Mika 3:9 - AHYERƐLƐ KRONGRON

⁹ Ɛmɔ, ɛ́mɔtie, Yakob awuro atitire, yeɛ Yisrael awuro ama mbanyi bɔ ɛmɔkyi ndɛenbualɛ turoloo, ná ɛmɔkyea pɛpɛɛpɛyɛlɛ amukoraa ɔ,

Mika 3:9 Iomraidhean Croise

Nehemia 13:17

Yiti ngane Yuda atitire nemɔ nyunu kyɛ, “Nzikyɛ musue yeɛ ɛmɔbɔ ye? Ɛmɔgua afofikyẽa ne anwo fiɛ?

Ɛksadɔso 3:16

Kɔ! Kɔboaboa Yisrael mbanyi mɔ noa, ná kã kyire bɛ kyɛ, ‘AWURADE ɛmɔ nana mɔ Nyameɛ ne, Abraham Nyameɛ ne, Yisake Nyameɛ ne, Yakob Nyameɛ ne, waye ye nwo ali wahyire me. Ɔnwa: ‘Maanea ɛmɔ, na manwu nikyee bɔ bɛfa bɛyɔ ɛmɔ wɔ Misraim ne.

Anyandera 17:15

Ebiala bɔ obua bɔnefoɛ be, ɔne ebiala bɔ obua teneneeniɛ fɔ ne, AWURADE kyi bɛ munyɔ kɔkɔkɔkɔ.

Anyandera 17:23

Bɔnefoɛ ɔfea ye nwo ode fea-ase-ma, kyɛ ogyina so obua ndɛengyea.

Anyandera 18:5

Ɔtte mayee kyɛ ɛkɔma bɔnefoɛ koli be, ná ekobua teneneeniɛ ndɛengyea ɔ.

Anyandera 21:7

Amumuyɛɛfoɛ bɛ nzɛmmɔne kɔpra bɛ bo kɔhɔ, ofikyɛ bɛpo kyɛ bɛkɔyɔ bɔ ɔtengyɛ ɔ.

Yesaya 1:23

Wɔ mbanyi ayɛ lɔen, na bafa awuefoɛ abiɛngoɛ. Bɛ mukoraa bɛ nye gye fea-ase-ma nwo, na bɛpere bɛpena akyɛdeɛ. Bɛnga bie bɛmma nyisiaafoɛ, na akunafoɛ mmrasua dwirɛ ba bɛ nyunu a bɛmvrɛ.

Yeremia 5:28

Bayɛ branoa totwetotwee. Amba, bedi nzɛmmɔne bɛtra so; bemmua nyisiaafoɛ ndɛen bɔ ɔtengyɛ ɔ, nakoso sɔ mmenia nemɔ benya bɛ nwo, yeɛ bɛnga bie bɛmma bɛ bɔ bɛyɛ anwumvo ɔ.

Hesekiel 44:23

Odi kyɛ bekyirekyire me maen nzonzoleɛ bɔ ɔla krongron nningyein ɔne nningyein mbaen b’afia ɔ, ná bɛmaa benwu nzonzoleɛ bɔ ɔla nningyein bɔ bɛ nwo nde ɔne bɔ bɛ nwo te ɔ b’afia.

Hosea 5:1

Ao asɔfo, ɛ́mɔtie edwirɛ he, ɛmɔ, Yisrael awuro ama, ɛ́mɔyɛ asoɛ betie. Ao, ɛhene awuro ama, ɛ́mɔtie, ofikyɛ ndɛenbualɛ ne, ɔ́ba ɛmɔ so; ofikyɛ ɛmɔakakyi ngaen wɔ Misepa, ɔne ɛtɛen bɔ batrɛtrɛ nu wɔ Tabɔ so ɔ.

Lewitikɔso 26:15

sɛ ɛmɔpo m’ahyɛdeɛ, ná ɛmɔtwi bɛfa me nhyehyɛleɛ so, ná ɛmɔanni me mmeraa dwirɛ amukoraa so, ná ɛmɔbu m’apam so a,

Amose 5:7

Ah, ɛmɔ bɔ ɛmɔkakyi ndɛenbualɛ turoloo maa ɔyɛ kyɛ abɔwee, ná ɛmɔgyi tenenee bɛto ase ɔ!

Mika 1:1

AWURADE dwirɛ bɔ ɔlale ye ali hyirele Moreseteniɛ Mika, wɔ Yuda ahemvo Yotam, Ahase ne Hesekia b’aberɛ so, bɔ onwuni ye fale Samaria ne Yerusalem nwo ne, ye ɛhe.

Mika 3:1

Na ngane kyɛ, Ao, mesrɛ ɛmɔ, ɛ́mɔtie oo, Yakob atitire ne Yisrael awuro ama mbanyi. Aso nna ɛmɔ yeɛ odi kyɛ ɛmɔnea kyɛ ndɛen turoloo kɔyɛ adwuma ɔ?

Deuteronomi 27:19

“ ‘Musue tó sona biala bɔ okobua ɛwɔfoɛ, awisianiɛ anaa kunaniɛ ndɛengyea ɔ.’ Na mmenia ne amukoraa kosuro so kyɛ, ‘Amen!’