ɔwɔ anwuro amukoraa bo bɛkɔma Anwuro Anwuroniɛ n’anwoteefoɛ maen ne. Ye ahennie ne te ahennie afebɔɔ, na tumi amukoraa kɔso ye, ná bayɛ sotie bama ye.’

Hosea 3:5

na ye si, Yisraelfoɛ kosa kɔwa bɛkɔɔpena AWURADE bɛ Nyameɛ ne bɛ hene Dawide si atee, na bekosuro AWURADE ne ye anwumvoinnwunɛ wɔ ngyẽa bɔ oli nziɛ nemɔ anu.

Mika 3:12

Yiti ɔnate ɛmɔ ti, bekofundam Sion kyɛ eboo; Yerusalem kɔkakyi esire sire, na bokaa bɔ awuro ne gyi so ne, ɔkɔkakyi ɛhɔayeɛ nu asɔneyɛɛ.

Sakaria 14:10

Aseɛ ne amukoraa kɔkakyi aseɛ frɛtɛɛ ofi Geba okoodwu Rimon wɔ Yerusalem ngwaen. Nakoso Yerusalem de, ɔkɔha bokaa so wɔ ye boso, ofi Benyamin pambim ne maa okoodwu pambim bɔ oli moa ne, maa okoodwu ndweasoɛ pambim ne; na okofi Hananel abandenden ne okoodwu ɛhene ne kumaa bɔ betwi nu nzaa ne.

Sakaria 2:11

Na sɔ kyẽa ne, maen maen pee bɛkɔfa bɛ nwo kɔɔbɔ AWURADE, na bɛkɔyɛ me maen. Ngɔtena wɔ nu, amaa ɔnate so anwu ye kyɛ Asafo AWURADE yeɛ wasoma me wɔ berɛ ɔ.

Sakaria 8:3

AWURADE nwa nyoo: Ngosa ngɔwa Sion, na ngɔɔtena Yerusalem, na bɛkɔfrɛ Yerusalem kyɛ: Nahorɛ Kuro; yeɛ Asafo AWURADE bokaa ne koso kyɛ, Bokaa Krongron.

Malaki 1:11

Ofikyɛ, ofi eyia fitelɛ kodwu ye tɔlɛ, me dumaa te piri wɔ maen maen mɔ nu, na bɛyera ɛyɛɛ bɛbɔ afɔleɛ bɛma me dumaa nekaa biala, yeɛ bɛbɔ afɔleɛ bɔ ye nwo te ɔ bɛma me; ofikyɛ me dumaa te piri wɔ maen maen mɔ nu, Asafo AWURADE noa dwirɛ ɛne.

Asomafoɛ 2:17

‘Nyameɛ nwa: Na ɔkɔwa kyɛ, ngyẽa bɔ oli nziɛ ne anu, ngohwie me Sunzum ngogua anwoɔnaen amukoraa so, na ɛmɔ mma mmienzua ne ɛmɔ mmrasua kɔhyɛ ngɔm; ɛmɔ mmerandeɛ mɔ konya nyekyire, na ɛmɔ mbanyi mɔ kɔhyehye laleɛ;

Hebrifoɛ 1:2

nakoso ngyẽa bɔ oli nziɛ ye anu de, wafa Ɔwa ne aso yeɛ wadwudwo wahyire yɛ ɔ, ye bɔ wama agyapadeɛ amukoraa wayɛ ye deɛ, ye bɔ ɔnate ye so yeɛ ɔbɔle wiase amukoraa ɔ.

2 Petro 3:3

Na ɔsɛ kyɛ ɛmɔdi moa bɛte ɛhe bo, kyɛ, ngyẽa bɔ oli nziɛ ye anu, ngorohoɛfoɛ kodwɔso, na bekoli bɛ bɔbɔ b’akɔnnɔ si bekoli ngorohoɛ;

Nyekyire 11:15

Na abɔfo bɔ ɔtɔ so nzoo ne huli ye totorobɛndo ne, na komviɛ mbiri mbiri bobɔle nu wɔ nyameɛso kyɛ, “Ewiase ahennie wayɛ yɛ Awurade ne ye Kristo ne deɛ, na okoli hene afebɔɔ.”

Nyekyire 15:4

O, Awurade, nwa yeɛ ongosuro wɔ ná ɔngɔhyɛ wɔ dumaa animnyam ɔ? Ofikyɛ wɔ ngome yeɛ ɛte krongron ɔ. Maen maen amukoraa kɔwa kɔɔkoto wɔ, ofikyɛ wɔ ndɛenbualɛ turoloo ne ala ali.”

Nyekyire 20:4

Afei nwuni ahennie bia mɔ, na bɛmane bɛ bɔ bɛtete so nemɔ tumi kyɛ bebua ndɛen. Na bɛ bɔ ɔnate Kristo adanzeɛ ne Nyameɛ dwirɛ ne ati bɛpepɛle bɛ ti ne, nwuni bɛ kra mɔ. Bɛ de, banzɔne kaka ne anaa ye honi ne, yeɛ banne ye nzorɛhyɛlɛ ne wɔ bɛ nwoma so, anaa bɛ sa nwo. Benyane ngoa bieku, na bɛne Kristo belili hene afoɛ apee ko.